បរទេស៖ ដោយសារតែក្តីស្រឡាញ់ចំពោះកូន ឪពុកម្តាយអាចធ្វើអ្វីៗគ្រប់យ៉ាងទោះបីជាវាចម្លែក សម្រាប់ភ្នែកអ្នកដទៃក៏ដោយ។ ប៉ុន្មានថ្ងៃនេះ ឃើញថាអាកាសធាតុក្តៅខ្លាំង ធ្វើឲ្យឪពុកម្តាយជាច្រើនមានការព្រួយបារម្ភជាខ្លាំងអំពីសុខភាពកូនៗរបស់ពួកគេ ក្នុងនោះសូម្បីតែទារកជាច្រើនក៏ពុំអាចដេកបានផងដែរ។ ពិតមែនហើយ សម្រាប់គ្រួសារដែលផ្ទះរបស់ពួកគេមានលក្ខណៈស្តង់ដារ នោះការតំឡើងម៉ាស៊ីនត្រជាក់ ជារឿងធម្មតា ប៉ុន្តែ សម្រាប់ផ្ទះអ្នកក្រ គឺពុំសមស្របក្នុងការដំឡើងសម្រាប់ម៉ាស៊ីនត្រជាក់នោះទេ។
ទាក់ទងនឹងរឿងនេះ ឪពុកម្នាក់បានសរសេរនៅលើបណ្តាញសង្គមថា៖ «នៅក្នុងរដូវក្តៅនេះ កម្តៅថ្ងៃគឺក្តៅដូចភ្លើងឆេះអ៊ីចឹង ។ រៀងរាល់យប់ កូនៗរបស់ខ្ញុំបានត្អូញត្អែរថាក្តៅណាស់ លឺបែបនេះ ខ្ញុំជាឪពុកម្តាយ មិនដឹងថាអាចធ្វើអ្វីបាន គឺមានតែលួចសម្រក់ទឹកភ្នែកប៉ុណ្ណោះ ។ ទោះយ៉ាងណា ឥឡូវនេះ ខ្ញុំបានទិញម៉ាស៊ីនត្រជាក់សម្រាប់កូនៗរបស់ខ្ញុំហើយ ដើម្បីឲ្យពួកគេអាចគេងលក់ស្រួល ។ រីឯចំណីអាហារឆ្ងាញ់ៗ ចាំគិតនៅពេលក្រោយទៀត»។
តាមរយៈរូបភាព នោះឃើញថា លក្ខខណ្ឌមិនគ្រប់គ្រាន់ ដើម្បីរេរាំងភាពត្រជាក់ក្នុងផ្ទះដ៏ល្ហល្ហេវបែបនេះ ដោយតម្រូវយកតង់មកបាំងភ្ជិតជុំវិញ គឺមើលទៅពិតជាគួរឲ្យអស់សំណើចជាខ្លាំង។
ប៉ុន្តែ បើទោះជាការដំឡើងម៉ាស៊ីនត្រជាក់នៅក្នុងលំហផ្ទះល្ហល្ហេវ មិនមែនឥទ្ធិពលត្រជាក់យ៉ាងណាក៏ដោយ ក៏ទង្វើនៃក្តីស្រឡាញ់ដ៏ធំធេងរបស់ឪពុកម្តាយចំពោះកូនមួយនេះ ខណៈស្ថិតក្នុងស្ថានភាពសេដ្ឋកិច្ចក៏ធ្លាក់ចុះទៀតផងនោះ បានធ្វើឲ្យគ្រប់គ្នានៅក្នុងបណ្តាញសង្គមកោតសរសើរ និងរំជួលចិត្តយ៉ាងខ្លាំង៕
ប្រែសម្រួល៖ លឹម ហុង (ប្រភព៖ soha.vn)