ឆ្នាំជូត
រាសីស្រុតចុះ។
ការងារ ៖ នៅថ្ងៃនេះបើទោះបីដួងរាសីស្រុតចុះ ប៉ុន្តែលោកអ្នកនៅតែអាចដំណើរកិច្ចការងារផងដែរ គ្រាន់តែមានភាពរអាក់រអួលនិងផលប៉ះពាល់ច្រើនបន្តិចប៉ុណ្ណោះ។
ជំនួញ ៖ ជួបលើបញ្ហាប្រទាំងប្រទើសច្រើន ឯផលកម្រៃទៀតសោតក៏ហូរចូលដោយតឹងណាស់។ការធ្វើដំណើរទីជិតឆ្ងាយមិនសូវមានសុវត្តិភាពទេពិសេសឱ្យប្រយ័ត្នទិសអាគ្នេយ៍តែម្តង។
ស្នេហា ៖ មានការចាប់កំហុសព្រោះតែភាពប្រចែប្រច័ណ្ឌកំពុងដឹកមុខ៕
ឆ្នាំឆ្លូវ
រាសីខ្ពស់ត្រដែត។
ការងារ ៖ នៅថ្ងៃនេះឧបទ្រពចង្រៃតូចធំបានចៀសគេចឆ្ងាយ ធ្វើឱ្យលោកអ្នកមានការសប្បាយចិត្តនិងធូរស្រាលបញ្ហាមួយចំនួនឡើងវិញ។
ជំនួញ ៖ ការទិញចូលលក់ចេញគួរសម ហើយទោះជួញទីជិតឆ្ងាយអាចរកផលកម្រៃចូលផ្ទះគ្រាន់ជាទីកក់ក្តៅ។ការធ្វើដំណើរជួបសេចក្តីសុខដុមទាំងពេលទៅនិងត្រឡប់មកវិញ។
ស្នេហា ៖ មានការរីកលូតលាស់និងផ្អែមល្ហែមប្រពៃណាស់៕
ឆ្នាំខាល
រាសីល្អជាមធ្យម។
ការងារ ៖ នៅថ្ងៃនេះដំណើរជីវិតរបស់លោកអ្នកជួបភាពរដិបរដុបបន្តិច ដូចនេះទោះធ្វើអ្វីក៏ដោយគឺជារឿយៗពុំសូវដំណើរការបានស្រួលទេព្រោះតែងមានរឿងរ៉ាវមកយាយីអុកទ្បុកដូចនេះបើពុំព្យាយាមដោះស្រាយទេពិតជាជួបបញ្ហានៅគ្រាខាងមុខហើយ។ក្នុងផ្ទះសម្បែងស្ត្រីត្រូវយកចិត្តទុកដាក់កិច្ចការឱ្យបានច្រើនបើពុំនោះទេបញ្ហាចម្រូងចម្រាសពិតជាកើតមានទៀតពុំខាន។
ជំនួញ ៖ មានភាពប្រទាំងប្រទើសចំពោះមុខ ប៉ុន្តែយ៉ាងណាក៏ចំណូលមានហូរចូលដោយអាចប្រមូលចូលផ្ទះវិញគ្រាន់ជាទីកក់ក្តៅផង។
ស្នេហា ៖ កើតរឿងទុក្ខព្រួយលុកលុយព្រោះតែភាពរកាំរកូសកើតមានឥតសូវសុខស្រួលខ្លួនប៉ុន្មានទេ៕
ឆ្នាំថោះ
រាសីស្រុតចុះ។
ការងារ ៖ នៅថ្ងៃនេះទោះបីដួងរាសីស្រុតចុះពិតមែន ប៉ុន្តែបើលោកអ្នកមានការអត់ធ្មត់និងធ្វើមិនដឹងមិនឮខ្លះនោះបញ្ហាមិនល្អក៏មិនអាចឈានចូលកើតដែរ។
ជំនួញ ៖ ការរកផលម្រៃជួបការលំបាក ហើយពិសេសក្រុមមនុស្សតាមព្យាបាទយាយីច្រើនទៀតផង។ចំណែកការធ្វើដំណើរគ្រប់ទិសទីពិសេសបុរសមិនត្រូវសេពគប់បនល្បែងស្រីស្រាឡើយប្រយ័ត្នឥតការអ្វីសោះនាំឧបទ្រពចង្រៃដាក់ខ្លួន។
ស្នេហា ៖ មានដំណើរថយក្រោយដូចនេះជម្លោះវិវាទនោះក៏ងាយផ្ទុះកើតមានឡើងណាស់៕
ឆ្នាំរោង
រាសីខ្ពស់ត្រដែត។
ការងារ ៖ នៅថ្ងៃនេះឃើញថាដំណើរជីវិតរបស់លោកអ្នកល្អប្រសើរ ហេតុនេះរាល់កិច្ចការងារមានការលូតលាស់និងហុចជាលទ្ធផលគ្រាន់កក់ក្តៅគួរសម។
ជំនួញ ៖ បើលោកអ្នកមិនធ្លាប់ចេញធ្វើជំនួញផ្លូវឆ្ងាយ ហើយចង់សាកល្បងមើលក៏ជាការល្អប្រសើរដែរព្រោះតែងហុចផ្លែផ្កាដូចសមប្រកបដែរ។
ស្នេហា ៖ កំលោះក្រមុំឬពោះម៉ាយមេម៉ាយក្តីកំពុងមានភាពស្រស់ស្រាយនិងផ្អែមល្ហែមប្រពៃ៕
ឆ្នាំម្សាញ់
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផលល្អសម្រាប់លោកអ្នកសម្រុកការងារឬទំនាក់ទំនងចរចាបញ្ហាអ្វីមួយពីព្រោះថាផលល្អមាននៅចំពោះមុខជានិច្ច។
ជំនួញ ៖ នៅថ្ងៃនេះដែរដោយសារដួងរាសីឡើងខ្ពស់ ដូចនេះជាឱកាសល្អក្នុងការពង្រីកមុខជំនួញព្រោះផ្លែផ្កាហុចមកវិញឃើញថាអាចឆ្លើយតបគួរជាទីពេញចិត្តតែយ៉ាងណាលោកអ្នកឱ្យប្រយ័ត្នគ្រោះចាញ់បោកគេព្រោះក៏មានខ្ពស់ផងដែរ។ការធ្វើដំណើរទីជិតឆ្ងាយបើលោកអ្នកចង់ពឹងពាក់អ្នកដទៃឱ្យជួយអ្វីមួយក៏តែងគេអាណិតស្រឡាញ់ជួយចូកជួយចែវឱ្យផុតការលំបាកផង។
ស្នេហា ៖ លោកអ្នកមិនគប្បីលង់លក់តែក្នុងរឿងសេចក្តីស្នេហាខុសរបៀបដែលនាំឱ្យខូចអនាគតដោយប្រការណាមួយ៕
ឆ្នាំមមី
រាសីស្រុតចុះ។
ការងារ ៖ នៅថ្ងៃនេះដោយសារដួងរាសីស្រុតចុះ ម្ល៉ោះហើយបើមានបញ្ហាអ្វីត្រូវចេះទប់ទល់ឱ្យបានល្អទើបគ្មានបញ្ហាកើតឡើង។ការរស់នៅលោកអ្នកមិនត្រូវហ៊ានលូកដៃក្នុងល្បែងស៊ីសងឡើយពីព្រោះមានតែការបាត់បង់ប៉ុណ្ណោះ ហើយពិសេសអាចកើតមានរឿងក្តៅក្រហាយច្រើនទៀតផង។
ជំនួញ ៖ ដោយសារយីអ៊ុនរបស់លោកអ្នកមិនសមដូចប្រកបប៉ុន្មានទេ បើដូចនេះទោះធ្វើជំនួញទីជិតឆ្ងាយមិនត្រូវលោភលន់ចង់ចំណេញច្រើនឡើយបើពុំនោះទេប្រយ័ត្នត្រូវវិលត្រឡប់មកផ្ទះវិញគ្មានប្រាក់ចំណូលផ្គត់ផ្គង់គ្រួសារ ។
ស្នេហា ៖ កំលោះក្រមុំឬពោះម៉ាយមេម៉ាយក្តីមិនមានការរីកលូតលាស់ទៅមុខទេគឺមានការថយក្រោយច្រើនជាង៕
ឆ្នាំមមែ
រាសីល្អជាមធ្យម។
ការងារ ៖ នៅថ្ងៃនេះលោកអ្នកគប្បីរួសរាន់បំពេញការងារពីព្រោះថាផលល្អតែងឆ្លើយតបមកវិញគ្រាន់ជាទីពេញចិត្តផង។
ជំនួញ ៖ ក្នុងថ្ងៃនេះវិញមានការហូរចូលមួយៗគ្រាន់បំពេញបំពង់អញ្ចឹងដែរតែយ៉ាងណាការជួញធំដុំគប្បីមានការប្រយ័ត្នប្រយែងព្រោះថាងាយចាញ់បោកគេណាស់។ក្នុងពេលនេះដែរទាំងស្ត្រីបុរសចូរប្រយ័ត្នបញ្ហាសុខភាពបន្តិចព្រោះថាមិនទាន់ឆ្លងផុតផលអាក្រក់នៅឡើយដែរទេ។
ស្នេហា ៖ មានការប្រែប្រូលប្តូរផ្លាស់ព្រោះជួនត្រូវរ៉ូវគ្នាជួនទាស់ទែងគ្នា៕
ឆ្នាំវក
រាសីល្អជាមធ្យម។
ការងារ ៖ នៅក្នុងអំឡុងពេលនេះមិនថាជាការងារបញ្ហាប្រាក់កាសរបស់លោកមានការចម្រើនលូតលាស់និងហុចផលមកវិញគ្រាន់ជាទីពេញចិត្តជានិច្ច។នៅពេលនេះដែរអំណោយផលល្អដល់លោកអ្នកច្រើនយ៉ាង ហេតុនេះឃើញថាធ្វើអ្វីក៏ទទួលជោគសំណាងត្រឡប់មកវិញច្រើនថែមទៀត។
ជំនួញ ៖ អ្នកប្រកបរបររកស៊ីជួញដូរមិនសូវមានសកម្មភាពក្នុងការលក់ដូរប៉ុន្មានទេពោលគឺការជួញទីជិតឆ្ងាយមិនឡើងមិនចុះឡើយគឺមានសភាពលំនឹងល្អ។
ស្នេហា ៖ កើតមានការរកាំចិត្តនិងប្រឆាំងគ្នាច្រើន៕
ឆ្នាំរកា
រាសីខ្ពស់ត្រដែត។
ការងារ ៖ នៅថ្ងៃនេះដំណើរជីវិតរបស់លោកអ្នកមានភាពល្អប្រសើរ ហេតុនេះរាក់ឧបទ្រពចង្រៃតែងចាកចេញឆ្ងាយ ហើយការប្រកបការងារអ្វីតែងលូតលាស់និងជឿនលឿនគ្រាន់កក់ក្តៅផងដែរ។
ជំនួញ ៖ មានភាពរលូនល្អទៅមុខនិងការរកប្រាក់កម្រៃទៀតសោតក៏គ្រាន់បើជាងមុនផង។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ ស្នេហាប្រុសស្រីជួបរឿងការយល់ខុសនិងភាពប្រចែប្រច័ណ្ឌចូលលុកលុយច្រើនដូចនេះត្រូវកាត់បន្ថយការបង្កជម្លោះវិវាទចេញពីខ្លួនខ្លះទើបប្រសើរ៕
ឆ្នាំច
រាសីស្រុតចុះ។
ការងារ ៖ ក្នុងថ្ងៃនេះដោយសារដួងរាសីធ្លាក់ស្រុតចុះ ដូចនេះបើចង់ធ្វើអ្វីមួយក៏ដោយតោងតែប្រយ័ត្នប្រយែងបន្តិចទើបបញ្ហាអាក្រក់មិនអាចឈានជើងចូលរួច។
ជំនួញ ៖ ដោយសារថ្ងៃនេះយីអ៊ុនកំពុងដាក់ស្រាប់ ម្ល៉ោះហើយធ្វើឱ្យមានក្រុមមនុស្សតាមឈ្នានីសនិងព្យាបាទយាយីច្រើនដូច្នេះត្រូវរក្សាភាពស្ងប់ស្ងាត់ទើបចៀសផុតជម្លោះវិវាទទាំងពួងទៅរួច។
ស្នេហា ៖ ប្រុសស្រីមានការគិតផ្លូវអាក្រក់ ចំពោះគ្នាច្រើនធ្វើឱ្យរកាំរកូសឥតសូវសប្បាយចិត្តសប្បាយកាយនោះឡើយ៕
ឆ្នាំកុរ
រាសីស្រុតចុះ។
ការងារ ៖ នៅថ្ងៃនេះលោកអ្នកធ្វើអ្វីត្រូវមានចិត្តត្រជាក់និងមិនត្រូវឱ្យផលប៉ះទង្គិចច្រើននោះឡើយ។ ការប្រកបការងារចូរប្រយ័ត្នបញ្ហាប៉ះទង្គិចណាមួយដោយសារការធ្វេសប្រហែសរបស់ខ្លួនឯង។
ជំនួញ ៖ ថ្នៅថ្ងៃនេះដែរលោកអ្នកជួបប្រទះនូវរឿងរ៉ាវប្រទាំងប្រទើសច្រើនហើយបើចេះធ្វើគធ្វើថ្លង់ខ្លះទើបមានភាពសុខដុមទៅរួច។
ស្នេហា ៖ ប្រុសស្រីជួបរឿងខ្វាយខ្វល់ព្រោះតែការគិតប្រចែប្រច័ណ្ឌច្រើនរៀងៗខ្លួន៕