ភ្នំពេញ÷ យុវជនមួយក្រុមជិះម៉ូតូទើបតែចេញពីខួបកំណើតគេនៅម្តុំក្រោយមន្ទីរពេទ្យលោកសង្ឃពេលដែលត្រឡប់មកផ្ទះវិញត្រូវបានជនសុីវិលមួយក្រុមទៀតធ្វើសកម្មភាពដេញវាយនឹងយកមួកគប់ទៅលើក្មេងប្រុស និងស្រីដែលទើបនិងចេញពីកម្មវិធីខួបកំណើតនោះធ្វើឲ្យផ្អើលសមត្ថកិច្ច ខណ្ឌ៧ មករា។
ហេតុការណ៍នេះបានកើតឡើងនៅវេលាម៉ោង១១នឹង៣០នាទីយប់ ថ្ងៃទី១ ខែកក្កដាឆ្នាំ ២០២០ នៅតាមបណ្តោយផ្លូវ ១៦១ ក្នុងសង្កាត់អូរឬស្សីទី ២ ខណ្ឌ ៧មករា រាជធានីភ្នំពេញ។
បើយោងតាមប្រភពព័ត៌មានពីជនរងគ្រោះម្នាក់មានឈ្មោះបុី សុខលាប ភេទប្រុស អាយុ២០ឆ្នាំ មានមុខរបរជាសិស្សថ្នាក់ទី១១ នៅវិទ្យាល័យបាក់ទូក ដែលមានទីលំនៅក្នុងសង្កាត់អូរឬស្សីទី ២ ខណ្ឌ៧មករា នោះបានឲ្យដឹងថាមុនពេលកើតហេតុ ខ្លួនបានធ្វើខួបកំណើតជាមួយនិងមិត្តភក្តិ ប្រហែលជា៦ ទៅ៧នាក់នៅម្តុំខាងក្រោយមន្ទីរពេទ្យលោកសង្ឃរួចពេលដែលចប់កម្មវិធីពួកគេបាននាំគ្នាជិះម៉ូតូមាន ប្រុស មានស្រីត្រឡប់មកវិញគោលបំណងទៅផ្ទះនៅឯម្តុំផ្សារអូរឬស្សីនឹងមានមិត្តភក្តិ រួមដំណើជាមួយគ្នាផងដែរនៅតាមបណ្តោយផ្លូវ១៨២ ក្នុងទិសដៅ ពីលិច ទៅកើតហើយស្រាប់តែភ្លាមនោះលេចមុខជនបង្កមួយក្រុមទៀត ដែលជនរងគ្រោះបានអះអាងថាពួកគេទាំងនោះគឺជាក្រុមសុីវិលរបស់ប៉ូលិសមានម៉ូតូ XR មួយគ្រឿងនិងម៉ូតូ ៥ ទៅ ៦ គ្រឿងទៀតមកជាមួយផងដែរ ហើយបានធ្វើសកម្មភាពដោះមួកយកទៅគប់ហើយ និងដោះខ្សែក្រវ៉ាត់ដេញវាយតាំងពីក្រោមស្ពានមុខផ្សារអូឡាំព្យារហូតទៅដល់ច្រកផ្លូវ១៦១ ហើយភ្លាមៗនោះដែរខាងសមត្ថកិច្ចមូល ដ្ឋាននិងខាងអន្តរាគមន៍ពិសេសចុះមកធ្វើ ការឃាត់ខ្លួនយកទៅប៉ុស្តិ៍នគរបាលអូឬស្សីទី២ដើម្បីសាកសួរនាំបន្តែមរឿងហេតុការខាងលើនោះផងដែ។
ក្រោយពេលកើតហេតុសមត្ថកិច្ចឲ្យជនរងគ្រោះទៅដាក់ពាក្យបណ្តឹងដើម្បីងាយស្រួលឲ្យសមត្ថកិច្ចតាមស្រាវជ្រាវចាប់ជនបង្ករទាំងនោះយកមកផ្តន្ទាទោសទៅតាមផ្លូវច្បាប់ផងដែ៕ ដោយ៖ សាមេត
