ក្រសួងធនធានទឹក និងឧតុនិយម បានចឹញសេចក្តីជូនដំណឹងស្តីពីស្ថានភាពអាកាសធាតុ (ចាប់ពីថ្ងៃទី ០៤ ដល់ថ្ងៃទី ១០ ខែសីហា ឆ្នាំ ២០១៩)។
យោងតាមការតាមដានជាប្រចាំនូវការវិវត្ត នៃអាកាសធាតុ បានបង្ហាញឲ្យឃើញថា កម្ពុជាយើងបាននិងកំពុង ស្ថិតក្នុងតំបន់នៃសម្ពាធទាបមានជាអាទិ៍ ជ្រលងសម្ពាធទាប (ITCZ) ដែលលាតសន្ធឹងក្នុងទឹកដីថៃ ឡាវ និងវៀតណាម ភ្ជាប់នឹងព្យុះទី ៧ ដែលបានរលាយខ្លួននៅថ្ងៃនេះ ។ ព្យុះទី ៨ ឈ្មោះ ហ្វ្រង់ស៊ីសភូ ដែលស្ថិតឆ្ងាយក្នុងមហាសមុទ្រនៅឡើយ ។
ព្យុះនេះ មិនមានឥទ្ធិពលមកលើកម្ពុជាយើងទេ ដោយនឹងធ្វើដំណើរទៅកាន់ ឧបទ្វីបកូរ៉េ ។ នៅប៉ុន្មានថ្ងៃខាងមុខនេះ ខាងកើតហ្វីលីពីន នឹងកកើតព្យុះមួយទៀតទី ៩ ឈ្មោះ ឡេឌីម៉ា ដែលអាចមានឥទ្ធិពលមកលើកម្ពុជា ។ ទន្ទឹមនោះឥទ្ធិពលនៃខ្យល់មូសុងនិរតីនៅបន្តបក់ខ្លាំងមកលើកម្ពុជា ពិសេសនៅភាគខាងក្រោម ។
លក្ខណៈដូចបានរៀបរាប់ខាងលើ នឹងធ្វើឲ្យ ១- បណ្តាខេត្តជាប់សមុទ្រ ភ្លៀងនៅបន្តធ្លាក់ ក្នុងបរិមាណពីបង្ករទៅខ្លាំង ។ បណ្ដាខេត្តមាន កំពង់ស្ពឺ កំពង់ឆ្នាំង តាកែវ កណ្តាល មណ្ឌលគិរី និងរាជធានីភ្នំពេញ ភ្លៀងធ្លាក់ក្នុងកម្រិតពីខ្សោយទៅមធ្យម ។
៣- បណ្ដាខេត្តមាន ព្រៃវែង ស្វាយរៀង កំពង់ចាម ត្បូងឃ្មុំ កំពង់ធំ ក្រចេះ ស្ទឹងត្រែង រតនគិរី និងព្រះវិហារ ភ្លៀងធ្លាក់ ក្នុងកម្រិតពីមធ្យមទៅបង្គរ ។ ៤- ចាប់ពីថ្ងៃទី ៤-៨ ខែសីហា បណ្តាខេត្តមាន, ប៉ៃលិន បាត់ដំបង សៀមរាបបន្ទាយមានជ័យ និងឧត្តរមានជ័យ និងមានរៀង ក្នុងកម្រិតពីតិចទៅមធ្យម ។ តែចាប់ពីថ្ងៃទី ៨-១០ ខែសីហា ទៅ កម្រិតទីក៏ភ្លៀងនឹងអាចកើនឡើងពីមធ្យមទៅបង្គួរ ។
អាស្រ័យដូចបានជម្រាបជូនខាងលើ សូមសាធារណជនជ្រាបជាព័ត៌មាន ។ ទន្ទឹមនោះ សូមមេត្តាយកចិត្តទុកដាក់ និងបង្កើនការប្រុងប្រយ័ត្នចំពោះ ឥទ្ធិពលនៃល្បឿនខ្យល់ខ្លាំងក្នុងកម្រិតពី ១៥-២០ ម៉ែត្រក្នុងមួយវិនាទី ។ រលកសមុទ្រធំ ដែលកម្ពស់អាចពី ១-៦ ម៉ែត្រ ។ ជំនន់ទឹកភ្លៀង ពិសេសក្នុងភូមិសាស្ត្រនៃខេត្តកោះកុង ខេត្តព្រះសីហនុ និងកំណាត់ផ្លូវជាតិលេខ ៤៕ ដោយ៖កូឡាប
ការផ្សាយរបស់ក្រសួងធនធានទឹក និងឧតុនិយម ៖ ថ្ងៃទី ០៩ ខែសីហា ឆ្នាំ ២០១៨
