ខេត្តស្វាយរៀងៈ លោក ហែម ពិសិដ្ឋ អភិបាលរងខេត្តស្វាយរៀង លោក ម៉ែន វិបុល អភិបាលខេត្ត រួមនិងរដ្ឋបាលស្រុកចន្ទ្រា នាព្រឹក ថ្ងៃទី២៦ ខែវិច្ឆិកា ឆ្នាំ២០១៩នេះ បានរៀបចំកិច្ចប្រជុំពិភាក្សាការងារពាក់ព័ន្ធនឹងគម្រោងស្ដារបឹងដូនទយ ស្ថិតក្នុងស្រុកចន្ទ្រា ខេត្តស្វាយរៀង។
នៅក្នុងកិច្ចជំនួបនាពេលនោះ ក៏មានការអញ្ជើញចូលរួមពីលោក ថន ថាវុទ្ធា អភិបាលស្រុកចន្ទ្រា លោក វណ្ណ សុមុនី្ន អភិបាលរងក្រុងបាវិត លោកប្រធាន អនុប្រធានមន្ទីរជំនាញនានា ដែលពាក់ព័ន្ធ លោកនាយករដ្ឋបាលសាលាស្រុក លោកប្រធានការិយាល័យជុំវិញស្រុកដែលពាក់ព័ន្ធ លោកមេឃុំច្រេស លោកមេឃុំព្រៃគគីរ លោកមេភូមិព្រៃគគីរ លោកមេភូមិត្រពាំងបុណ្យ លោកតំណាងក្រុមហ៊ុនឦសាន្ត អ៊ីមផត អិចផត & ខនស្ត្រាក់សិន សរុបវត្តមានចំនួន ២៥នាក់ ។
លោក ហែមពិសិដ្ឋ អភិបាលរងខេត្ត បានដាក់ផែនការឲ្យលោកមេឃុំ ទាំង២ឃុំ និងចៅសង្កាត់ ១ សង្កាត់លោកមេភូមិទាំង២ ឱ្យលើកបញ្ហាប្រឈម និងប្រវត្តិបឹងដូនទយ ជូនអង្គប្រជុំ ហើយលោកអភិបាលរងខេត្តបានឲ្យរដ្ឋបាលស្រុកចន្ទ្រា បង្កើតគណៈកម្មការស្រុកសហការជាមួយគណៈកម្មការខេត្ត ចុះត្រួតពិនិត្យកន្លែងស្ដារបឹងដូនទយ ។ បន្ទាប់ពីចប់កិច្ចប្រជុំលោក ហែម ពិសិដ្ឋ អភិបាលរងខេត្ត បានដឹកនាំក្រុមការងារថ្នាក់ខេត្ត ស្រុក ចុះពិនិត្យទីកន្លែងស្ដារបឹងដូនទយផងដែរ៕ដោយ៖ វ៉ៃកូ
