បាត់ដំបង៖ កម្លាំងប៉ូលិសការិយាល័យប្រឆាំងគ្រឿងញៀនខេត្តបាត់ដំបង បានចាប់បុរស៣នាក់ ជួញដូររក្សាទុកនិងថ្នាំម៉ាទឹកកកចំនួ
ន១៩ថង់ សម្ភារប្រើប្រាស់ថ្នាំញៀនមួយចំនួនទៀត នៅកន្លែងផ្សេងគ្នា ក្នុងស្រុកភ្នំព្រឹក ស្រុកមោងឫស្សី ស្រុកឯកភ្នំ
កសាងសំណុំរឿងបញ្ជូនទៅតុលាការ ដើម្បីចាត់ការទៅតាមផ្លូវច្បាប់ នៅរសៀលថ្ងៃទី៤ ខែឧសភា ឆ្នាំ២០២០។
ហេតុការណ៍ចាប់ឃាត់ខ្លួនជនសង្ស័យ៣នាក់នេះ បានធ្វើឡើងកាលពីថ្ងៃទី៣ និងថ្ងៃទី៤ ខែឧសភា ឆ្នាំ២០២០ នៅចំណុចផ្សេងគ្នា ក្នុងស្រុកភ្នំព្រឹក ស្រុកមោងឫស្សី ស្រុកឯកភ្នំ ខេត្តបាត់ដំបង។
លោកសុខ និមល នាយការិយាល័យប្រឆាំងបទល្មើសគ្រឿងញៀនខេត្តបាត់ដំបង បានឲ្យដឹងថា ជនសង្ស័យ៣នាក់ ដែលចាប់ឃាត់ខ្លួន ករណីទី១ មានឈ្មោះសឹម ថន ភេទប្រុស អាយុ៣៦ឆ្នាំ មានទីលំនៅភូមិហុងទឹក ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតវត្ថុតាងរួមមានថ្នាំញៀនប្រភេទមេតំហ្វេតាមីនម៉ាទឹកកក ចំនួន៦ថង់ សម្ភារសម្រាប់មួយចំនួនទៀត ហើយចាប់ឃាត់ខ្លួន កាលពីម៉ោង១១និង៣៩នាទី ថ្ងៃទី៣ ខែឧសភា ឆ្នាំ២០២០ នៅចំណុចភូមិហុងទឹក ឃុំបារាំងធ្លាក់ ស្រុកភ្នំព្រឹក ខេត្តបាត់ដំបង។ ករណីទី២ ឈ្មោះហួម វ័ន្ដ ភេទប្រុស អាយុ៣៣ឆ្នាំ រស់នៅភូមិព្រែកក្រូច ឃុំព្រែកនរិន្ទ ស្រុកឯកភ្នំ ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក៤ថង់ សម្ភារមួយចំនួនទៀត ហើយចាប់ឃាត់ខ្លួន កាលពីម៉ោង១៩និង០០នាទី ថ្ងៃទី៣ ខែឧសភា ឆ្នាំ២០២០ នៅចំណុចភូមិគង់ទុំ ឃុំពាមឯក ស្រុកឯកភ្នំ ខេត្តបាត់ដំបង។ ករណីទី៣ ឈ្មោះផា ហ៊ា ភេទប្រុស អាយុ៣៦ឆ្នាំ រស់នៅភូមិឫស្សី២ ឃុំមោង ស្រុកមោងឫស្សី ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតបានថ្នាំម៉ាទឹកកក៩ថង់ សម្ភារប្រើប្រាស់ថ្នាំញៀនមួយចំនួនទៀត ហើយចាប់ឃាត់ខ្លួន កាលពីម៉ោង១២និង១៥នាទី ថ្ងៃទី៤ ខែឧសភា ឆ្នាំ២០២០ នៅចំណុចក្រុមទី០៧ ភូមិឫស្សី២ ឃុំមោង ស្រុកមោងឫស្សី ខេត្តបាត់ដំបង។
លោកសុខ និមល បានបញ្ជាក់ថា កម្លាំងបានសហការជាមួយកម្លាំងប៉ូលិសស្រុក ចុះបង្ក្រាបបានករណីរទាំង៣នេះ ហើយចាប់ឃាត់ខ្លួនជនសង្ស័យ៣នាក់ និងវត្ថុតាងបានភ្លាមៗជាក់ស្ដែងតែម្ដង។ បច្ចុប្បន្ននេះ កម្លាំងបានកសាងសំណុំរឿង បញ្ជូនជនសង្ស័យ និងវត្ថុតាងទៅតុលាការ ដើម្បីចាត់ការទៅតាមផ្លូវច្បាប់ នៅរសៀលថ្ងៃទី៤ ខែឧសភា ឆ្នាំ២០២០ហើយ៕ ដោយ ៖ អ៊ុងសារុំ
