ភ្នំពេញ៖នាយកដ្ឋានប្រយុទ្ធនឹងជំងឺឆ្លង បានឲ្យដឹងថា គ្រូពេទ្យខ្មែរម្នាក់ ដែលបម្រើការងារនៅប្រទេសវៀតណាម ត្រូវបានដាក់ឲ្យនៅដោយឡែកនៅមន្ទីរពេទ្យមួយ នៅទីក្រុងហាណូយ ដែលសង្ស័យគ្រូពេទ្យរូបនោះ មានវិជ្ជមាន COVID-19 ។
នាយកដ្ឋានប្រយុទ្ធនឹងជំងឺឆ្លង CDC នៅថ្ងៃទី១០ខែមីនានេះ បានចេញប្រកាសព័ត៌មានថា មានការផ្សព្វផ្សាយតាមបណ្តាញសង្គម អំពីគ្រូពេទ្យខ្មែរម្នាក់បានដាក់ឲ្យនៅដោយឡែកនៅមន្ទីរពេទ្យមួយ នៅទីក្រុងហាណូយ តាមព័ត៌មានដែលទទួលបានគឺ “He is Cambodian doctor working in Vietnam ( Hanoi), his specialist in ENT, he treated patient confirmed with COVID-19 .he is Quaratin at hospital in HN “។
ប្រភពដដែល បានបន្តថា គាត់ជាវេជ្ជបណ្ឌិតខ្មែរបម្រើការងារនៅវៀតណាម (ហាណូយ) គាត់មានឯកទេសខាងជំងឺ ត្រចៀក ច្រមុះ បំពង់ក គាត់បានព្យាបាលអ្នកជំងឺដែលបានបញ្ជាក់ថាមានវិជ្ជមាន COVID-19 គាត់តម្រូវឲ្យដាក់ដោយឡែកនៅមន្ទីរពេទ្យទីក្រុងហាណូយ ។ ដូច្នេះគាត់មិនមែនជាគ្រូពេទ្យបម្រើការងារនៅពេទ្យស្រុកខ្មែរ និងរស់នៅស្រុកខ្មែរទេ ហើយគាត់ពេលនេះមិនមានវិជ្ជមាន COVID-19 ទេ គាត់គ្រាន់តែដាក់ឲ្យនៅដោយឡែកប៉ុណ្ណោះ ៕ដោយ៖កូឡាប
