ខេត្តស្វាយរៀងៈ បុរស២នាក់ បានរងរបួសធ្ងន់ និងស្រាល ដោយសារគ្រោះថ្នាក់ចរាចរណ៍ រវាងម៉ូតូនិងម៉ូតូ ក្នុងទិសដៅផ្ទុយគ្នា ដែលហេតុការណ៍ខាងលើនេះ បានកើតឡើងកាលពីវេលាម៉ោង១៤និង ១៨នាទី រសៀលថ្ងៃទី ២២ ខែ វិច្ឆិកា ឆ្នាំ ២០១៩ នៅលើផ្លូវរង្វង់មូលលេខ ១១៤ ស្ថិតក្នុងភូមិ មេភ្លើង សង្កាត់ ស្វាយៀង ក្រុង ស្វាយរៀង ។
សមត្ថកិច្ចបានឱ្យដឹងថាៈ ម៉ូតូទី១ ម៉ាក ហុងដាសេ ១២៥ ពណ៌ ខ្មៅ ពាក់ផ្លាកលេខ ស្វាយរៀង ១O ៥០៧០ បើកបរដោយឈ្មោះ វ៉ន មករា ភេទ ប្រុស អាយុ ៣២ មុខរបរ រត់ម៉ូតូឌុប រស់នៅភូមិ តាណរ សង្កាត់ ស្វាយតឿ ក្រុងស្វាយរៀង ខេត្តស្វាយរៀង បើកបរពីលិចទៅកើត ពាក់មួកសុវត្ថិភាព អ្នកបើកបររងរបួសស្រាល ម៉ូតូខូចខាតស្រាល ។ ម៉ូតូទី២ ម៉ាក យ៉ាម៉ាហា ស៊ីរួស ពណ៌ ក្រហម គ្មានផ្លាកលេខ បើកបរដោយឈ្មោះ សុង សំណាង ភេទ ប្រុស អាយុ ១៣ ឆ្នាំ មុខរបរ សិស្ស រស់នៅភូមិ កៀនសាំង សង្កាត់ ស្វាយរៀ ក្រុងស្វាយរៀង ខេត្តស្វាយរៀង បើកបរពីជើងទៅត្បូង មិនពាក់មួកសុវត្ថិភាព និង គ្មានកញ្ចក់ រងរបួសធ្ងន់ ម៉ូតូខូចខាតធ្ងន់ ។
ប្រភពខាងលើ បានបន្តថាៈ មូលហេតុអ្នកបើកម៉ូតូ C 125 មិនគោរពសិទ្ធិអាទិភាព ដោយឡែកមធ្យោបាយរក្សាទុក នៅអធិការក្រុងស្វាយរៀង។ ចំណែកអ្នករបួស សម្រាកព្យាបាលនៅមន្ទីរពេទ្យខេត្តស្វាយរៀង ៕ដោយ៖ វ៉ៃកូ