ភ្នំពេញ៖ ស្នងការដ្ឋាននគរបាលរាជធានីភ្នំពេញ បានឲ្យដឹងថា នៅព្រឹកថ្ងៃទី១០ ខែមេសា ឆ្នាំ២០២០នេះ មានគោលដៅសំខាន់ៗចំនួន ៩ តាមផ្លូវជាតិ ច្រក ចេញ ចូល រាជធានីភ្នំពេញ ត្រូវបានបិទ ស្របតាមសេចក្តីប្រកាសរបស់រាជរដ្ឋាភិបាល ដើម្បីបង្ការ និងទប់ស្កាត់ការឆ្លងរាតត្បាតជំងឺវីរុសកូវីដ ១៩ ។
គោលដៅសំខាន់ៗចំនួន ៩ រួមមាន ៖ ១. គោលដៅព្រះនារាយណ៍ ជាប់ព្រំប្រទល់តាខ្មៅខេត្តកណ្តាល។ ២. គោលដៅផ្លូវ ៦០ម៉ែត្រ។ ៣. គោលដៅស្ពាន ៧មករា ផ្លូវជាតិលេខ៣ ។ ៤. ផ្លូវជាតិលេខ៤ ម្តុំបែកចាន។ ៥. ផ្លូវជាតិលេខ៥ ម្តុំវត្តគ្រួស។ ៦. ផ្លូវជាតិលេខ៦A ម្តុំស្ពានព្រែកព្នៅ។ ៧. ផ្លូវជាតិលេខ ២ រង្វង់មូលគួរស្រូវ។ ៨. ផ្លូវជាតិលេខ១ ព្រំប្រទល់ខេត្តកណ្តាល និង៩. គោលដៅក្រោមស្ពានសំរោង។
ស្នងការដ្ឋាននគរបាលរាជធានីភ្នំពេញ សូមបងប្អូនប្រជាពលរដ្ឋ ចូលរួមសហការ និងស្តាប់ការណែនាំរបស់រដ្ឋាភិបាល ដើម្បីបង្ការ និងទប់ស្កាត់ការឆ្លងរាលដាលវីរុសកូវីដ១៩ ៕ដោយ៖កូឡាប
