ប្រទេសកូរ៉េខាងត្បូង បានប្រកាសថា ការឆ្លងវីរុសកូរ៉ូណាថ្មីនៅថ្ងៃពុធនេះ បានកើនឡើងខ្លាំងជាលើកដំបូង ក្នុងរយៈពេល ៥ថ្ងៃចុងក្រោយ ក្រោយអាជ្ញាធរប្រទេសនេះ សម្តែងក្តីសង្ឃឹមថា នឹងអាចគ្រប់គ្រងការរីករាលដាលបាន។
កូរ៉េខាងត្បូង គឺជាប្រទេសទី ២ ដែលមានការផ្ទុះវីរុសកូរ៉ូណាខ្លាំងបន្ទាប់ពីចិន និងកំពុងស្ថិតក្នុងចំណោមប្រទេស ដែលមានការឆ្លងខ្លាំង។ ប្រទេស ២ទៀតដែលមានការឆ្លងខ្លាំង និងអ្នកស្លាប់ច្រើនមានដូចជា អ៊ីតាលី និងអ៊ីរ៉ង។
កាលពីថ្ងៃអង្គារ កូរ៉េខាងត្បូងបានប្រកាសថាមានអ្នកឆ្លងថ្មីចំនួន ២៤២នាក់បន្ថែម បណ្តាលឲ្យតួលេខនៃអ្នកឆ្លងសរុបកើនដល់ចំនួន ៧.៧៥៥នាក់។
ចំណែកចំនួនអ្នកស្លាប់ កើនដល់ ៦០នាក់ ក្រោយពេលមានអ្នកស្លាប់ថ្មីបន្ថែមចំនួន ៦នាក់ទៀត។
សូមបញ្ជាក់ថា ការឆ្លងរីករាលដាល់ចំនួន ៦០ភាគរយគឺទាក់ទងទៅនឹងព្រះវិហារគ្រឹស្តសាសនា Shincheonji៕
អត្ថបទប្រែសម្រួលដោយ៖ សុភ័ក្រ
ប្រភព៖ Channelnewsasia