អភិបាលរាជធានីភ្នំពេញ បើកកិច្ចប្រជុំអំពីលទ្ធផលក្នុងការស្តារលូ ក្នុងខណ្ឌទាំងបួន រយៈពេលបីសប្តាហ៍កន្លងមកនេះ កិច្ចប្រជុំត្រួតពិនិត្រអំពីលទ្ធផលការស្តាលូ និងប្រឡាយនៅរាជធានីភ្នំពេញ ស្របទៅតាមយុទ្ធនាការស្តាលូ ចំនួនជាង ៤០០ គីឡូម៉ែត្រ ដែលចាប់ផ្តើមនឹងដើម ខែមករា 2018 រហូតអោយបានអស់នឹងចប់ មុនរដូវវស្សានឹងមកដល់នៅប៉ុន្មានខែខាងមុខនេះ នៅល្ងាចទី ២៩ ខែមករា ឆ្នាំ២០១៨ លោក អភិបាលរាជធានី បានដឹកនាំកិច្ចប្រជុំដែលមានការចូលរួមពីមន្ទីរជំនាញ ក៏ដូចជាបណ្តាខណ្ឌពាក់ព័ន្ធនឹងចំនួនការស្តារលូ នៅក្នុងរាជធានីភ្នំពេញ ជាលទ្ធផលរយះពេលបីសប្តារហ៍ដែលរាប់ចាប់ថ្ងៃទី ១៨ ខែមករា មកការងារស្តារលូ ក៏ដូចជាមន្ទីរសាធារណការ និងដូចជាខណ្ឌទាំងបួន ដូនពេញ ចំការមន ទួលគោក ធ្វើការរួមគ្នាស្តារលូសំរេចបានលទ្ធផល ចំនួន ៥៧ គីឡូម៉ែត្រ លើលូចំនួន ៥៧ ខ្សែ ដែល ៥៧ គីឡូម៉េត្រនេះ ស្មើនឹង ១៤% នៃចំនួននៃប្រវែងលូដែលត្រូវស្តារសរុបក្នុងផែនការរួម៤១៨គីឡូម៉ែត្រ ។
ទាំងនេះសូមគូសបញ្ជាក់ផងដែរ តួលេខពីមុនក្នុងការស្តារលូប្រវែងសរុប ៤៦០ម៉ែត្រ ប៉ុន្តែក្រោយមកក្រុមការងារបានចុះពិនិត្រទីតាំងផ្ទាល់ ព្រមទាំងលូមួយចំនួនជាលូថ្មី ដែលពុំមានបញ្ហាតំរូវការក្នុងការស្តារនោះទេ បានថយរហូតទៅដល់៤០គីឡូម៉ែត្រ ហើយជាផែនការរួមថ្មី យើងកំពុងស្តារលូប្រវែងសរុបជាង៤១៨គីឡូម៉ែត្រ ហើយមកដល់ថ្ងៃទី ២៩ ក្នុងរយះពេលបីសប្តាហ៍នេះ គឺយើងទទួលបាន ១៤% ហើយ ចឹងទេយើងនឹងរំពឹងក្នុងការងារនេះ ចប់បានទាន់ពេលវេលាតបតាមផែនការដែលបានគ្រោងទុក ។
ជាកិច្ចការបន្តឯកឧត្តមអភិបាលបានផ្តាំផ្ញើនឹងជំរុញ និងថ្លែងអំណរគុណដល់មន្ទីរជំនាញ ក៏ដូចជា និងខណ្ឌដែលបានយកចិត្តទុកដាក់ការស្តារលូ ហើយធ្វើយ៉ាងណាយើងត្រូវត្រៀមរំដោះបញ្ហាទឹកលិច ដោយទឹកភ្លៀងក្នុងរដូវវស្សាខាងមុខនេះ ហើយបានសុំណូមពរអោយមន្ទីរជំនាញពាក់ព័ន្ធ និងខណ្ឌរួមគ្នាបន្តអនុវត្តន៍ការងារនេះ អោយបានជាប់លាប់ និងរួមរាន់គ្រប់គ្នា ។ បន្តពីការងារស្តារលូ និងមានការរៀបចំប្រឡាយ ហើយមន្ទីរសាធារណការបានធ្វើរបាយការណ៍អំពីកិច្ចការប្រឡាយមួយចំនួន រួមមានប្រឡាយ ស្ទឹងមានជ័យ ហើយប្រឡាយស្ទឹងមាននេះគឺយើងបានស្តារតាំងពីកំឡុងដើមខែធ្នូ ឆ្នាំ ២០១៧ ហើយនឹងស្តារបាន ១០០% ដែលយើងរាប់ចាប់ពីស្ពានស្ទឹងមានជ័យ រហូតដល់ស្ថានីយ៍បឹងទំពុន ដែលមានលទ្ធផលក្នុងការស្តានេះ ក្រុមការងារបានស្តារ៥៤០០ម៉ែត្រគីប នៃសំរាមក៏ដូចជាភួក់ សំណល់រឹងផ្សេងៗត្រូវបានចាក់ចូល ឫក៏បោះចូលទៅក្នុងប្រឡាយកន្លងមក ចឹងទេការងារប្រឡាយស្ទឹងមានជ័យ ពីកំណាត់ក្រោមស្ពាន រហូតទៅដល់ស្ថានីយ៍បូមទឹកបឹងទំពុន គឺបានស្តារ ១០០% រួចហើយ ។ ហើយដោយឡែកប្រឡាយមួយទៀត គឺប្រឡាយផ្លូវរថភ្លើង ដែលការងារស្តារនោះ គឺដើម្បីរំដោះ ទឹកលិចលង់ក្នុងសាលាក្តីខ្មែរក្រហម គឺយើងចាប់ផ្តើមស្តារ ៤០០ ម៉ែត្រ នឹងកំពុងជំរុញធ្វើយ៉ាងណា អោយការងារស្តារនេះបានលឿន និងល្អប្រសើរ ដើម្បីជំលៀសដោះស្រាយបញ្ហាក្នុងការលិចលង់ទឹកនេះ ក្នុងសាលាក្តីខ្មែរក្រហម។
ជាចុងក្រោយផ្សាភ្ជាប់ជាមួយនឹងលទ្ធផលការដែលអាជ្ញាធរ គ្រប់មន្ទីរជំនាញពាក់ព័ន្ធបានធ្វើដើម្បីរំដោះបញ្ហាមួយចំនួន ពាក់ព័ន្ធនឹងបញ្ហាទឹក និងលូ ប្រឡាយគឺ សូមធ្វើការអំពាវ សូមអោយបងប្អូនប្រជាពលរដ្ឋអោយមានការចូលរួម ហើយនឹងបញ្ឍប់សំរាប់បងប្អូនប្រជាពលរដ្ឋមួយចំនួន ដែលធ្លាប់តែកន្លែងមក មានទំលាប់ក្នុងកាបោះសំរាម ឫកាកសំណល់រឹងផ្សេងៗ ចូលក្នុងប្រឡាយនេះ ស្នើអោយសុំឈប់ជាបន្ទាន់ ហើយចូលរួមសហការគ្នាជាមួយអាជ្ញាធរ និងសម្ថកិច្ច ព្រមទាំងមន្ទីរជំនាញពាក់ព័ន្ធ សំដៅធ្វើយ៉ាងអោយរាជធានីយើងនូវការកាត់បន្ថយ និងរំដោះបញ្ហាការលិចលង់ទឹកភ្លៀងនៅក្នុងរដូវវស្សាឆ្នាំក្រោយ៕ ដោយ៖កូឡាប
