ភ្នំពេញ៖ នៅមុនមួយថ្ងៃ នៃថ្ងៃបុណ្យចូលឆ្នាំចិន គឺថ្ងៃទី២៣ ខែមករា ឆ្នាំ២០២០នេះ ពេលជិតដល់ថ្ងៃបុណ្យចូលឆ្នាំចិន ដែលប្រព្រឹត្តទៅនៅថ្ងៃទី២៤ ដល់ថ្ងៃទី២៧ ខែមករា ឆ្នាំ២០២០នេះ តាមការចុះពិនិត្យសង្កេតមើលជាក់ស្ដែង គឺមានកូនចៅសែស្រឡាយចិនយ៉ាងច្រើន មកកាន់ទីផ្សារ ដើម្បីរកទិញទំនិញគ្រប់មុខ សម្រាប់ថ្ងៃបុណ្យចូលឆ្នាំចិន ដូចជា សាច់ជ្រូក សាច់ មាន់ ត្រី បន្លែ ផ្លែឈើគ្រប់មុខ និងផ្កាផងដែរ ទុកត្រៀមសម្រាប់ថ្ងៃបុណ្យចូលឆ្នាំចិននៅថ្ងៃស្អែកនេះ។
គិតពីចំនួននៃអតិថិជន កាលពីថ្ងៃដូចសព្វដង គឺថ្ងៃមិនទាន់ជិតដល់ថ្ងៃបុណ្យចូលឆ្នាំចិន និងថ្ងៃនេះ គឺចំនួនអតិថិជននៃផ្សារ គឺមានចំនួនកើនទ្វេរដង ដោយមករកទិញទំនិញនៅផ្សារ ទុកសម្រាប់ថ្ងៃបុណ្យចូលឆ្នាំចិននាឆ្នាំនេះ។ នៅពេលអតិថិជន មកកាន់ទីផ្សារច្រើនយ៉ាងនេះ ធ្វើឲ្យមានការកកស្ទះចរាចរណ៍នៅជុំវិញផ្សារ។ ប៉ុន្តែទោះយ៉ាងណា គេបានឃើញក្រុមសន្តិសុខផ្សារ បានជួយសម្រួស នៅក្នុងបរិវេណផ្សារ និងតាមដងផ្លូវ នាជុំវិញបរិវេណ ដើម្បីកាត់បន្ថយ នៃការកកស្ទះចរសចរាចរណ៍ ហើយពិសេសគឺរក្សាការពារនូវសន្តិសុខ សុវត្ថិភាព សណ្ដាប់ធ្នាប់សាធារណៈ និងបង្កាទប់ស្កាត់នៃអំពើចោរកម្មផងដែរ ដើម្បីសុវត្ថិភាពអតិថិជននិងបងប្អូនអាជីវករ។
ចំពោះសាច់ជ្រូក សាច់មាន់គឺលក់ដូរមានសន្ទុះកើនឡើងជាងពេលមុនៗ គឺកាលពីមិនទាន់ជិតដល់ថ្ងៃបុណ្យចូលឆ្នាំចិន គឺបងប្អូនអាជីវករលក់សាច់ជ្រូកក្នុង១ថ្ងៃអស់ជិត១តោនតែប៉ុណ្ណោះ តែនៅពេលនេះជិតដល់ថ្ងៃបុណ្យចូលឆ្នាំចិន គឺបងប្អូនអាជីវករលក់ដូរសាច់ជ្រូក និងសាច់មាន់ មានការកើនឡើងទ្វេរដងឯណោះ ដោយលក់ដូរដាច់រាប់លុយ មិនចង់ទាន់ ៕ដោយ៖បញ្ញាស័ក្តិ
