ឆ្នាំជូត
រាសីស្រុតចុះ។
ការងារ ៖ នៅថ្ងៃនេះបើលោកអ្នកទន្ទឹងរង់ចាំអ្វីមួយក៏តែងមិនផ្តល់ផលល្អទេគឺតែងទទួលការខកបំណងច្រើនជាង។
ជំនួញ ៖ ការរកស៊ីជួញដូរទោះជួបភាពរកាំរកូសច្រើនបន្តិចក្តី ប៉ុន្តែយ៉ាងណាផលចំណូលមានហូរចូលមួយៗគ្រាន់សម្រាប់ចិញ្ចឹមគ្រួសារផង។ការធ្វើដំណើរឆ្ងាយជិតជួបភាពប្រទាំងប្រទើសនិងបញ្ហាចូលយាយីច្រើន។
ស្នេហា ៖ មានការលូតលាស់យឺតតែងាយថយក្រោយ៕
ឆ្នាំឆ្លូវ
រាសីខ្ពស់ត្រដែត។
ការងារ ៖ នៅថ្ងៃនេះបើមានកិច្ចការអ្វីលោកអ្នកសម្រុកពេញទីនោះ ផលដែលអាក្រក់នឹងប្រែមកជាល្អវិញជាក់ជាពុំខាន។ ក្រៅពីនេះបើលោកអ្នករង់ចាំការងារឬរង់ចាំប្រាក់កាសក៏តែងផ្តល់ផលល្អៗមកវិញមួយចំនួនផងដែរ។
ជំនួញ ៖ លោកអ្នកចេញធ្វើជំនួញទីជិតឆ្ងាយមិនថាផ្លូវគោកផ្លូវទឹកក្តីទោះចំណូលមិនច្រើនតែក៏មានភាពសុខដុមល្អ។
ស្នេហា ៖ កំលោះក្រមុំជួនត្រូវរ៉ូវជួនរកាំចិត្តមិនសូវទៀងទាត់នោះឡើយ៕
ឆ្នាំខាល
រាសីល្អជាមធ្យម។
ការងារ ៖ ក្នុងថ្ងៃនេះដំណើរជីវិតលោកអ្នកងាយជួបបញ្ហាមិនល្អយាយីដែលនាំពិបាកត្រូវឆ្លងកាត់ផងដែរ។
ជំនួញ ៖ របររកស៊ីជួញដូរមានការរីកលូតលាស់ទៅមុខគួរសមតែយ៉ាងណាលោកអ្នកគប្បីមានការប្រយ័ត្នប្រយែងចំពោះការឱ្យអតិថិជនជំពាក់ប្រាក់កាសបន្តិចព្រោះងាយត្រូវគេបោកប្រាស់ណាស់។ការធ្វើដំណើរឆ្ងាយជិតជួបភាពសុខដុមទាំងពេលទៅនិងត្រឡប់មកវិញ។
ស្នេហា ៖ កំលោះក្រមុំបើចង់ទុំមុនស្រគាលប្រយ័ត្នកើតរឿងធំគ្មាននរណាជួយកើត៕
ឆ្នាំថោះ
រាសីស្រុតចុះ។
ការងារ ៖ នៅថ្ងៃនេះលោកអ្នកបើចង់ប្រកបកិច្ចការងារឬចុះធ្វើអ្វីមួយគប្បីមានការប្រយ័ត្នប្រយែងបើពុំនោះទេផលអាក្រក់ងាយកើតជាងសព្វមួយដងផង។
ជំនួញ ៖ ការជួញដូរជួបផលលំបាកក្នុងការរកផលចំណូលហើយទាល់តែខិតខំខ្លាំងទើបអាចរកកម្រៃគ្រាន់ចិញ្ចឹមក្រពះទៅរួច។
ស្នេហា ៖ ប្រុសស្រីមានការខ្វាយខ្វល់ពីជីវិតអនាគតរបស់ខ្លួនរាប់រយជំពូកនិងភាពរកាំរកូស ក៏កើតមានច្រើនដែរ៕
ឆ្នាំរោង
រាសីខ្ពស់ត្រដែត។
ការងារ ៖ នៅថ្ងៃនេះផ្តល់ផ្តល់ផលល្អសម្រាប់ការចុះប្រកបការងារឬសម្រេចចិត្តអ្វីមួយផង។
ជំនួញ ៖ របររកស៊ីជួញដូរការទិញចូលលក់ចេញមានសភាពគ្រាន់រស់រវើកគួរសម ហើយបើចង់រកស៊ីចូលហ៊ុនជាមួយអ្នកដទៃក៏មានភាពល្អប្រសើរដែរតែត្រូវត្រួតពិនិត្យសមាសភាពឱ្យបានត្រឹមត្រូវប្រយ័ត្នត្រូវចាញ់បោកគេ។
ស្នេហា ៖ កំលោះក្រមុំឬពោះម៉ាយមេម៉ាយក្តីបើលោកអ្នកមិនទាន់មានគូគាប់ហើយចង់ទំនាក់ទំនងនរណាម្នាក់តែងជោគជ័យ៕
ឆ្នាំម្សាញ់
រាសីល្អជាមធ្យម។
ការងារ ៖ នៅក្នុងថ្ងៃនេះមានជោគមានជ័យ ហើយទោះធ្វើអ្វីក៏តែងមានការជឿនលឿនទៅមុខសន្សឹមៗផងដែរ។
ជំនួញ ៖ របររកស៊ីជួញដូរ ទោះលោកអ្នកធ្វើជំនួញទីជិតឆ្ងាយការរកផលកម្រៃឃើញថាមានភាពធូរស្បើយជាងមុនបន្តិចវិញហើយមុខរបរទៀតសោតក៏មានភាពសុខដុមល្អ។ ទាំងស្ត្រីបុរសមិនត្រូវឈ្លក់វង្វេងនឹងល្បែងស៊ីសងទ្បើយពីព្រោះនាំកើតឧបទ្រពចង្រៃដំណើរជីវិតកើតមានតែរឿងប្រទាំងប្រទើស។
ស្នេហា ៖ ប្រុសស្រីមានភាពផ្អែមល្ហែមនិស្រស់ស្រាយប្រពៃណាស់៕
ឆ្នាំមមី
រាសីស្រុតចុះ។
ការងារ ៖ ក្នុងថ្ងៃនេះមិនថាលោកអ្នកប្រកបការងារ ទិញផ្ទះសម្បែងធ្វើដំណើរឬធ្វើអ្វីទេចូរប្រយ័ត្នប្រយែងបន្តិច។សម្រាប់ក្នុងរង្វង់គ្រួសារស្ត្រីចូរចេះអត់ធ្មត់កិច្ចការងារផ្ទះសម្បែងបន្តិចបើពុំនោះទេនឹងកើតជម្លោះវិវាទណាមួយពុំខាន។
ជំនួញ ៖ របររកស៊ីជួញដូរ លោកអ្នកជួបរឿងខ្វាយខ្វល់ច្រើនព្រោះតែការធ្វើជំនួញទីជិតឆ្ងាយមិនសមដូចប្រកបទេច្រើនអង្គុយស្ងាបច្រើនជាង។
ស្នេហា ៖ ប្រុសស្រីមានការប្រែប្រូលប្តូរផ្លាស់ព្រោះជួនផ្អែមល្ហែម ជួនពាក់មុខខ្លាដាក់គ្នា៕
ឆ្នាំមមែ
រាសីស្រុតចុះ។
ការងារ ៖ ក្នុងថ្ងៃនេះដួងរាសីស្រុតចុះ ដូចនេះលោកអ្នកត្រូវធ្វើអ្វីសន្សឹមៗនោះនឹងទទួលបានផលមកវិញគ្រាន់ជាទីពេញចិត្តផង។អ្នកប្រកបការងាររាជការមិនគប្បីមានភាពរឹងរូសឬយកភាពមោហៈទោសៈដាក់ខ្លួនឡើយបើពុំនោះទេនឹងជួបរឿងរាវបង់ប្រយោជន៍ណាមួយជាក់ជាពុំខាន។
ជំនួញ ៖ របររកស៊ីជួញដូរក្នុងថ្ងៃនេះពុំផ្តល់ផលល្អក្នុងការបណ្តាក់ទុនធំប៉ុន្មានឡើយគួរមានការគិតគូរឱ្យបានគ្រប់ជ្រុងជ្រោយមុនធ្វើអ្វីមួយព្រោះបើបោះទុនទៅហើយមិនងាយដកទុនមកវិញឡើយហើយស្រួលមិនស្រួលកប់ដើមសូន្យឈឹងតែម្តង។
ស្នេហា ៖ កំលោះក្រមុំឬពោះម៉ាយមេម៉ាយក្តីមានការហួងហែងនិងម្នាក់ៗយកភាពប្រចែប្រច័ណ្ឌដឹកមុខនាំឱ្យល្អក់កករផ្លូវចិត្តច្រើន ៕
ឆ្នាំវក
រាសីខ្ពស់ត្រដែត។
ការងារ ៖ ក្នុងថ្ងៃនេះលោកអ្នកគប្បីបើកចិត្តឱ្យទូលាយ ហើយធ្វើអ្វីមានការអំណត់តស៊ូនោះតែងទទួលជោគជ័យដូចជាទីពេញចិត្តត្រឡប់មកវិញ។
ជំនួញ ៖ របររកស៊ីជួញដូរលោកអ្នកបើចង់បើកហាងថ្មីឬផ្លាស់ទីកន្លែងលក់ដូរជាឱកាសល្អប្រពៃណាស់ព្រោះថាអាចឆ្លើយតបផ្លែផ្កាដូចជាទីគាប់ចិត្តមកវិញជានិច្ច។ការធ្វើដំណើរឆ្ងាយជិតជួបសេចក្តីសុខក្សេមក្សាន្តដូចសព្វមួយដង។
ស្នេហា ៖ កំលោះក្រមុំឬពោះម៉ាយមេម៉ាយក្តីបើចង់ចូលស្តីដណ្តឹងគឺជាឱកាសល្អប្រពៃបំផុត៕
ឆ្នាំរកា
រាសីស្រុតចុះ។
ការងារ ៖ នៅថ្ងៃនេះបើទោះបីដួងរាសីស្រុតចុះ ប៉ុន្តែក៏លោកអ្នកអាចប្រកបការងារសំខាន់បានដែរគ្រាន់តែប្រយ័ត្នប្រយែងប៉ុណ្នោះ។លោកអ្នកកុំគប្បីឆាប់ជឿពាក្យសម្តីជនខិលខូចចាក់ដោតឱ្យសោះពុំនោះទេគម្រោងការងារផ្សេងៗអាចត្រូវរលត់រលាយសាបសូន្យទៅវិញពុំខាន។
ជំនួញ ៖ របររកស៊ីជួញដូរជួបស្ថានភាពតានតឹងពីផលចំណូលហើយក្នុងក្រុមគ្រួសារទៀតសោតក៏មានបញ្ហាច្រើនដែរ។
ស្នេហា ៖ កំលោះក្រមុំត្រូវចៀសវាងការប្រមាថឬមើលផ្លូវអាក្រក់ដល់គ្នាព្រោះនាំកើតជម្លោះវិវាទប៉ុណ្ណោះ៕
ឆ្នាំច
រាសីល្អជាមធ្យម។
ការងារ ៖ ក្នុងថ្ងៃនេះបញ្ហាការងារនិងប្រាក់កាសមិនចោទជាបញ្ហាទេនិងបើមានការឈ្មុសឈ្មុលតែងជួបសេចក្តីសម្រេចដូចគាប់បំណង។
ជំនួញ ៖ ររបររកស៊ីជួញដូរវិញជួបការលំបាកក្នុងការរកផលចំណូលបន្តិចព្រោះតែងមានការប្រជែងគ្នាច្រើន ហើយពិសេសប្រយ័ត្នមានជម្លោះវិវាទព្រោះតែការដណ្តើមអតិថិជនគ្នា។
ស្នេហា ៖ កំលោះក្រមុំមានការឆាប់ប្រទាំងប្រទើសគ្នាបន្តិចដូចនេះចូរប្រយ័ត្នកើតជម្លោះវិវាទណាមួយឡើង៕
ឆ្នាំកុរ
រាសីខ្ពស់ត្រដែត។
ការងារ ៖ នៅក្នុងថ្ងៃនេះអារម្មណ៍ភ្លឺថ្លា ហើយបើទោះបីធ្វើអ្វីក៏តែងហុចផលល្អៗមកវិញគ្រាន់បើផង។
ជំនួញ ៖ សម្រាប់លោកអ្នកបណ្តាក់ទុនរកស៊ីដោយអាចមានការចម្រើនលូតលាស់ដូចពាក្យចាស់ថា”ដាក់ចុះរីកដុះដាលតាមដៃ”ផងដែរ។ការធ្វើដំណើរឆ្ងាយជិតមានភាពសុខដុមទាំងពេលទៅនិងត្រឡប់មកវិញ។
ស្នេហា ៖ កំលោះក្រមុំបើចង់ផ្សំផ្គុំគ្រួសារ ដោយចូលនិយាយដល់ចាស់ទុំឬសាសងស្នេហាថ្មីថ្មោងតែងសមដូចគាប់បំណងជានិច្ច៕
