អាមេរិច និងសម្ព័ន្ធមិត្តកូរ៉េខាងត្បូងនៅថ្ងៃចន្ទម្សិលមិញ បាននិយាយថា ពួកគេកំពុងពិចារណា កាត់បន្ថយទ្រងទ្រាយសមយុទ្ធរួមគ្នា ដែលគ្រោងធ្វើនៅនិទាយរដូវ ដោយសារតែការផ្ទុះវីរុសកូរ៉ូណា (COVID-19)។
រដ្ឋមន្រ្តីការពារជាតិអាមេរិច លោក Mark Esper បាននិយាយនៅក្នុងសន្និសីទថា មេបញ្ជាការកងកម្លាំងអាមេរិចនៅកូរ៉ូខាងត្បូង លោកឧត្តមសេនីយ៍ Robert Abrams និងលោកឧត្តមសេនីយ៍របស់កូរ៉េខាងត្បូងឈ្មោះ Park Han-ki កំពុងតែមើលការកាត់បន្ថយការការបណ្តុះបណ្តាល ដោយសារតែមានការព្រួយបារម្ភពីវីរុសកូរ៉ូណា។
ចំណែករដ្ឋមន្រ្តីការពារជាតិកូរ៉េខាងត្បូង លោក Jeong Kyeong-doo បាននិយាយដូចគ្នាថា កងកម្លាំងរបស់កូរ៉េខាងត្បូងចំនួន ១៣នាក់ បានឆ្លងវីរុសកូរ៉ូណា ហើយដូចនេះ រាល់ការឈប់សម្រាក់ទាំងអស់ សម្រាប់យោធា គឺត្រូវបានលុបចោល ដើម្បីកម្រិតការធ្វើដំណើររបស់កងទ័ព។
សូមបញ្ជាក់ថា ប្រទេសសម្ព័ន្ធមិត្តទាំងពីរ បានកាត់បន្ថយការធ្វើសមយុទ្ធយោធារួមគ្នាជាច្រើន ដើម្បីសម្រួលដល់ការចរចានុយក្លេអ៊ែររវាងអាមេរិច និងកូរ៉េខាងជើង៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia