ថ្មីៗនេះ មានការរិះគន់យ៉ាងចាស់ៗដៃតែម្តង ទៅលើបទចម្រៀងបែបកន្ទ្រឹមមួយបទ មានចំណងជើងដ៏ញាក់សាច់ថា «កន្តៀវស្រួយ» ។ ព្រោះថាបទចម្រៀងនេះ ទាំងចំណងជើង និង Melody ទាំងស្រុង ចេញមក គឺបង្កប់ន័យស៊ីអារម្មណ៍ ពោលគឺវិលទៅវិលមក មិនឆ្ងាយពីការសំដៅទៅលើរឿងអាសអាភាសនោះទេ។
ជាមួយគ្នានេះផងដែរ តាមរយៈផេកហ្វេសប៊ុកឈ្មោះ HahahaSabay បានរិះគន់យ៉ាងចាស់ៗដៃថា៖ «មិចក៏ទៅជាឡប់លែងចេះខ្មាសអៀនអីចឹង? ចំណងជើងហ្នឹងមានន័យថាម៉េច? “កណ្តៀវអូនស្រួយ” ខ្លួនជាស្រីផង ហារច្រៀងកើតដែរ? វាគ្មានន័យក្នុងភាសាខ្មែរណាដែលត្រូវរៀបរាប់ពាក្យកណ្តៀវស្រួយ កណ្ដៀវរឹងស្អីហ្នឹងទេ ចេតនាអ្នកនិពន្ធគ្មានអីក្រៅពីចង់សំដៅទៅន័យគ្រលាស់ហ្នឹងឯង។ ឥឡូវខ្ញុំគ្រលាស់ឲ្យអស់ ដើម្បីញ៉ុកឲ្យដល់កន្លើតអ្នកចម្រៀង។ (កញ្តៀវស្រួយ=កណ្តួយស្រៀវ), (កណ្តៀវអូនស្រួយ=កណ្តួយអូនស្រៀវ) យ៉ាងម៉េចដែរ? ខ្លួនជាស្រី កោដតែច្រៀងកើត។ បើខ្ញុំជាអ្នកចម្រៀង ខ្ញុំសួរអ្នកនិពន្ធភ្លាម ហេតុអីនិពន្ធបទបែបនេះឲ្យខ្ញុំច្រៀង? ខ្ញុំដាច់ខាតមិនច្រៀង! បើអ្នកមិនព្រមយើងឈប់រួមអាជីពជាមួយគ្នាទៅ។» ។
ដោយឡែក គណនីហ្វេសប៊ុកលោក Vann Saray បានបង្ហោះសាររិះគន់ទាំងហួសចិត្តដែរថា៖ «មិនដឹងជាអ្នកនិពន្ធអីគេទេ? វិលៗក្បែរហ្នឹងហ្មង! ពាក្យខ្មែរមានតែបាយស្រួយ ឬនំក្តៅស្រួយ ដល់ពេលកណ្តៀវស្រួយដូចជាមិនមានទេ។ មើលទៅមិនត្រឹមឱ្យគាត់បិទទេ គួរតែមានការពិន័យផង។» ។
គួររំលឹកថា កន្លងមក ក្រសួងវប្បធម៌ធ្លាប់បានចេញវិធានការហាមជាបន្ទាន់រួចហើយ ចំពោះទង្វើនៃការនិពន្ធបទដ៏គ្មានសុជីវធម៌លក្ខណៈអាសអាភាសបែបៗនេះ។ ដោយឡែកសម្រាប់បទចេញថ្មីដ៏ញាក់សាច់នេះវិញ ចាំមើលតើក្រសួងនឹងមានចំណាត់ការយ៉ាងណា?៕ ដោយ៖ លឹម ហុង