ភ្នំពេញ- តារាចម្រៀង អេឡិច ចាន់ត្រា មួយរយៈចុងក្រោយនេះមើលទៅដូចជារាសីឡើង នឹងកាក់កបជាងមុន ព្រោះបើមើលតាមបណ្តាញសង្គមហ្វេសប៊ុក គេសង្កេតឃើញថា តារាប្រុសកូនកាត់ចិន អេឡិច មានការងារច្រៀងពេលរាត្រីស្ទើរតែរាងរាល់ថ្ងៃ ជាមួយនឹងក្រុមចម្រៀង ដែលរៀបចំឡើងដោយលោកផ្ទាល់ឈ្មោះ ថា Alex Entertaiment។
ក្រុម Alex Entertaiment ប្រមូលផ្តុំដោយតារាចម្រៀងប្រុស-ស្រីល្បីឈ្មោះជាច្រើននាក់ ជួបជុំគ្នា និងបញ្ចេញស្នាដៃចម្រៀងសុទ្ធតែអ្នកមានទេពកោសល្យ សំលេងពិរោះ បានធ្វើឲ្យកេរ្តិ៍ឈ្មោះ Alex Entertaiment រីកសុះសាយពីមួយថ្ងៃទៅមួយថ្ងៃ។ ដូច្នេះហើយទើបធ្វើឲ្យអេឡិច ចាន់ត្រា រីកមុខដូចគ្រាប់ជី ទទួលការងារទាំងញញឹមខ្ជឹប រហូតពេលខ្លះស្ទើរតែគ្មានកំលាំងទៅផង ព្រោះតែការងាររត់ជាប់ៗគ្នា គ្មានលោះថ្ងៃ។
បើងាកមកសិល្បៈវិញ មួយរយៈនេះ អេឡិច ក៏មិនសូវបង្ហាញវត្តមានតាមកញ្ចក់ទូរទស្សន៍ដែរ ព្រោះតែរូបគេនៅជាប់រវល់នឹងការងារផ្ទាល់ខ្លួន ដែលត្រូវរៀបចំអ្នកចម្រៀង ទៅតាមក្រុមភ្លេងដើម្បីចូលរួមក្នុងពិធីមង្គលការជប់លៀងផ្សេងៗ ដែលបានពេញចិត្តនឹងអញ្ជើញក្រុម Alex Entertaiment ទៅច្រៀងកំដរក្នុងពិធីផ្សេងៗ៕ ដោយ-គីម ស្រីរ័ត្ន
