ខ្សែវីដេអូខាងក្រោមនេះស្រាយបញ្ជាក់ឲ្យដឹងថា បណ្តាឧបករណ៍តុបតែងលំអរសម្រាប់បុណ្យណូអែលប្រមាណ ៦០%លើពិភពលោក គឺត្រូវបានផលិតនៅ Yiwu, ប្រទេសចិន។
ម្ចាស់រោងចក្រនេះ ឈ្មោះ Jijun Zhou, តែងផលិតត្រៀមទុករបស់របរសម្រាប់តុបតែងថ្ងៃបុណ្យណូអែលនេះរៀងរាល់ឆ្នាំ សម្រាប់លក់ទៅកាន់ពិភពលោក។
“អតិថិជនរបស់យើងខ្ញុំ រួមទាំងនៅបណ្តាប្រទេសទ្វីបអាហ្វ្រិក និងមជ្ឈិមបូព៌ា ក៏សុទ្ធសឹងតែទិញផលិតផលរបស់យើងខ្ញុំដែរ”។ តាម Sputnik ដែលដកស្រង់សម្តីលោក Zhou បានឲ្យដឹងបន្ថែមថា បច្ចុប្បន្នជាពេលវេលាពុំសូវមានអតិថិជន ព្រោះទំនិញរៀងរាល់ឆ្នាំតែងត្រូវបានប្រគល់ឲ្យបណ្តាញបែងចែកនៅទ្វីបអឺរ៉ុប និងអាមេរិក នៅអំឡុងខែ ៩-១០ រៀងរាល់ឆ្នាំ៕ ចន្ទ្រា
