ខេត្តស្វាយរៀង៖ មនុស្សម្នាក់បានរងរបួសធ្ងន់ និង២នាក់ទៀតរងរបួសស្រាល ដោយសារតែការបើកបរខ្វះការប្រុងប្រយ័ត្ន បើកវ៉ាជែងខាងស្តាំ ប៉ះដៃចង្កូតម៉ូតូមួយគ្រឿង បណ្តាលដួលរងរបួសធ្ងន់ស្រាល់តែម្តង។ ករណីគ្រោះថ្នាក់ចរាចរណ៍នេះ បានកើតឡើងកាលពីវេលាម៉ោង១៩និង៣០នាទីយប់ថ្ងៃទី ២០ ខែ មេសា ឆ្នាំ២០២០ នៅត្រង់ចំណុចផ្លូវបេតុង ស្ថិតក្នុងភូមិ ព្រៃទទឹង ឃុំ ប្រសូត្រ ស្រុក ស្វាយទាប ខេត្តស្វាយរៀង ។
សមត្ថកិច្ចបានឲ្យដឹងថា៖ នៅមុនពែលកើតហេតុ មានម៉ូតូមួយគ្រឿង ម៉ាកហុងដាសេ ១២៥ ពណ៌ខ្មៅ ស៊េរីឆ្នាំ២០១៥ផ្លាកលេខ ស្វាយរៀង ១I ៩១៨១ ធ្វើដំណើរពីទិសដៅពីត្បូងទៅជើង (មិនពាក់មួកសុវតិ្តភាព) បើកបរដោយឈ្មោះ វង់ ភក្ត្រា ភេទប្រុស អាយុ១៩ឆ្នាំ សញ្ជាតិខ្មែរ មុខរបរ ជាងផ្សារដែក រស់នៅភូមិ ថ្នល់កែង ឃុំកណ្តៀងរាយ ស្រុកស្វាយទាប ខេត្តស្វាយរៀង រងបួសធ្ងន់ និងអ្នករួមដំណើរម្នាក់ទៀតឈ្មោះ ណំ សុធី ភេទប្រុស អាយុ ៤០ឆ្នាំ មុខរបរផ្សារដែក រងរបួសស្រាល (មិនពាក់មួកសុវត្ថិភាព) មានទីលំនៅជាមួយគ្នា។ លុះមកដល់ចំណុចកើតហេតុខាងលើ បានវ៉ាជែងខាងស្តាំប៉ះដៃចង្កូតម៉ូតូមួយគ្រឿងទៀតម៉ាក ហុងដាឌ្រីម ពណ៌ខ្មៅ ស៊េរីឆ្នាំ២០១៣ ពាក់ផ្លាកលេខ ស្វរ 1H ៨៩៥០ ធ្វើដំណើរពីទិសដៅពីត្បូងទៅជើង ស្របទិសគ្នា បើកបរដោយឈ្មោះ ញ៉ែម មករា ភេទ ប្រុស អាយុ៣៤ ឆ្នាំ សញ្ជាតិខ្មែរ មុខរបរកសិករ រស់នៅភូមិព្រែទទឹង ឃុំប្រសូតិ ស្រុកស្វាយទាប ខេត្តស្វាយរៀង រងស្រាល (មិនពាក់មួកសុវត្តិភាព) បណ្តាលឲ្យដួលរងរបួសធ្ងន់ និងស្រាលទាំង៣នាក់។
មធ្យោបាយធ្វើដំណើរទាំងពីរ បានយកមក រក្សាទុកនៅប៉ុស្ដិ៍នគរបាលប្រសូតិ ដើម្បីរង់ចាំធ្វើការដោះស្រាយគ្នា នៅពេលក្រោយ។ នគរបាល បានបញ្ជាក់ពីមូលហេតុ នៃគ្រោះថ្នាក់នេះថា មកពីអ្នកបើកម៉ូតូហុងដាឌ្រីម ស៊េរីឆ្នាំ២០១៥ វ៉ាជែងខាងស្តាំ ខ្វះការប្រុងប្រយ័ត្ន៕ដោយ៖ វ៉ៃកូ
