ក្រចេះ៖ ឃាតកម្ម ប្តីកាប់សម្លាប់ប្រពន្ធ ដែលបង្កឡើងដោយភាពរកាំកូស និងមានទំនាស់ក្នុងគ្រួសារ មិនចេះចប់ស្ទើររាល់ថ្ងៃ កាលពីយប់មិញ ថ្ងៃទី៥ សីហា ឆ្នាំ ២០១៩ វេលាម៉ោង ១៩ យប់ ដែលស្ថិតនៅភូមិអូរឫស្សី២ សង្កាត់អូរឫស្សី ក្រុងក្រចេះ ខេត្តក្រចេះ ម្ដុំវត្តហុងឡាំ។
ជនរងគ្រោះជាប្រពន្ធឈ្មោះ គង់ ស្រីតូច អាយុ ២៧ ឆ្នាំ ចំណែកឯជនសង្ស័យជាប្ដីឈ្មាះ សំ សុភ័ក្រ្តា ហៅ ភ័ក្រ្ត ។ កន្លងមកគ្រួសារមួយនេះ តែងតែមានភាពរកាំកូស និងមានទំនាស់ក្នុងគ្រួសារជារឿយៗ រហូតដល់ជនរងគ្រោះទ្រាំមិនបាន ក៏បានដាក់ពាក្យបណ្ដឹងសុំលែងលះគ្នា តែជនសង្ស័យមិនព្រម រហូតដល់ថ្ងៃកើតហេតុ ជនរងគ្រោះបានមកពីទិញបង្អែម ជនសង្ស័យបានស្ទាក់កាប់នៅតាមផ្លូវចូលផ្ទះ ហើយក៏បានកាប់ទៅលើជនរងគ្រោះជាច្រើនកាំបិត រហូតដល់ស្លាប់ក្នុងថ្លុកឈាមតែម្ដង ។
បន្ទាប់ពីធ្វើសកម្មភាពកាប់ប្រពន្ធរួច ប្តីកំណាច បានរត់គេចខ្លួនបាត់ ខណៈសមត្ថកិច្ចកំពុងស្រាវជ្រាវចាប់ខ្លួនយកមកផ្តន្ទាទោស៕ ដោយ៖បញ្ញាស័ក្តិ
