បាត់ដំបង៖កម្លាំងប៉ូលិសការិយាល័យប្រឆាំងគ្រឿងញៀនខេត្តបាត់ដំបង បានចាប់បុរស២នាក់ជួញដូររក្សាទុកនិងថ្នាំម៉ាទឹកកកចំនួ
ន៥ថង់ សម្ភារប្រើប្រាស់ថ្នាំញៀនមួយចំនួនទៀត កសាងសំណុំរឿងបញ្ជូនទៅតុលាការ ដើម្បីចាត់ការទៅតាមផ្លូវច្បាប់។
ហេតុការណ៍ចាប់ឃាត់ខ្លួនជនសង្ស័យ២នាក់នេះ បានធ្វើឡើងកាលពីថ្ងៃទី៥ ខែឧសភា ឆ្នាំ២០២០ នៅចំណុចភូមិរំចេក០១ សង្កាត់រតនៈ ក្រុងបាត់ដំបង ខេត្តបាត់ដំបង។
លោកសុខ និមលនាយការិយាល័យប្រឆាំងបទល្មើសគ្រឿងញៀនខេត្តបាត់ដំបង បានឲ្យដឹងថា ជនសង្ស័យ២នាក់ដែលចាប់ឃាត់ខ្លួនឈ្មោះ ហម ចិត្រា ភេទប្រុសអាយុ៣៤ ឆ្នាំរស់នៅភូមិអូរចារ សង្កាត់អូរចារ ក្រុងបាត់ដំបង ខេត្តបាត់ដំបង និងឈ្មោះ គុជ មាលា ហៅធំ ភេទប្រុស អាយុ២៩ឆ្នាំ រស់នៅភូមិទួលតាឯក សង្កាត់ទួលតាឯក ក្រុងបាត់ដំបង ខេត្តបាត់ដំបង។ ក្នុងប្រតិបត្តិការនេះ កម្លាំងដកហូតវត្ថុតាង រួមមានថ្នាំញៀនប្រភេទមេតំហ្វេតាមីនម៉ាទឹកកក ចំនួន៥ថង់ ទម្ងន់១២២,៧៨ក្រាម ជញ្ជីងសម្រាប់ថ្លឹងគ្រឿងញៀនចំនួន០១គ្រឿង ទូរស័ព្ទដៃចំនួន០២ កាបូបប្រាក់ចំនួន០១ និងសម្ភារសម្រាប់ច្រករំលែកគ្រឿងញៀន និងសម្ភារសម្រាប់ជក់គ្រឿងញៀនមួយចំនួនទៀត។
លោកសុខ និមល បានបញ្ជាក់ថា កម្លាំងបានសហការជាមួយកម្លាំងប៉ូលិសក្រុង ចុះបង្ក្រាបបានករណីរនេះ ហើយចាប់ឃាត់ខ្លួនជនសង្ស័យ២នាក់ និងវត្ថុតាងបានភ្លាមៗជាក់ស្ដែងតែម្ដង។ បច្ចុប្បន្ននេះ កម្លាំងបានកសាងសំណុំរឿង បញ្ជូនជនសង្ស័យ និងវត្ថុតាងទៅតុលាការ ដើម្បីចាត់ការទៅតាមផ្លូវច្បាប់ ៕ដោយ៖អ៊ុងសារុំ