ជម្រើស (1-2-3-4) ដែលអ្នកក្រឡេកមើលរូបភាពឃើញដំបូងគេ វាបង្ហាញពីបុគ្គលិកលក្ខណៈរបស់អ្នកនឹងគូស្នេហ៍ ពេលអ្នកប្រាស្រ័យទាក់ទងគ្នា។
ស្នេហាជាអារម្មណ៍ធម្មជាតិរបស់មនុស្ស ហើយភាពស្រុះស្រួលមូលទស្សនៈរវាងដៃគូសងខាង ជាគ្រឹះសម្រាប់ស្ថាបនាទំនាក់ទំនងរឹងមាំ យូរអង្វែង សុភមង្គល។
ប៉ុន្តែស្នេហា ជារឿងមួយស្មុគស្មាញ មានការបរិយាយពុំចេះចប់ ហេតុនេះពេលខ្លះយើងពិតជាពិបាកយល់ ពុំគ្រាន់តែចំពោះដៃគូ (សង្សារ) ប៉ុណ្ណោះទេ សូម្បីខ្លួនឯងពេលធ្លាក់ក្នុងអន្លង់ស្នេហ៍ក៏ពិបាកស្វែងយល់។ ហេតុនេះ សាកល្បងនឹងការ (បូល) លេងៗមើល។
អ្វីដែលអ្នកក្រឡេកឃើញដំបូងរូបចំនួន ៤ ក្នុងគំនូរមួយនេះវាចង្អុលប្រាប់ពីចម្លើយខុសៗគ្នា។
១.ប្រសិនបើអ្នកសម្លឹងឃើញមុខ បុរសចំណាស់មុនគេ
បែបនេះបង្ហាញថា អ្នកជាមនុស្សរឹងមាត់គ្រាចាប់ផ្តើមទំនាក់ទំនងណាមួយក្នុងរឿងស្នេហា។ អ្នកតែងប្រឹងប្រែងសាងស្នេហាមួយដែលរឹងមាំយូរអង្វែង។ អ្នកជ្រួចជ្រាបថា ស្នេហាពុំអាចវាយតម្លៃដោយភាពអន្លង់អន្លោចរយៈពេលខ្លីនោះទេ វាត្រូវជារឿងរបស់មនុស្ស២នាក់ មានចំណាប់អារម្មណ៍ដូចគ្នា ចែករំលែកគ្នា យល់ពីគ្នា ក្នុងដំណើរវែងឆ្ងាយនៅពីខាងមុខ។ អ្នកប្រាថ្នាចង់បានគូស្នេហ៍ ដែលស្មោះស្ម័គ្រ ហើយចេះខំប្រឹងរក្សា ថែទាំសុភមង្គល ដូចគំនិតរបស់អ្នក។
២.ប្រសិនបើអ្នកឃើញ បុរសជិះសេះមុន
បែបនេះបង្ហាញថា អ្នកជាមនុស្សតឹងរឹងក្នុងបញ្ហាមនោសញ្ចេតនា។ ប្រសិនបើអ្នកពុំដាក់ចិត្ត ដាក់ថ្លើមទេនោះ ទោះបីម្ខាងទៀតប្រឹងប្រែងបែបណាក៏ពុំធ្វើឲ្យអ្នករញ្ជួយចិត្តឡើយ។ អ្នកមានគំនិតចង់ស្វែងរកម្ខាងទៀត ដែលសុក្រិតតាមគំនូរ នៃឧត្តមគតិរបស់អ្នក។ ប៉ុន្តែគ្មានអ្នកណាលើលោកនេះ ពុំដែលខុសទេ ហេតុនេះអ្នកគួរគប្បី បើកទូលាយផ្លូវចិត្តសម្រាប់ស្វាគមន៍អ្នកដែលស្រឡាញ់ខ្លួនយ៉ាងពិតប្រាកដ។ ស្នេហាពុំមាននិយមន័យណាមួយអាចកំណត់បានឡើយ គឺមានតែសង្វាក់បេះដូងប៉ុណ្ណោះ។
៣.នារីនៅមាត់ទឹក
រូបភាពនេះ ប្រសិនអ្នកក្រឡេកឃើញមុនគេនោះ វាទម្លាយប្រាប់ថា អ្នកធ្លាប់រងរបួស “គូស្នេហ៍” ខ្លះៗហើយ ក្នុងអតីតកាល។ វាបានធ្វើឲ្យអ្នកចាក់សោបេះដូង និងខ្លាចរអែងចំពោះស្នេហ៍ថ្មី។ ប្រសិនចេះតែបែបនេះ នោះអ្នកអាចបាត់ឱកាសរកឃើញ… ម្ខាងទៀតណា៎!។ ពេលខ្លះវាកំពុងនៅក្បែរខ្លួនអ្នកផង ! ហើយកំពុងរង់ចាំអ្នកចាក់សោរបើកទ្វារបេះដូង ឬយ៉ាងតិច គឺក្រសែភ្នែកទោរទន់ក្រឡេកមើលគេ។ ហេតុនេះពុំគប្បីចាក់បិទទ្វារបេះដូងឡើង គប្បីក្លាហានហ៊ានចាក់សោរបើកវា ស្វាគមន៍ទទួលស្នេហ៍ថ្មី ៖ កុំខ្លាច… សាកល្បងបើកមើល!។
៤.ប្រសិនអ្នកឃើញ ស្ពាន នៅពីក្រោយបុរសចំណាស់មុន
បែបនេះបង្ហាញថា អ្នកតែងស្វែងរកឃើញនូវបង្អែកជីវិត ពេលនិយាយរឿងស្នេហា តែបែរជាពុំធ្លាប់ឆ្លងកាត់ម្តងណាឡើយ។ ព្រោះតែអ្នកនិយមសេរីភាព ពុំចង់ជំពាក់ជំពិន។ អ្នកចូលចិត្តស្វែងរករសជាតិជិត ក្នុងនោះមានស្នេហា។ ចុះហេតុអ្វីបានជាអ្នកពុំព្រមសាកល្បង “ភ្ជាប់តំណស្នេហ៍” ក្នុងដំណើរស្វែងរកនោះ?។
ប្រសិនអ្នកមានដៃគូ សាកល្បងហុចរូបនេះឲ្យគេមើល រួចសួរភ្លាមថា ៖ អ្នកឃើញអ្វីមុនគេ រួចយកមកប្រៀបធៀបចម្លើយដូច “បូរបាច់” ខាងលើ នោះវាពិតជាអស្ចារ្យណាស់ណ៎! ៕ អាទិត្យ
