Saturday, August 20, 2022

ឃាតករ​ម្នាក់​អាយុ​១៤​ឆ្នាំ កាប់សម្លាប់​ស្ត្រី​មាន​ផ្ទៃពោះ ៨ ខែ ឲ្យ​ស្លាប់​ក្នុង​ថ្លុកឈាម​

spot_img

បាត់ដំបង ៖ ឃាតករ​វ័យក្មេង ដែល​កាប់សម្លាប់​ស្ត្រី​មាន​ផ្ទៃពោះ ៨ ខែ ឲ្យ​ស្លាប់​ក្នុង​ថ្លុកឈាម នៅ​ស្រុក​ប​វេ​ល ខេត្ត​បាត់​ដំ បង ត្រូវបាន​សមត្ថកិច្ច​ចាប់ខ្លួនបាន​ហើយ នៅ​រសៀល​ថ្ងៃទី ២៩ ខែ ធ្នូ ឆ្នាំ​២០១៧​។​​ឃាតករ​មានឈ្មោះ ហួន រាហូ អាយុ ១៤​ឆ្នាំ រស់នៅ​ភូមិ ឃុំ ស្រុក ប​វេ​ល ខេត្តបាត់ដំបង ក្នុងនោះ​នគរបាល​ស្រាវជ្រាវ​ដកហូត​បាន ជា​វត្ថុតាង​ទាក់ទង នឹង​អំពើ​ល្មើស ។ ក្នុងដំណាក់កាល​សមត្ថ​កិច្ច​នគរបាល ឃាតករ​បាន​ឆ្លើយ​សារភាពថា ខ្លួន​ពិតជា​បាន​កាប់សម្លាប់​ជនរងគ្រោះ​ឈ្មោះ ហួន រ៉ានី អាយុ ៣០ ឆ្នាំ កាលពី​ថ្ងៃទី ២៨ ខែ ធ្នូ ឆ្នាំ ២០១៧ ពិតប្រាកដ​មែន​ដោយសារ​មូលហេតុ ។​បច្ចុប្បន្ន​ជនល្មើស​ជា​ឃាតករ​ត្រូវបាន​កសាង​សំណុំរឿង​បញ្ជូនទៅ​សាលាដំបូង​ខេត្តបាត់ដំបង​ដើម្បី​ចាត់ ការ​តាមផ្លូវ​ច្បាប់ ។​

ប្រតិបត្តិការ​នេះ​ធ្វើឡើង​តាម​បទ បញ្ជារ​របស់ ឧ​ត្ត​ម​សេនីយ៍​ទោ អ៊ុច សុខុន ស្នងការ​នៃ​ស្នងការដ្ឋាន​នគរបាល​ខេត្តបាត់ដំបង ដែលមាន​ការសម្របសម្រួល ពី​លោក​ប៉ង់ សុ​យុ​ទ្ធា​រា ព្រះ​រា​ជ្ញា​រង អម​សាលាដំបូង​ខេត្តបាត់ដំបង ។​

​គួរ​បញ្ជាក់ដែរថា កាលពី​ថ្ងៃទី​២៨ ខែធ្នូ ឆ្នាំ​២០១៧ វេលា​ម៉ោង​២​និង​២០​នាទី​រសៀល នៅ​ចំណុច​ដង​កក់ ភូមិ​រូង​អំពិល ឃុំ​ខ្នាចរមាស ស្រុក​ប​វេ​ល ខេត្តបាត់ដំបង មាន​ករណី​ឃាតកម្ម​មួយ​បាន​កើតឡើង​បង្កដោយ​ជនល្មើស​ម្នាក់​បានធ្វើ​សកម្មភាព​ប្រើ​ពូថៅ​កាប់​ទៅលើ​ជនរងគ្រោះ​ឈ្មោះ ហួន រ៉ានី ភេទ​ស្រី អាយុ​៣០​ឆ្នាំ ទីលំនៅ​ភូមិ​សួន​ស្លា ឃុំ​ក្តុល​តា​ហែ​ន ស្រុក​ប​វេ​ល ដែល​បានមក​ស្នាក់នៅ​ធ្វើស្រែ​ចំការ​នៅ​ភូមិ​-​ឃុំ​ខាងលើ​។ នៅពេល​នោះដែរ គឺ​ស្វាមី​របស់​ស្ត្រី​រងគ្រោះ​បានចេញ​ទៅលើ​ផ្លែ​ឳ​ឡឹ​ក​នៅឯ​ផ្សារ ដោយ​ស្ត្រី​រងគ្រោះ​នៅ​ជាមួយនឹង​កូនស្រី​អាយុ​៣​ឆ្នាំ ក៏ត្រូវ​បាន​ជន​មិន​ស្គាល់មុខ​ប្រើប្រាស់​ពូថៅ​កាប់​ទៅលើ​ស្ត្រី​រូបនេះ​ត្រង់​ក្បាល ផ្នែក​ខាងក្រោយ​បណ្តាលអោយ​ស្លាប់ និង​វាយ​កូនស្រី​អាយុ​៣​ឆ្នាំ បណ្តាលអោយ​រងរបួស​ធ្ងន់​រហូតដល់​ថ្នាក់​គ្រូពេទ្យ​នៅ​ស្រុក​ប​វេ​ល មិន​ហ៊ាន​ទទួល ព្រមទាំង​បាន​បញ្ជូនបន្ត​ទៅកាន់​មន្ទីរពេទ្យបង្អែក​ខេត្តបាត់ដំបង ដើម្បី​សង្គ្រោះ ដោយឡែក​ជនសង្ស័យ​បាន​រត់គេចខ្លួន​បាត់ស្រមោល​។​

​ការស្លាប់​របស់​ស្ត្រី​រងគ្រោះ​ខាងលើនេះ បើតាម​ការអះអាង​ពី​ក្រុមគ្រូពេទ្យ គឺ​ស្ត្រី​រូបនេះ​មាន​ផ្ទៃពោះ​ចំនួន​៨​ខែ ដោយ​កូន​នេះ​ភ្លោះ​ផងដែរ ប៉ុន្តែ​ក្រោយ​ពេលដែល​សមត្ថកិច្ច​ទាំងពីរ​អង្គភាព​ចុះទៅពិនិត្យ​ជាក់ស្តែង គឺ​ជនរងគ្រោះ​មាន​បាត់ប្រាក់​កាក់​ប្រមាណ​ជាង​២​ម៉ឺន​បាត​៕ ដោយ​៖​បញ្ញា​ស័ក្តិ​