ភ្នំពេញ ៖ បុរសប្រើអំពើហឹង្សាប្រើប្រាស់ក្រមា ចាប់ស្ត្រីកម្មការិនីរោងចក្រម្នាក់យកក្រមាមកចង ដោយសារទំនាស់សម្តីគ្នា
រឿងឈប់ជួលបន្ទប់ស្នាក់នៅ បានចូលខ្លួនបំភ្លឺនៅប៉ុស្តិ៍នគរបាលចោមចៅទី៣ ហើយត្រូវបានសមត្ថកិច្ចនាំខ្លួន បន្តទៅសាកសួរនៅផ្នែកជំនាញខណ្ឌសាកសួរ។
កាលពីព្រឹកថ្ងៃទី៧ ខែមេសា ឆ្នាំ២០២០ ប៉ូលិសភ្លេចខ្លួន ជនខាងលើគេចខ្លួនបាត់ ផ្អើលនគរបាលរត់ចែកជើងគ្នាតាមស្វែងរក
ជនដែលចាប់ស្ត្រីកម្មករចង មានឈ្មោះ អ៊ូ ប៊ុនធី ភេទប្រុស អាយុ៤១ឆ្នាំ បម្រើការងារមន្ត្រីសាធារណការ មានទីលំនៅផ្ទះកើតហេតុខាងលើ មានម្តាយឈ្មោះ ស្រេង ឆេងលីន អាយុ៨១ឆ្នាំ ទាំង២នាក់ម្តាយកូនជាម្ចាស់ផ្ទះជួល ។ រីឯស្ត្រីដើមបណ្តឹងនោះមានឈ្មោះ អឿន ស្រីនាថ អាយុ៣៣ឆ្នាំមាន មុខរបរ កម្មការិនីរោងចក្រ ស្នាក់នៅបន្ទប់ជួល ផ្សេងទេ តែក្នុងភូមិខាងលើដែរ។
ចំណែកស្ត្រីដែលជាអ្នកជួលបន្ទប់ ចំណុចកើតហេតុ មានឈ្មោះ អឿន ស្រីម៉ៅ អាយុ៣៧ឆ្នាំ មុខរបរ កម្មការិនីរោងចក្រ ។
ទាំង២នាក់ត្រូវជាបងប្អូនបង្កើតនឹងគ្នា មានស្រុកកំណើត ភូមិទួលកាកោរ ឃុំទួលស្នួល ស្រុកក្រូចឆ្មារ ខេត្តកំពង់ចាម ។
ផ្អែកតាមបណ្តឹងចោទប្រកាន់របស់ ស្ត្រី២នាក់បងប្អូន ប្តឹងចោទ បុរសឈ្មោះ អ៊ូ ប៊ុនធី និងម្តាយឈ្មោះ ស្រេង ឆេងលីន ប្រើហឹង្សា យកក្រម៉ាចងដៃ ដេញវាយ ក្នុងរឿងទំនាស់សម្តី ផ្តើមចេញពី ឈប់ជួលបន្ទប់ស្នាក់នៅ ខឹង ហើយវាយឆ្កឹះសោបន្ទប់ ទាំងមិនបានប្រាប់ម្ចាស់ ។
ជុំវិញករណីខាងលើ នៅព្រឹកថ្ងៃទី៧ ខែមេសា នេះ គ្រាដែលបុរសចុងចោទមកបំភ្លឺនៅប៉ុស្តិ៍ប៉ូលិស ជួបជាមួយ ស្ត្រីជាម្តាយ ឈ្មោះ ស្រេង ឆេងលីន បានឲ្យអ្នកយកព័ត៌មានដឹងថា គាត់ពិតជាឲ្យកូនទៅឆ្កឹះសោបន្ទប់ជួលរបស់ស្ត្រីខាងលើមែន ស្មានតែរើឥវ៉ាន់អស់ហើយ ក្នុងបំណងចូលមើល ក្រែងមិនទាន់បិទទឹក ភ្លើង បែរជាស្ត្រី២នាក់បងប្អូនមកដល់ឡូឡា ខឹងពេកទ្រាំលែងបាន កូនប្រុសគាត់យកក្រមាមកចងលេងទេ កុំឲ្យស្រែកឡូឡាពេក ។ ចំណែកបុរសចុងចោទវិញ មានបានជួបសម្តីផ្ទាល់ឡើយ ក្រោយពីចូលខ្លួនដល់ប៉ុស្តិ៍នគរបាលចោមចៅ សាកសួរបឋមហើយ បានបន្តនាំខ្លួនទៅផ្នែកជំនាញខណ្ឌ ដើម្បីសាកសួរ ខណៈដែលផ្ទុះការរិះគន់ខ្លាំង ពីសំណាក់មហាជន ម្ចាស់ផ្ទះជួលធ្វើបែបនេះជ្រុលពេកទៅហើយ ដូចជាសាហាវហួស ដូចសព្វតែរឿងរើអីវ៉ាន់ប្តូរបន្ទប់ជួលសោះ ។
ជនបង្កខាងលើក្រោយពី សមត្ថកិច្ចហៅនាំខ្លួនបុរសដៃដល់ ទៅផ្នែកជំនាញខណ្ឌ មិនទាន់ដឹងថាលទ្ធផល ឃាត់ខ្លួនឬដោះស្រាយយ៉ាងណាផង ប៉ូលិសភ្លេចខ្លួន ស្រាប់តែបុរសខាងលើ ប្រាប់ថាចេញទៅនិយាយទូរស័ព្ទសាកសួរប្រពន្ធកូនខ្ចី តែបែជាគេចខ្លួនទៅបាត់ ធ្វើឲ្យប៉ូលិសខណ្ឌពោធិសែនជ័យ រត់ចែកជើងគ្នាតាមស្វែងរកហៅមកវិញ ៕ដោយ៖ផាន់ណា
