ភ្នំពេញ៖ អាសូរណាស់ យុវជនម្នាក់ជិះម៉ូតូត្រូវរថយន្ដមិនចាំម៉ាកបុកបណ្ដាលឲ្យអូសប្រហែល១០ម៉ែត្រ បោកក្បាលស្លាប់ ចំណែកឯរថយន្ដបង្កបើកគេចខ្លួនបាត់ស្រមោលដោយធ្លាក់កាងរថយន្ដនិងផ្លាកលេខនៅកន្លែងកើតហេតុ។ ហេតុការណ៍គ្រោះថ្នាក់ដ៏រន្ធត់មួយនេះបង្កឲ្យមានការភ្ញាក់ផ្អើលកាលពីវេលាម៉ោង២ និង០០នាទីរំលងអធ្រាត្រ ឈានចូលថ្ងៃទី២៣ ខែមិថុនា ឆ្នាំ២០២០ ស្ថិតតាមបណ្ដោលផ្លូវ២៤០ កែងនឹងផ្លូវព្រះនរោត្តម ក្នុងសង្កាត់ចតុមុខ ខណ្ឌដូនពេញ។
ជនរងគ្រោះភេទប្រុស( ស្លាប់)មិនមានអត្តសញ្ញាណនោះទេ។
បើយោងតាមប្រភពពីកន្លែងកើតហេតុបានប្រាប់ថាមុនពេលកើតហេតុគេយុវជនម្នាក់បានជិះម៉ូតូម៉ាកហុងដាសង់ឌ្រីមស៊េរី២០២០ មួយគ្រឿងពណ៌ខ្មៅ ពាក់ផ្លាកលេខកំពង់ចាម 1X-8816 ដែលបានធ្វើដំណើរតាមបណ្ដោយផ្លូវព្រះនរោត្តម ទិសដៅពីជើងមកត្បូងក្នុងល្បឿនលឿន លុះមកដល់ចំណុចកើតហេតុក៏មានរថយន្ដមិនចាំម៉ាកបានធ្វើដំណើរតាមបណ្ដោយផ្លូវ២៤០ក្នុងទិសដៅពីកើតមកលិចក្នុងល្បឿនលឿនដូចគ្នាពេលនោះក៏បានបើកបុកម៉ូតូចំពីចំហៀងពេលទំហឹងបណ្ដាលឲ្យអូសប្រហែល១០ម៉ែត្របោកក្បាលស្លាប់យ៉ាងអាណោចអាធ័ម ចំណែកឯរថយន្ដបានធ្លាក់កាងនិងផ្លាកលេខនៅកន្លែងកើតហេតុ ភ្នំពេញ1L-8836។
ក្រោយកើតហេតុសមត្ថកិច្ចមូលដ្ឋានបានទំនាក់ទំនងទៅសមត្ថកិច្ចជំនាញចុះមកវាស់វែងយក ចំណែកសពជនរងគ្រោះសមត្ថកិច្ចធ្វើកំណត់ហេតុរួចយកទៅតម្កល់ទុកក្នុងវត្តរង់ចាំសាច់ញាតិមកទទួលយកទៅធ្វើបុណ្យតាមប្រពៃណី៕ ដោយភត្រា និងសាម៉េត
