ខេត្តព្រះសីហនុ៖ ប្រជាពលរដ្ឋរងគ្រោះរងគ្រោះដោយ ខ្យល់កន្ទ្រាក់ ចំនួន ១៥១២គ្រួសារ នៅស្រុកព្រៃនប់ បានទទួល អំណោយពីកាកបាទក្រហមកម្ពុជា តាមរយៈកាកបាទក្រហម ខេត្តព្រះសីហនុ។ ពិធីនេះ រៀបចំកាលពីព្រឹកថ្ងៃទីអង្គារ៍ 30 ខែមករា ឆ្នាំ2018 នៅស្រុកព្រៃនប់ ខេត្តព្រះសីហនុ។
លោកជំទាវ ឃួន សុដារី សមាជិកសភាអនុប្រធានកាកបាទក្រហមជាតិកម្ពុជា និងជាតំណាងដ៏ខ្ពង់ខ្ពស់ សម្ដេចគតិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា បានដឹកនាំគណៈប្រតិភូកាកបាទក្រហមកម្ពុជា និង ថ្នាក់ដឹកនាំខេត្ត-ក្រុង-ស្រុក-ឃុំ-សង្កាត់ និងមន្ត្រីសាខាកាកបាទក្រហម ខេត្តព្រះសីហនុនាំយកអំណោយស្បៀងអាហារថវិកា និងសម្ភារៈប្រើប្រាស់ទៅឧបត្ថម្ភដល់ប្រជាពលរដ្ឋរងគ្រោះដោយខ្យល់កន្ត្រាក់ជនពិការ និងជនចាស់ជរាគ្មានទីពឹងចំនួន ១៥១២គ្រួសារ នៅក្នុង ស្រុកព្រៃនប់ ខេត្តព្រះសីហនុ ដែលប្រជាពលរដ្ឋរស់នៅចំនួន 3ឃុំ តាមផ្លូវជាតិលេខ 3 មានឃុំសាមគ្គី ឃុំទឹកល្អក់ និងឃុំទឹកថ្លា។
លោកជំទាវ ឃួន សុដារី អនុប្រធានកាកបាទក្រហមកម្ពុជា ឯកឧត្តម យន្ត មីនអភិបាល នៃគណៈអភិបាល ខេត្តព្រះសីហនុបានបញ្ជាក់ថា ដោយស្ថានភាពភូមិសាស្ត្រ ស្រុកខេត្តនៅជាប់នឹងឆ្នេរសមុទ្រ និងជួរភ្នំកំចាយ ធ្វើឲ្យពុម្ពអក្សរស្រុក តែងតែជួបប្រទះនូវខ្យល់ព្យុះ ខ្យល់កន្ត្រាក់ជារៀងរាល់ឆ្នាំ ជាពិសេសឃុំទាំងបី ដែលស្ថិតនៅតាមដងផ្លូវជាតិលេខ ៣ ឃុំសាមគ្គី ឃុំទិកថ្លា និង ឃុំទឹកល្អក់តែងតែទទួល នូវផលប៉ះពាល់ដោយសារខ្យល់ព្យុះបណ្ដាលឱ្យខូចខាតផ្ទះសម្បែង និងផលដំណាំយ៉ាងធ្ងន់ធ្ងរ ក្នុងឆ្នាំកន្លងមកនៅក្រុងស្រុកទាំង ៤ បាននៅរង់គ្រោះដោយអគ្គីភ័យ និងខ្យក់ព្យុះ។
ជាក់ស្ដែងក្នុងរយៈពេល ៥ឆ្នាំកន្លងមកនេះ ប្រជាពលរដ្ឋខេត្តព្រះ សីហនុ តែងរង់គ្រោះដោយអគ្គីភ័យមានចំនួន 113 គ្រួសារ ក្នុងនោះមានចំនួន 2483 គ្រួសាររន្ទះបាញ់ចំនួន 9 នាក់លង់ទឹកចំនួន 12 នាក់ គ្រោះថ្នាក់ចរាចរណ៍ចំនួន68នាក់ ស្ត្រីឆ្លង ទន្លេចំនួន 41នាក់។ ក្នុងនោះកាកបាទក្រហមកម្ពុជា បានជួយឧបត្ថម្ភចំនួន 2097គ្រួសារ។ ជាការឆ្លើយតបនឹងបញ្ហាចាស់ជរា នៅលើទឹកដីនៃខេត្តទាំងមូល ដោយសារសង្គ្រាម បានបន្សល់ទុក នូវចាស់ជរាទុរគត កុមារកំព្រា ស្ត្រីមេម៉ាយជាច្រើន សាខា កាកបាទក្រហមខេត្តបានចុះ ចុះពិនិត្យ ដល់មូលដ្ឋាន ជាពិសេសអ្នកដែលជួបការលំបាកខ្វះខាតខ្លាំងបំផុតគ្មានកូនចៅសាច់ញាតិ និងជាទីពឹងចំនួន 41 គ្រួសារ។
នាឱកាសនេះ សាខាកាកបាទក្រហម បាន ជួយឧបត្ថម្ភ 10 ម៉ឺនរៀល ដល់ 30 ម៉ឺនរៀលក្នុងម្នាក់ៗជារៀរាល់ខែសរុបក្នុង១ខែ ចំណាយសរុប៤២២៧គ្រួសារ បូកសរុបចំណាយសរុប៤.៨៥០.០០០រៀល បូករួមថវិកាសប្បុរស
ជន ៣០០.០០០រៀល។ ស្របតាមគោលនយោបាយ របស់រាជរដ្ឋាភិបាល សាខាបានជីកស្រះទឹកចំនួន២ មានទំហំ១០០៧៣ម៉ែតការេ អាចផ្ទុកទឹកបាន ១០០.០០០ម៉ែតគូប នៅឃំុទឹកល្អក សាខាបានចេញទឹកស្អាតដល់ប្រជាពលរដ្ឋចំនួន៤៥៣២គ្រួសារ ប្រជាពលរដ្ឋខ្វះទឹកចំនួន២៤៨៦គ្រួសារ ប្រជាពលរដ្ឋខ្វះស៊ីទែនស្តុបទឹក៩៣៤គ្រួសារ ផ្ដល់ស៊ីទែនចំនួន ៤ មានចំណុះ ១២០០០លីត្រ ជួសជុលផ្ទះចំនួន 27 ខ្នង និងសង់ផ្ទះចំនួន 8 ខ្នង នៅក្នុងស្រុកព្រៃនប់ ខេត្តព្រះសីហនុ។
លោកជំទាវ ឃួន សុដារី តំណាង ដ៏ខ្ពង់ខ្ពស់សម្ដេចគតិព្រឹទ្ធបណ្ឌិត ប៊ុន រ៉ានី ហ៊ុន សែនប្រធានកាកបាទក្រហមកម្ពុជា មានប្រសាសន៍កោតសរសើរ ចំពោះអាជ្ញាធរខេត្ត ក្រុង ស្រុក ឃំុ សង្កាត់ ភូមិនិងគណៈកម្មាធិការសាខាកាកបាតក្រហម ខេត្ត ព្រះសីហនុ ដែលបានយកចិត្តទុកដាក់ជួយដល់ប្រជាពលរដ្ឋនាពេលកន្លងមក លោកជំទាវអនុប្រធានសាខាកាកបាទក្រហមកម្ពុជា បានផ្ដាំផ្ញើឱ្យគ្រប់ភាគីពាក់ព័ន្ធទាំងអស់ជួយត្រូវបន្តរួមគ្នាជួយប្រជាពលរដ្ឋបន្ថែម ទៀត។
លោកជំទាវ ឃួន សុដារី តំណាងដ៏ខ្ពង់ខ្ពស់ សម្ដេចកិត្តិព្រឹទ្ឋបណ្ឌិត ប៊ុន រ៉ានី ហ៊ុន សែនប្រធានកាកបាទក្រហមកម្ពុជា ក៏បានជំរុញមន្ត្រីគ្រប់ផ្នែក និងគ្រប់មូលដ្ឋានត្រួតពិនិត្យនិងតាមដានជាប្រចាំពីលក្ខណៈចាំជួយសង្គ្រោះទាំងអ្នករងគ្រោះដោយធម្មជាតិ ក៏ដូចជាអ្នកខ្វះខាតខាងជីវភាពសំរាប់កាកបាទក្រហមកម្ពុជាចុះជួយសង្គ្រោះ។
អំណោយដែលចែកជូនក្នុងពេលនោះមានមួយគ្រួសារមួយគ្រួសារទទួលបានអង្ករ 30 គីឡូក្រាមឧបភោគបរិភោគ និងសម្ភារៈប្រើប្រាស់រួមនិងថវិកាមួយចំនួនបន្ថែមទៀតផងដែរ៕ សីហា
