បាត់ដំបង៖ ចោរសម្ងំចូលគាស់ផ្ទះប្រជាពលរដ្ឋចំនួន២ខ្នង ផ្សេងគ្នា យកទ្រព្យសម្បត្តិអស់ជាច្រើន ពេលម្ចាស់ផ្ទះ ចេញទៅលក់ដូរនៅឯផ្សារ ។
សមត្ថកិច្ចបានអោយដឹងថា ករណីខាងលើនេះ បានកើតឡើងនៅអំឡុងវេលាម៉ោង១០និង៤០នាទីព្រឹក ថ្ងៃទី២ សីហា ឆ្នាំ២០១៩ ត្រង់ចំណុចផ្ទះលេខ៩៣ និងផ្ទះ១ខ្នងទៀតស្ថិតនៅជាប់គ្នា ក្នុងក្រុមទី៥ ភូមិវត្តរំដួល សង្កាត់ចំការសំរោង ក្រុង និងខេត្តបាត់ដំបង។
ជនរងគ្រោះជាម្ចាស់ផ្ទះឈ្មោះ ជា ទូច ភេទស្រី អាយុ ៦០ឆ្នាំ និងម្ចាស់ផ្ទះមួយខ្នងទៀតមានឈ្មោះ គឹម ឆវី ភេទស្រី អាយុ៦៣ឆ្នាំ មុខរបរលក់ដូរ មានទីលំនៅក្នុងភូមិ និងសង្កាត់ជាមួយគ្នាខាងលើ។ ដោយឡែកសម្ភារៈដែលបាត់បង់សរុបក្នុងករណីនេះរួមមាន ខ្សែកចំនួន៤ខ្សែ ខ្សែដៃ៣ខ្សែ ចិញ្ចៀនប្លាទីន៤វង់ ខ្សែដៃ១ខ្សែ និងការវិល៤គូផងដែរ។
បច្ចុប្បន្នកម្លាំងជំនាញកំពុងស្រាវជ្រាវកំណត់មុខសញ្ញា ដើម្បីឃាត់ខ្លួនជនសង្ស័យ មកផ្តន្ទាទោសតាមច្បាប់៕ ដោយ៖កូឡាប