ភ្នំពេញ-ក្នុងបណ្តាញសង្គមមានការភ្ញាក់ផ្អើល ដែលបានឃើញពិធីរៀបចំឡើងគេហដ្ឋានថ្មី របស់មន្ត្រីជាន់ខ្ពស់ក្នុងកងអង្គរក្ស និងភរិយាស្របច្បាប់ ដែលគេល្បីថា ការរៀបចំពិធីនោះ រហូតដល់ជាង១០ម៉ឺនដុល្លារ ទាំងការតុបតែង ផ្កាភ្ញី ព្រមទាំងតារាចម្រៀងល្បីៗជាច្រើនដួងចូលរួមអង្រួនឆាកតន្ត្រីយ៉ាងឧឡារឹកទៀតផង។
តារាល្បីៗច្រើននាក់ដែលបានចូលរួមនៅក្នុងពិធី សុទ្ធតែបានចែកចាយនូវភាពអស្ចារ្យដែលខ្លួនបានឃើញនៅក្នុងពិធី បន្ទាប់ពីវីដេអូស្ដីពីពិធីមង្គលមួយនេះត្រូវបានគេចែកចាយយ៉ាងភ្លូកទឹកភ្លូកដីក្រោយការបង្ហោះផ្លូវការក្នុងប៉ុន្មានថ្ងៃនេះ។ គ្មានអ្នកណាមិនភ្ញាក់ផ្អើលនោះទេ បន្ទាប់ពីបានឃើញវីដេអូឡើងផ្ទះរបស់លោកឧត្តមសេនីយទោរ ហូ ចំរើន និងអ្នកស្រី គារ សុខគាង ដែលបានធ្វើឡើងកាលពីថ្ងៃទី៦ ខែ១១ កន្លងទៅ តែទើបតែបានបង្ហោះវីដេអូដ៏អស្ចារ្យជុំវិញពិធីនេះជាផ្លូវការនាពេលថ្មីៗ។
ពិធីនេះគ្រាន់តែនៅខាងមុខផ្ទះមានតាំងសុទ្ធតែស្ដេចរថយន្តថ្លៃៗតម្លៃរាប់សែនដុល្លារច្រើនគ្រឿង ដោយសូម្បីតែការចាត់ចែងទាំងក្នុងនិងក្រៅឆាកក៏អាចនិយាយបានថាមិនមានពិធីណាមង្គលណាមួយដែលអាចប្រដូចបានដែរ។ តារាល្បីៗជាច្រើនរួមមាន លោកព្រាប សុវត្ថិ អ្នកនាងខាត់ សុឃីម និងកញ្ញាមាសសុខសោភា ជាដើម សុទ្ធតែបានបង្ហាញខ្លួន ដោយក្នុងពិធីនោះ ដោយក្រៅពីរៀបចំយ៉ាងឥតខ្ចោះលើផ្នែកពិធីករ និងដេគ័រ ក៏មានរៀបចំកងទាហានជាជួរអោយឈររាំរែកយ៉ាងរស់រវើក ធ្វើអោយពិធីទាំងមូលពោរពេញដោយសិល្បៈឡើងផ្អើលផងដែរ។
អ្នកនាង គារ សុខគាង ដែលតារាសិល្បៈទូទៅអះអាងបញ្ជាក់ថាជាភរិយាស្របច្បាប់របស់លោកឧត្តមសេនីយទោរ ហូ ចំរើន នោះបាននាំគាកោតសរសើរពីសំណាងដែលបាន ស្វាមីជាមន្ត្រីផ្កាយ២ក្នុងជួរកងអង្គរក្សក៏ជាស្វាមីដែលមានបានស្រឡាញ់ថ្នាក់ថ្នមអ្នកនាង ហើយធ្វើពិធីបំពេញមុខអោយឡើងអស់ទាស់នៅថ្ងៃឡើងវីឡាថ្មី។ តារាសិល្បៈច្រើននាក់ ដែលត្រូវបានពិធីទាំងមូលទាក់ទងអោយច្រៀងភ្លេងការ អោយរៀបចំពិធី និងអោយច្រៀងទទួលបណ្ដាអ្នកមុខអ្នកការ បានលើកសរសើរថាជារឿងកម្រណាស់ដែលពិធីឡើងផ្ទះមួយនេះត្រូវបានរៀបចំតាមក្បួនខ្នាតទាំងបុរាណ និងសម័យឡើងអស្ចារ្យ តែមិនខុសពីទិដ្ឋភាពដ៏អស្ចារ្យមួយជាប្រវត្តិសាស្ត្រ៕ ដោយ-គីម ស្រីរ័ត្ន
