ភ្ញៀវទេសចរ ជាតិ និងអន្តរជាតិទាំងអស់ ដែលទៅទស្សនាកម្សាន្តតាមតំបន់ឆ្នេរ និងកោះ ឱ្យបង្កើនការប្រុងប្រយ័ត្ន ព្រោះ ព្យុះ “ដាណាស់” ធ្វើឱ្យមានភ្លៀងធ្លាក់ និងរលកធំៗនៅសមុទ្រ។
ព្យុះ ដែលមានឈ្មោះថា “ដាណាស់” ជាហេតុធ្វើឱ្យមានភ្លៀងធ្លាក់នៅទូទាំងប្រទេស នៅតំបន់មាត់សមុទ្រនឹងមានភ្លៀងធ្លាក់ក្នុងកម្រិតពីមធ្យមទៅច្រើន ដែលបង្កើតបានទៅជារលកធំៗ ម្ចាស់មូលដ្ឋានអាជីវកម្ម សេវាកម្មទេសចរណ៍ ប្រតិបត្តិករទេសចរណ៍ទាំងអស់ មេត្តាជួយផ្សព្វផ្សាយទៅដល់ភ្ញៀវទេសចរ ជាតិ និងអន្តរជាតិទាំងអស់ដែលទៅទស្សនាកម្សាន្តតាមតំបន់ឆ្នេរ និងកោះ ឱ្យបង្កើនការប្រុងប្រយ័ត្ន និងយកចិត្តទុកដាក់ខ្ពស់។
ក្រសួងទេសចរណ៍ សូមជូនដំណឹងដល់ មន្ទីរទេសចរណ៍រាជធានី-ខេត្ត ម្ចាស់មូលដ្ឋានអាជីវកម្ម សេវាកម្មទេសចរណ៍ ប្រតិបត្តិករទេសចរណ៍ទាំងអស់ មេត្តាជ្រាបថា ចន្លោះពីថ្ងៃទី១៦ ដល់ថ្ងៃទី២២ ខែកក្កដា ឆ្នាំ២០១៩ ខ្យល់មូសុងនិរតីបាននឹងកំពុងបង្កើនឥទ្ធិពលមកលើតំបន់មាត់សមុទ្រគួបផ្សំនឹងវិសម្ពាធដែលស្ថិតនៅក្នុងសមុទ្រប៉ាស៊ីហ្វិកភាគខាងលិចដែលនឹងបំប្លែងខ្លួនទៅជាព្យុះ ដែលមានឈ្មោះថា “ដាណាស់” ជាហេតុធ្វើឱ្យមានភ្លៀងធ្លាក់នៅទូទាំងប្រទេស នៅតំបន់មាត់សមុទ្រនឹងមានភ្លៀងធ្លាក់ក្នុងកម្រិតពីមធ្យមទៅច្រើន ដែលបង្កើតបានទៅជារលកធំៗ និងខ្ពស់ៗ ជាពិសេសនៅតំបន់ទំនាបកណ្តាលភាគខាងត្បូង ភាគកណ្តាល និងភាគខាងជើង។ ដើម្បីធានាសន្តិសុខ និងសុវត្ថិភាពដល់ភ្ញៀវទេសចរជាតិ និងអន្តរជាតិ សូម មន្ទីរទេសចរណ៍រាជធានី-ខេត្ត ម្ចាស់មូលដ្ឋានអាជីវកម្មសេវាកម្មទេសចរណ៍ ប្រតិបត្តិករទេសចរណ៍ មេត្តាជួយផ្សព្វផ្សាយទៅដល់ភ្ញៀវទេសចរ ជាតិ និងអន្តរជាតិទាំងអស់ដែលទៅទស្សនាកម្សាន្តតាមតំបន់ឆ្នេរ និងកោះ ឱ្យបង្កើនការប្រុងប្រយ័ត្ន និងយកចិត្តទុកដាក់ខ្ពស់ ដើម្បីជៀសវាងនូវគ្រោះថ្នាក់ ទាំងឡាយដែលអាចកើតឡើងជាយថាហេតុ៕ ដោយ៖កូឡាប
