ខេត្តស្វាយរៀងៈ បុរសម្នាក់បានស្លាប់នៅក្នុងករណីគ្រោះថ្នាក់ចរាចរណ៍មួយ រវាងរថយន្តនិងម៉ូតូ ដែលហេតុការណ៍ខាងលើនេះ បានកើតឡើងកាលពីវេលាម៉ោង២០និង១០នាទីយប់ ថ្ងៃទី៧ ខែកុម្ភៈ ឆ្នាំ២០២០ លើផ្លូវជាតិលេខ១ ចន្លោះគីឡូម៉ែត្រលេខ១៣៩/១៤០ ស្ថិតនៅក្នុងភូមិលៀប ឃុំកណ្តៀងរាយ ស្រុកស្វាយទាប ខេត្តស្វាយរៀង ។
សមត្ថកិច្ចបានឱ្យដឹងថាៈ មានរថយន្ត ម៉ាក ហាយឡិនឌ័រ ពាក់ផ្លាកលេខ ភ្នំពេញ ២Y ៣៤២៥ អ្នកបើកបរឈ្មោះណុប សេរីវុធ ភេទប្រុស អាយុ ឆ្នាំ បានរត់គេចពីកន្លែងកើតហេតុបាត់ ទុករថយន្តនៅកន្លែងកើតហេតុ ទិសដៅពីលិចទៅកើត មកដល់ចំណុចកើតហេតុខាងលើ បានបុកម៉ូតូម៉ាកហុងដាឌ្រីមសេ១២៥ ស៊េរីឆ្នាំ២០១៥ ពណ៌ខ្មៅ ផ្លាកលេខ ស្វាយរៀង ១H ១៧៥៥ ក្នុងទិសដៅពីកើតទៅលិច បើកបរដោយឈ្មោះម៉ម មាឌ ភេទប្រុស អាយុ២៣ឆ្នាំ មុខរបរកសិករ រស់នៅភូមិស្វាយ ឃុំរមាំងថ្កោល ស្រុកស្វាយទាប ខេត្តស្វាយរៀងស្លាប់ នៅកន្លែងកើតហេតុ (មិនពាក់មួកសុវត្ថិភាព)។
ប្រភពដដែលបានបន្តថាៈ ករណីនេះអ្នកស្លាប់បានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី។ រីឯមធ្យោបាយទាំងពីរ យកមករក្សាទុកនៅអធិការដ្ឋាននគរបាលស្រុកស្វាយទាប (រថយន្តខូចស្រាលនិង ម៉ូតូខូចខាតស្រាល)។ មូលហេតុ អ្នកបើកបររថយន្តមិនប្រកាន់ស្តាំ៕ដោយ៖ វ៉ៃកូ
