ខេត្តព្រះសីហនុ៖ កម្លាំងកងរាជអាវុធហត្ថស្រុកកំពង់សីលា បានឲ្យដឹងថា នៅម៉ោង១០ និង៣០នាទីព្រឹកថ្ងៃទី២៣ ខែមករា ឆ្នាំ២០២០ កម្លាំងកងរាជអាវុធហត្ថស្រុកកំពង់សីលា សហការជាមួយមន្ត្រីអង្គការវ៉ាយអេត ដឹកនាំដោយលោក ស រ៉ោ អនុប្រធានក្រុមអន្តរាគមន៍ចល័ត បានចុះត្រួតពិនិត្យ និងឆែកឆេររុករកវត្ថុតាងសត្វព្រៃនៅចំណុចហាងជើងភ្នំត្រជាក់ចិត្ត ស្ថិតក្នុងភូមិសម្តេចតា ឃុំចំការហ្លួង ស្រុកកំពង់សីលា ខេត្តព្រះសីហនុ។
ក្នុងយុទ្ធនាការនោះ សមត្ថកិច្ចបានរកឃើញ និងដកហូតវត្ថុតាងរួមមាន៖ ១- សាច់ជ្រូកព្រៃស្រស់ចំនួន ១៦គីឡូក្រាម
២- សាច់កាំប្រម៉ាស្រស់ ១៤,៥០គីឡូក្រាម។
សមត្ថកិច្ចបញ្ជាក់ថា សកម្មភាពចុះបង្ក្រាបបទល្មើសសត្វព្រៃខុសច្បាប់ខាងនេះ សមត្ថកិច្ចកំពុងបន្តនីតិវិធីតាមផ្លូវច្បាប់៕ ដោយ៖ ដែន សីមា
