ភ្នំពេញ-ទស្សនិកជនជាច្រើនមានការខកចិត្តមិនតិចទេ ជាមួយនឹងការជម្រុះបេក្ខភាព ចេញពីកម្មវិធី Cambpdian Idol កាលពីរាត្រីថ្ងៃសុក្រ ទី២៦ មករា ដែលមានបេក្ខជនមានទឹកដមសំលេងល្អជាច្រើននាក់បានធ្លាក់ចេញ។
ក្នុងនោះបេក្ខភាពមួយរូប លោក វង្ស ថាណាន់ ដែលមានទឹកដមសំលេងល្អដែលអ្នកទស្សនា មានការមិនអស់ចិត្តនឹងវគ្គជម្រុះនេះ ព្រោះបើតាមការស្តាប់បទចម្រៀង មួយបទ ដែលបកស្រាយដោយ វង្ស ថាណាន់ នឹងដៃគូ មានចំណងជើងថា “ទឹកហូរ” នោះស្តាប់ទៅសំលេងនៅតែមានទឹកដម នឹងរក្សាបាននូវគោលការរបស់គណៈកម្មការ តែលោក មិនត្រូវបានទៅបន្តទៀតនោះទេ ព្រោះថា មានបេក្ខភាពជាច្រើនរូបទៀត ក៏មានសមត្ថិភាពសំលេងល្អច្រើនជាងលោកដែរ។
ចំពោះគណៈកម្មការលោក ព្រាប សុវត្ថិ បានលើកថា សំឡេងរបស់ ថាណាន់ គឺខ្លាំងធ្វើបានល្អ ប៉ុន្តែការប្រើស្ទីលមិនទាន់ត្រូវបែបបទនៃបទ នឹងហើយមានបញ្ហប៉ារ៉ូលបន្តិច។ ដោយឡែកលោក ណុប បាយ៉ារិទ្ធ និងលោក ឆន សុវណ្ណរាជ បានបង្ហាញពីចំណាប់អារម្មណ៍ពេញចិត្តចំពោះការខិតខំប្រឹងប្រែង និងទឹកដមសម្លេងរបស់ ថាណាន់ និងដៃគូ។ តែយ៉ាងណាពិតជាសោកស្ដាយ ចំពោះលទ្ធផលដែល ថាណាន់ មិនអាចឈានទៅវគ្គបន្តបាន៕ ដោយ-គីម ស្រីរ័ត្ន
