ភ្នំពេញ៖ គណៈកម្មការប្រយុទ្ធ ប្រឆាំងផលិតផលក្លែងក្លាយ សហការជាមួយនគរបាលខណ្ឌទួលគោក បានចុះត្រួតពិនិត្យជាក់ស្តែង និងដកហូតវត្ថុតាងផ្ទះបើកលក់ឡេ មួយកន្លែង និងឃាត់ខ្លួនម្ចាស់កន្លែងលក់ឡេ ចំនួន ០១នាក់ បញ្ជូនទៅនាយកដ្ឋានប្រយុទ្ធប្រឆាំងបទល្មើសក្លែងក្លាយដើម្បីចាត់ការតាមផ្លូវច្បាប់។
អធិការដ្ឋាននគរបាលខណ្ឌទួលគោក បានឲ្យដឹងថា នៅថ្ងៃទី០៨ ខែធ្នូ ឆ្នាំ២០២០ វេលាម៉ោង ១០:៣០នាទី កម្លាំងផ្នែកព្រហ្មទណ្ឌ និងប៉ុស្តិ៍នគរបាលរដ្ឋបាលផ្សារដេប៉ូទី២ នៃអធិការដ្ឋាននគរបាលខណ្ឌទួលគោក បានសហការជាមួយកម្លាំងគណៈកម្មការប្រយុទ្ធ ប្រឆាំងផលិតផលក្លែងក្លាយ ដែលដឹកនាំដោយលោកឧត្តមសេនីយ៍ទោ តាន់ គុណតារ អនុប្រធានលេខាធិការដ្ឋាន ដោយមានការចុះដឹកនាំនិងសម្របសម្រួលដោយ លោក ចែ សុង ព្រះរាជអាជ្ញារងអមសាលាដំបូងរាជធានីភ្នំពេញ បានធ្វើការត្រួតពិនិត្យជាក់ស្តែង និងដកហូតវត្ថុតាងផ្ទះបើកលក់ឡេ មួយកន្លែង ដែលមានទីតាំងផ្ទះលេខ៥៨z ផ្លូវលេខ១៣៤z ក្រុមទី២៣ ភូមិ៧ សង្កាត់ផ្សារដេបូទី២ ខណ្ឌទួលគោក ។
ក្នុងកិច្ចប្រតិបត្តិការនេះ គណៈកម្មការសម្រេចធ្វើការដកហូតវត្ថុតាងមួយចំនួន ដែលពាក់ព័ន្ធបទល្មើសក្លែងក្លាយ និងឃាត់ខ្លួនម្ចាស់
កន្លែងលក់ឡេ ចំនួន ០១នាក់ ឈ្មោះ យ៉ាងផាន់ណា ភេទប្រុស អាយុ ២៦ឆ្នាំ ជនជាតិខ្មែរ បញ្ជូនទៅនាយកដ្ឋានប្រយុទ្ធប្រឆាំងបទ
ល្មើសក្លែងក្លាយដើម្បីចាត់ការតាមផ្លូវច្បាប់៕ដោយ៖កូឡាប
