ខេត្តស្វាយរៀង៖ លោក ជុំ ហាត ប្រធានក្រុមប្រឹក្សាខេត្ត និង លោកស្រី ឯក សុវណ្ណភារៈ អភិបាលរងខេត្តស្វាយរៀង តំណាងលោក អភិបាលខេត្ត នៅព្រឹកថ្ងៃទី៣១ ខែតុលា ឆ្នាំ២០១៩នេះ នៅសាលប្រជុំសាលាខេត្តស្វាយរៀង មានរៀបចំកិច្ចប្រជុំសាមញ្ញលើកទី៥ របស់ក្រុមប្រឹក្សាខេត្តស្វាយរៀង ។
ពិធីនេះក៏មានការអញ្ជើញចូលរួមពី លោក អភិបាលរងខេត្ត អស់ លោក លោកស្រីជាសមាជិក សមាជិកាក្រុមប្រឹក្សាខេត្ត លោក លោកស្រី នាយក នាយករងរដ្ឋបាលសាលាខេត្ត លោក លោកស្រីនាយក នាយករងទីចាត់ការ/អង្គភាពនានាសាលាខេត្ត និងលោកប្រធានមន្ទីរពាក់ព័ន្ធនានាជាច្រើនរូបទៀត។
របៀបវរៈនៃកិច្ចប្រជុំព្រឹកនេះមាន៖ ១.ពិនិត្យ អនុម័តលើសេចក្តីព្រាងកំណត់ហេតុនៃកិច្ចប្រជុំសាមញ្ញលើកទី៤។ ២.ពិនិត្យ អនុម័តរបាយការណ៍បូកសរុបលទ្ធផលការងារប្រចាំខែតុលា និងទិសដៅការងារខែកញ្ញា ឆ្នាំ២០១៩ របស់រដ្ឋបាលខេត្ត។៣.ស្តាប់របាយការណ៍ប្រចាំខែតុលា និងទិសដៅការងារខែវិច្ឆិកា ឆ្នាំ២០១៩ របស់ គកសក ខេត្ត។ ៤.ស្តាប់របាយការណ៍ប្រចាំខែតុលា និងទិសដៅការងារខែវិច្ឆិកា ឆ្នាំ២០១៩របស់គណៈកម្មាធិការលទ្ធកម្មខេត្ត។ ៥.ការអនុម័តលើឯកសារសម្រាប់ រៀ់បចំវេទិកាផ្សព្វផ្សាយ និងពិគ្រោះយោបល់របស់ក្រុមប្រឹក្សាខេត្តស្វាយរៀង ៦.ការអនុម័តលើសេចក្តីព្រាងសេចក្តីព្រាងសេចក្តីសម្រេច ស្តីពីការបែងចែកភារកិច្ចជូន សមាជិកក្រុមប្រឹក្សាខេត្តស្វាយរៀង ដើម្បីចុះតាមក្រុង ស្រុក ឃុំសង្កាត់។ ៧.ការអនុម័តសេចក្តីសម្រេចស្តីពីការបែងចែកតួនាទី ភារកិច្ច និងរបៀបរបបធ្វើការងារ របស់គណៈអភិបាលខេត្តស្វាយរៀង ៨.ការអនុម័តលើការផ្ទេរភារកិច្ចជូនមន្ត្រីរាជការ១រូប ឱ្យមកបម្រើការងារនៅសាលាខេត្ត និង ៩.សេចក្តីផ្សេងៗ៕ដោយ៖ វ៉ៃកូ
