កោះកុង៖ តាមការរៀបរាប់ពីក្រុមគ្រួសារជនរងគ្រោះ បានឲ្យដឹងថា នៅវេលាម៉ោង ១២និង៤០នាទី នាថ្ងៃទី១០ មីនា ២០២០ ជនរងគ្រោះ ឈ្មោះ នាង ប៊ុមធឿន ភេទស្រី អាយុ ៥០ឆ្នាំ ជនជាតិខ្មែរ មានទីលំនៅភូមិជីមាល ឃុំអណ្ដូងទឹក ស្រុកបុទុមសាគរ បានទៅកាប់ដើមសំរ៉ង ដេីម្បីយកផ្លែ ជាមួយប្ដី កូន និងបងបង្កើតសរុបមានគ្នា ៥នាក់ ។
ស្នងការដ្ឋាននគរបាលខេត្តកោះកុង បានឲ្យដឹងថា នៅពេលកាប់ដើមសំរ៉ង ដួលជាប់ទើលើដើមឈើមួយទៀត ហើយផ្លែសំរ៉ងជ្រុះពួកគាត់ក៍ចូលរើសគ្រាប់សំរ៉ងបានបន្ដិច ក៍ដើមសំរ៉ងធ្លាក់មកសង្កត់គៀបនឹងថ្ម បណ្ដាលឲ្យស្លាប់ភ្លាមៗនៅនិងកន្លែងក្រោយមកពួកគាត់ បានដឹកសាកសពជនរងគ្រោះ យកមកផ្ទះ។
នៅពេលកម្លាំងយេីងបានទទួលព័ត៌មាន ក៏បានសហការជាមួយ អាជ្ញាធរ និងគ្រូទេព្យមណ្ឌលសុខភាពអណ្ដូងទឹក ចុះត្រួតធ្វេីកោសល្យវិច័យ ក្រោយពេលពិនិត្យរួច បានបញ្ជាក់ថា សពរងគ្រោះ ពិតជាស្លាប់ដោយសារ ដេីមឈេីសង្កត់ពិតប្រាកដមែន។
បច្ចុប្បន្ន សពរងគ្រោះ ត្រូវបានក្រុមគ្រួសារ រៀបចំធ្វើបុណ្យតាមប្រពៃណី ៕ ដោយ៖កូឡាប
