ខេត្តស្វាយរៀង ៖ ផ្ទះរបស់ប្រជាពលរដ្ឋចំនួន៤៩ខ្នងស្មើ៥ភូមិនៅក្នុងឃុំជ្រៃធំស្រុករមាសហែកខេត្តស្វាយរៀងត្រូវបានខ្យល់កន្ត្រាក់បោកបក់ដួលរលំផ្ទះប៉ើងដំបូលខ្យល់គួចលោតសរសរផ្ទះចេញពីជើងតាងកាលពីវេលាម៉ោង១៦ៈ៤៥នាទីល្ងាចនៅថ្ងៃទី៥ខែឧសភាឆ្នាំ២០១៩នៅឃុំជ្រៃធំស្រុករមាសហែកខេត្តស្វាយរៀង។
បើយោងតាមអាជ្ញាធរស្រុករមាសហែកបានអោយដឹងថា៖នៅល្ងាចម្សិលមិញនេះមានករណីខ្យល់កន្ត្រាក់និងភ្លៀងមួយមេធ្វើឲ្យផ្ទះពលរដ្ឋរលំនិងរបើកដំបូលអស់ចំនួន៤៩ខ្នងផ្ទះ។
ប្រភពបានបន្តទៀតថា៖ភូមិដែលរងគ្រោះក្នុងបាតុភូតគ្រោះធម្មជាតិនោះរួមមាន៖ភូមិថ្មី៣២ខ្នង,ភូមិត្រពាំងស្មាច់១១ខ្នង, ភូមិសណ្តោរ៣ខ្នង,ភូមិដក់ពរ២ខ្នង,ភូមិព្រៃរំដែង១ខ្នង,និងដួលស្លាកគណបក្សនិងស្លាកទូរស័ព្ទទាន់ហេតុការណ៍នៅកែងភូមិថ្មីផងដែរ។
ក្នុងនោះក្នុងចំណោមទាំង៤៩ខ្នងមាន៥ខ្នងលោតចេញពីជើងតាងនិងខូចខាតទាំងស្រុង រួមមានម្ចាស់ផ្ទះ ៖ ទី១/ឈ្មោះ អាំ សឿន ភេទ ប្រុសអាយុ៦៣ឆ្នាំនៅភូមិថ្មីទំហំ៦ម×៥ម សង់ពីឈើជញ្ជាំងស័ង្កសីប្រក់ស័ង្កសីលោតចុះចេញពីជើងតម្កល់។
ទី២/ផ្ទះ សៅ វ៉ាន់ ភេទប្រុសអាយុ៥១ឆ្នាំនៅភូមិថ្មីទំហំ4×6មសង់ពីឈើជញ្ជាំងស័ង្កសីប្រក់ស័ង្កសីលោតចុះចេញពីជើងតម្កល់។
ទី៣/ផ្ទះកុយ កាយ ភេទប្រុសអាយុ៤៩ឆ្នាំនៅភូមិត្រពាំងស្មាច់ទំហំ៥×៦មសង់ពីឈើជញ្ជាំងស្លឹកដំបូលប្រក់ស័ង្កសីដូលខូចខាតទាំងស្រុង។
ទី៤/ផ្ទះពោជ តូ ភេទស្រីអាយុ30ឆ្នាំនៅភូមិត្រពាំងស្មាច់ទំហំ៤×៦មសង់ពីឈើជញ្ជាំងស័ង្កសីដំបូលប្រក់សង្ក័សីដូលខូចខាតទាំងស្រុង។
ទី៥/ផ្ទះ សៅ តឿន ភេទប្រុសអាយុ 25 ឆ្នាំ នៅភូមិដក់ពរ ទំហំ 4×5 ម សង់ពីឈើជញ្ជាំងស័ង្កសីដំបូងប្រក់ស័ង្កសី លោតចុះចេញពីរជើងតម្កល់។ សូមបញ្ជាក់ថា ករណីខ្យល់កន្ត្រាក់នេះមិនបណ្តាលអោយគ្រោះថ្នាក់ដល់អាយុជីវិតមនុស្សទេ ៕ ដោយ ៖ វ៉ៃកូ
