ភ្នំពេញ៖បុរសជាជនជាតិចិនម្នាក់សង្ស័យស្រវឹងស្រាបើករថយន្ដពន្លះក្បាលនាគថ្ម ពុះចែកទ្រូងផ្លូវក្នុងបរិវេនកោះពេជ្រ បណ្ដាលឲ្យរងការខូចខាតខ្ទេចរថយន្ដទាំងស្រុងតែម្ដងនិងរងរបួសកៃកុងគាបជាប់ត្រូវបានរថយន្ដសង្គ្រោះបន្ទាន់ដឹកទៅមន្ទីរពេទ្យកាល់ម៉ែតភ្លាមៗ។ ហេតុការណ៍នេះកើតឡើងកាលពីវេលាម៉ោង៣ និង៥០នាទីរំលងអធ្រាត្រ ឈានចូលថ្ងៃទី២៦ ខែមិថុនា ឆ្នាំ២០២០ ត្រូងចំណុចត្រង់ចំណុចស្ពានឥន្ធនូ ក្នុងសង្កាត់ទន្លេបាសាក់ ខណ្ឌចំការមន រាជធានីភ្នំពេញ។
បើយោងតាមប្រភពព័ត៌មានពីសន្តិសុខនៅកន្លែងកើតហេតុបានប្រាប់ឲ្យដឹងថាមនុពេលកើតហេតុគាត់រថយន្ដទំនើបមួយគ្រឿងម៉ាកស្តាររិច ពណ៌ខ្មៅពាក់ផ្លា កលេខភ្នំពេញ 2AZ-3557 បើកបរដោយជនជាតិចិនសង្ស័យស្រវឹងស្រាបានធ្វើដំណើរក្នុងទិសដៅពីកើតមកលិចក្នុងល្បឿនលឿនដូចហោះ ខណៈពេលមកដល់ចំណុចកើតហេតុបានបង្ហោះរថយន្ដទៅបុកនឹងក្បាលនាគពុះចែកទ្រូងផ្លូវក្នុងបរិវេនផ្លូវកោះពេជ្រ បាក់អស់ចំនួន២កង់និងប្រេះទ្រូងផ្លូវប្រហែល១៥ម៉ែត្រ ចំណែករថយន្ដខ្ទាតក្រឡាប់ជាង២០ម៉ែត្ ររងការខូចខាតខ្ទេចទាំងស្រុងតែម្ដង។
ក្រោយកេីតហេតុសមត្ថកិច្ចចុះទៅដល់ចំណុចកេីតហេតុធ្វេីការវាស់វែងយករថយន្តដែលបង្កឲ្យយកទៅការិយាល័យចរាចរណ៍ជេីងគោកនៃស្នងការរាជធានីភ្នំពេញរង់ចាំដោះស្រាយតាមច្បាប់៕ ដោយ៖ភត្រា និងសាម៉េត
