ភ្នំពេញ៖ តារាចំរៀង លោក ខេមរៈ សេរីមន្ត គឺជាតារាចំរៀងមានប្រជាប្រិយភាព និងទទួលបានការគាំទ្រខ្លាំងពីសំណាក់ពុកម៉ែនោះពីមួយថ្ងៃទៅមួយថ្ងៃ កាន់តែខ្លាំងឡើង ទោះបីជាបច្ចុប្បន្នលោកមានប្រពន្ធកូន រីឯវ័យកាន់តែទៅមុខយ៉ាងណាក្តី។ ដោយឡែក តារារូបនេះក្រៅពីមានសុភមង្គលខ្លាំងនៅក្នុងគ្រួសារ លោកក៏មានជីវិតឯកជនមួយដ៏ល្អ រស់នៅក្នុងស្ថានភាពបែប ស៊ីវិល័យ រថយន្តទំនើបជិះជាច្រើនគ្រឿង ជាពិសេសគឺរស់នៅក្នុងផ្ទះវីឡាដ៏ធំស្កឹមស្កៃ។
តែអ្វីដែលកាន់តែចាប់អារម្មណ៍នោះគឺ កាលពីពេលថ្មីៗនេះមានការលេចឡើង នូវរូបភាពផ្ទះវីឡាមួយទៀតដែលជាការបង្ហោះរបស់ភរិយាលោក ជា មួយនឹងទិដ្ឋភាពខាងមុខផ្ទះដែលកំពុងសាងសង់ជិតរួចរាល់ យ៉ាងស្រស់ស្អាតធំ គួរឲ្យចង់រស់នៅ។ជាមួយគ្នានេះដែរ បណ្តាអ្នកគាំទ្រជាច្រើនពិតជារំភើបជំនួសលោក ដែលមានជីវិតយ៉ាងល្អបែបនេះ ដែលមានផ្ទះមួយហើយដែលធំខ្លាំង ពេលនេះបន្ថែមផ្ទះមួយទៀតយ៉ាងស្អាតគួរឲ្យចង់រស់នៅ៕ ដោយ៖ស្រីនាថ
