ភ្នំពេញ ៖ ស្ដ្រីពោះធំបីខែម្នាក់មិនដឹងមានវិបត្ដិអ្វីនោះទេ បានសម្រេចចិត្តលោតពីលើអគារជាន់ទី៦ ធ្លាក់ទើរមកជាន់ទី៣ បណ្ដាលឲ្យស្លាប់។ ហេតុការណ៍នេះឲ្យមានការភ្ញាក់ផ្អើល ដល់បងប្អូនប្រជាពលរដ្ឋកាលពីវេលាម៉ោង១១ និង៥០នាទី ថ្ងៃទី២៦ ខែមិថុនា ឆ្នាំ២០២០ ដែលស្ថិតតាមបណ្ដោយផ្លូវ ២១១ ក្នុងសង្កាត់វាលវង់ ខណ្ឌ៧មករា រាជធានីភ្នំពេញ។
បើយោងតាមប្រភពព័ត៌មានពីប្រជាពលរដ្ឋបានឲ្យដឹងថា មុនពេលកើតមុនពេលកើតហេតុគេឃើញក្រុមគ្រួសារស្ដ្រីខាងលើមានការជួបជុំគ្នា បានប្រហែលមួយសន្ទុះក្រោយមកក៏ស្ដ្រីខាងលើមិនដឹងមានរឿងអ្វីបានលោតពីលើអគារជាន់ទី៦ មកទើរនៅជាន់ទី៣ បណ្ដាលឲ្យស្លាប់មុនបញ្ជូនទៅមន្ទីរពេទ្យយ៉ាងអាណោចអាធ័ម។
ក្រោយពេលកើតហេតុសមត្ថកិច្ចក៏ចុះមកដល់ចំណុចកើតហេតុបានធ្វើការទាក់ទងខាងជំនាញកោសល្យវិច័យរួចក៏ប្រគល់សពឲ្យសាច់ញាតិ ក្រុមគ្រួសារយកទៅធ្វើបុណ្យតាមប្រពៃណី៕ ដោយ៖ ភក្ត្រានិងសាម៉េត