ក្មេងស្រីភាគច្រើនក្នុងវ័យប៉ុណ្ណេះ កំពុងពេញផ្តោតទៅលើការសិក្សា និងមានពេលវេលាសប្បាយៗច្រើនជាមួយគ្រួសាររបស់ពួកគេ ។ ប៉ុន្តែ សម្រាប់ក្មេងស្រីអាយុ ១១ ឆ្នាំ ម្នាក់នេះ ដែលមានឈ្មោះថា Marie Roga មកពីហ្វីលីពីន ត្រូវចំណាយពេលពេញៗមួយថ្ងៃ ដើម្បីមើលថែឪពុករបស់នាងដែលឈឺ ។ ឪពុករបស់នាងត្រូវបានដឹងថា គាត់មិនអាចធ្វើការរកស៊ិចិញ្ចឹមខ្លួនឯងបានទេ ព្រោះគាត់មិនអាចចលនា ឬ សូម្បីនិយាយបានផងនោះ ដូច្នេះនាងត្រូវមើលថែគាត់ជាប្រចាំថ្ងៃ។
Roga បានពន្យាពេលការសិក្សារបស់នាងមួយរយៈសិន មុនពេលនាងចាប់ផ្តើមដើម្បីមើលថែឪពុករបស់នាង ។ នាងជួយគ្រាឪពុកដាក់រទេះរុញ ទៅកាន់កន្លែងធ្វើការរបស់ម្តាយនាងរាល់ថ្ងៃ ដោយមិនដែលខកខាននោះទេ ។
នៅលើទំព័រហ្វេសប៊ុក Reporter’s Notebook បានសរសេរឲ្យដឹងថា រឿងរ៉ាវរបស់នាងត្រូវបានផ្សាយ ហើយចាប់តាំងពីពេលនោះ ទទួលការ Like រហូតដល់ 7,100 ពីបងប្អូនអ្នកប្រើប្រាស់បណ្តាញសង្គម ដែលបានបញ្ចេញមតិផ្សេងៗគ្នា ដោយក្នុងនោះ មនុស្សជាច្រើនបានគិតអំពីនូវអ្វីដែលនាងត្រូវឆ្លងកាត់ និងជូនពរឲ្យនាងមានអនាគតល្អ ឲ្យស័ក្តិសមនឹងអំពើដ៏ល្អរបស់នាងមានចំពោះអ្នកមានគុណបែបនេះ។ ជាមួយគ្នានោះ ពួកគេក៏បានផ្តើមគំនិតគ្នាបង្កើតមូលនិធិ ដើម្បីរៃអង្គាសប្រាក់ជួយឧបត្ថម្ភដល់គ្រួសារនាងផងដែរ ៕
ប្រែសម្រួលដោយ៖ លឹម ហុង (ប្រភព៖ worldofbuzz)
