ភ្នំពេញ ៖ បាញ់ប្រហារបណ្ដាលឲ្យយុវជនម្នាក់បានស្លាប់ភ្លាមៗនៅនឹងកន្លែងកើតហេតុ ខណៈដែលជិះម៉ូតូចេញពីរាំកម្សាន្ដក្នុងក្លឹបប្លូឡាញផ្លូវ២៧១ ហើយត្រូវខ្មាន់កាំភ្លើងដេញតាមបាញ់ប្រហារកាលពីម៉ោង៣ទៀបភ្លឺថ្ងៃទី១៩ ខែធ្នូ ឆ្នាំ២០១៧ នៅលើស្ពានអាកាស់ស្ទឹងមានជ័យ ក្នុងសង្កាត់ទំនប់ទឹក ខណ្ឌចំកាមន ។
សមត្ថកិច្ចឱ្យដឹងថា៖ជនរងគ្រោះឈ្មោះ ខៀវ សុខជា ភេទប្រុស អាយុ 23 ឆ្នាំ ជនជាតិខ្មែរ ស្នាក់នៅផ្ទះជួល សង្កាត់ទឹកល្អក់ 1 ខណ្ឌទួលគោក រាជធានីភ្នំពេញ មុខរបរអ្នកចំរៀង។ ចំណែកជនសង្ស័យមិនស្គាល់អត្តសញ្ញាណ ជិះរថយន្តម៉ាករ៉េវហ្វរពណ៌ទឹកប្រាក់ មិនចាំស្លាកលេខ ក្រោយពេលបង្កហេតុ បានគេចខ្លួនបាត់។
ជាមួយគ្នានោះមិត្តភក្តិជនរងគ្រោះ បានឲ្យដឹងដែរថា នៅមុនពេលកើតហេតុ រូបគេនិងជនរងគ្រោះ បាននាំគ្នាចូលផឹកស៊ីរាំកម្សាន្ដនៅក្នុងក្លឹបប្លូឡាញ ខណៈកំពុងផឹកស៊ីសប្បាយស្រាប់តែទាស់សម្តីគ្នាជាមួយភាគីម្ខាងទៀតតែមិនបង្កហិង្សានោះទេ។
បន្ទាប់មកជនរងគ្រោះក៏ចេញមកផ្ទះដោយជិះម៉ូតូម្នាក់ឯង។ ភ្លាមនោះស្រាប់តែមានប្រជាពលរដ្ឋរដ្ឋ បានមកប្រាប់រូបគាត់ថា មានគេដេញបាញ់មិត្តភក្តិរបស់គាត់ ឮដូចនោះរូបគាត់ក៏ជិះម៉ូតូ តាមមកពីក្រោយរហូតមកដល់លើស្ពានអាកាសស្ទឹងមានជ័យ ស្រាប់តែឃើញមិត្តភក្តិគាត់ត្រូវបានគេបាញ់ស្លាប់បាត់ទៅហើយ។
អ្នកឃើញហើតុការណ៍ថា ៖ នៅមុនពេលកើតហេតុជនរងគ្រោះ បានជិះម៉ូតូមួយគ្រឿងម៉ាក DUKE ពាក់ស្លាកលេខ ភ្នំពេញ1GP9640 ចេញពីក្លឹបប្ល៊ូឡាញ ផ្លូវ271 សង្កាត់បឹងទំពុន1 ខណ្ឌ មានជ័យ គោលបំណងត្រឡប់ទៅផ្ទះ។ ពេលធ្វើដំណើរមកដល់មុខមន្ទីរពេទ្យរុស្ស៊ី ក៏មានរថយន្តមួយគ្រឿងម៉ាករ៉េវហ្វរ មកពីក្រោយ ស៊ីផ្លេឲ្យជនរងគ្រោះអែបខាងដើម្បីវ៉ាទៅមុខ តែជនរងគ្រោះមិនព្រមអែបខាង ជនសង្ស័យបានស៊ីផ្លែជាច្រើនដង តើជនរងគ្រោះនៅតែមិនព្រមអែប លុះដល់ស្ពានស្ទឹងមានជ័យ ជនសង្ស័យបានវ៉ាពីខាងឆ្វេងដៃជនរងគ្រោះ រួចចុចកញ្ចក់ចុះ ដកអាវុធខ្លីបាញ់សំដៅទៅលើជនរងគ្រោះ ត្រូវចំកខាងឆ្វេង បណ្ដាលឱ្យដួលស្លាប់ភ្លាមភ្លាមនៅនឹងកន្លែង ហើយជនសង្ស័យក៏បើករថយន្តគេចទៅបាត់ ។
សពជនរងគ្រោះត្រូវដឹកតាមរថយន្តសង្គ្រោះយកទៅកាន់ វត្តស្ទឹងមានជ័យ ហើយបន្ទាប់ពីធ្វើកោសល្យវិច្ច័យរួច សពជនរងគ្រោះ ត្រូវបានប្រគល់ជូនក្រុមគ្រួសារយកទៅឯស្រុកកំណើតភូមិតាមួង ឃុំផ្សារ ស្រុកបរិបូណ៍ ខេត្តកំពង់ឆ្នាំង ៕ ដោយ ៖ បញ្ញាស័ក្តិ
