ចំនួនអ្នកស្លាប់ដោយសារវីរុសកូរ៉ូណា ឬ COVID-19 នៅក្នុងប្រទេសចិនបានកើនដល់ ២.២៣៦នាក់ នៅចុងថ្ងៃព្រហស្បតិ៍ ខណៈមានអ្នកឆ្លងថ្មីចំនួន ៨៨៩ករណី។ នេះជាការបញ្ជាក់របស់គណៈកម្មការសុខភាពជាតិចិននៅថ្ងៃសុក្រនេះ។
រហូតមកដល់ពេលនេះ ចំនួនអ្នកឆ្លងវីរុសសរុបនៅក្នុងប្រទេសចិន មានចំនួន ៧៥.៤៦៥ករណី ខណៈដែលអ្នកជាសះស្បើយមានលើស ១៨.០០០នាក់។
មន្រ្តីចិនបាននិយាយថា ការធ្លាក់ចុះនៃចំនួនអ្នកឆ្លង បានបង្ហាញថាពួកគេកំពុងទទួលបានជោគជ័យ ក្នុងការគ្រប់គ្រងវីរុសនៅក្នុងខេត្តហូបេ ដែលត្រូវអាជ្ញាធរបានរឹតបន្តឹងការធ្វើដំណើរ៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia