ខេត្តព្រះសីហនុ ៖ រដ្ឋបាលខេត្តព្រះសីហនុ បាន ប្រារព្ធពិធីបុណ្យមាឃបូជា ដើម្បីរំលឹកដល់ថ្ងៃ ព្រះសម្មាសម្ពុទ្ធ ព្រះបរមគ្រូ ទ្រង់ដាក់ព្រះជន្មាយុសង្ខារ ចំពោះបុព្វហេតុ ២យ៉ាង៖ ទ្រង់ធ្វើចតុរង្គមហាសន្និបាត និង ទ្រង់ដាក់ព្រះជន្មាយុសង្ខារ។
បុណ្យមាឃបូជា គឺជាបុណ្យមួយ ក្នុងបណ្ដាបុណ្យធំៗទាំងឡាយ ក្នុងព្រះពុទ្ធសានា ដែលប្រទេសកាន់ព្រះពុទ្ធសាសនា លើពិភពលោក តែងតែប្រារព្វធ្វើពុំដែលអាក់ខានឡើយជារៀងរាល់ឆ្នាំ។
ពិធីបុណ្យនេះរៀបចំឡើង ដើម្បីរំលិកដល់ថ្ងៃ ជាមហាមង្គលទាំងពីរ នៃព្រះសម្មាសម្ពុទ្ធបរមគ្រូ ដែលទ្រង់ប្រកាសដាក់ព្រះជន្មាយុសង្ខារផង និងថ្ងៃប្រជុំចតុរង្គមហាសន្និបាត នៃព្រះអរហន្តទាំង ១២៥០អង្គផង។
ងាកមកខេត្តព្រះសីហនុឯណោះវិញ ឆ្នាំនេះ រដ្ឋបាលខេត្តដឹកនាំដោយ ឯកឧត្តម យន្ត មីន អភិបាល នៃណៈអភិបាលខេត្តព្រះសីហនុ និង ដោយមានការនិមន្ដចូលរួមពី ព្រះតេជគុណ ប៊ុន ណេង ព្រះគ្រូចៅអធិការវត្តឥន្ទញ្ញាណ សង្កាត់លេខ៣ ក្រុង ខេត្ត ព្រះសីហនុ បានរៀបចំប្រារព្វពិធីបុណ្យមាឃបូជា និងប្រព្រឹត្តទៅនៅវត្តឥន្ទញ្ញាណ ត្រូវចំថ្ងៃ១៥កើត ពេញបូណ៍មី ខែមាឃ ឆ្នាំរកានព្វស័ក ព.ស២៥៦១ ត្រូវនឹងថ្ងៃទី31 ខែមករា ឆ្នាំ2018 ដើម្បីធានាចាត់តាំងពិធីបុណ្យមាឃបូជា នេះអោយបានល្អប្រសើរ។
ពិធីបុណ្យនេះ ព្រះសង្ឃ គណៈកម្មកាអាចារ្យ គណៈអភិបាលខេត្តព្រះសីហនុ រួមជាមួយពុទ្ធបរិស័ទ ក្នុងខេត្តព្រះសីហនុ ដែលខេត្តព្រះសីហនុ ជារៀងរាល់ឆ្នាំ បានរៀបចំប្រារពវធ្វើពិធីដង្ហែរជាក្បួនធម្មយាត្រា ទៅតាមដងផ្លូវសាធារណៈក្នុងទីប្រជុំជន ដើម្បីបង្ហាញអំពីភាពរីកចំរើនព្រះពុទ្ធសាសនា។
ពិធីបុណ្យនេះដែរ ឯកឧត្តម យន្ត មីន អភិបាលខេត្តព្រះសីហនុ បានណែនាំ និងចាត់តាំងអោយគ្រប់មន្ទីរអង្គភាពស្ថាប័នរដ្ឋ ក្នុងខេត្តព្រះសីហនុ និងមន្ទីរធម្មការ និងសាសនាខេត្ត រៀបចំពិធីបុណ្យមាឃបូជានេះ ជាផ្លូវការនៅវត្តឥន្ទញ្ញាណទៅតាម នៃការប្រារព្វតាមកម្មវិធីនៃបុណ្យ៕ សីហា
