Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ហោរាសាស្ត្រ​សម្រាប់​ថ្ងៃទី ០២ ខែកុម្ភៈ ឆ្នាំ​២០១៨ (​ប្រែ​សម្រួល​ពី​លោកគ្រូ​ដុង​ដាយ​លីន ចុះផ្សាយ​លើ​គេហទំព័រ​ស៊ីណា SINA (​ចិន​))

spot_img

ឆ្នាំជូត ៖ រាសី​ឡើង​ខ្ពស់​។ ការងារ អំណោយផល​ល្អ គ្រប់យ៉ាង​សុទ្ធតែ​រលូន មានឱកាស​បាន​ថ្នាក់លើ​ជឿជាក់ អ្នក​រួម​ការងារ​គាំទ្រ​។ រាល់​ការប្រឹងប្រែង​ទាំង​ប៉ុន្មាន​របស់​អ្នក ចុងក្រោយ​ក៏ត្រូវ​បាន​ឆ្លើយតប​ដោយ​ខ្ទង់​ចំណូល​យ៉ាង​សក្តិសម​។ មនោសញ្ចេតនា ៖ ត្រូវ​លៃ​ទុក​ពេលវេលា​ឲ្យ​បាន​ច្រើនជាង​សម្រាប់​គូស្នេហ៍​។ ទិស​នាំ​លាភ​ទិសពាយ័ព្យ តំណម​ទិសអាគ្នេយ៍​។ ពណ៌​នាំ​សំណាង ពណ៌​ខៀវ​។ អ្នក​យកអាសា​ឆ្នាំកុរ​៕

​ឆ្នាំឆ្លូវ ៖ រាសី​ឡើង​ខ្ពស់​។ ការងារ ស្ថិរភាព​អាស្រ័យហេតុនេះ​ប្រភព​ចំណូល​សំខាន់​របស់​អ្នក​ក៏​ល្អប្រសើរ ប៉ុន្តែ​កុំ​ប្រញាប់​ពេញចិត្ត​ជាមួយនឹង​សមិទ្ធិផល​នេះ ចាំបាច់​ត្រូវ​បន្ថែម​ឲ្យ​ខ្លួន​នូវ​សម្ពាធ​បន្តិច ដើម្បី​មាន​ថាមពល​ប្រយុទ្ធ​។ វិនិយោគ​តូច​ទោះបី​ពុំបាន​ចំណូល​ដូច​ចិត្ត​តែ​សុវត្ថិភាព​។ មនោសញ្ចេតនា ជា​ថ្ងៃ​ពោរពេញ​ដោយ​សុភមង្គល​ក្នុង​សេចក្តីស្នេហា​។ ទិស​នាំ​លាភ​ទិស​ខាងជើង តំណម​ទិស​ខាងត្បូង​។ ពណ៌​នាំ​សំណាង ពណ៌​ខ្មៅ​, ខៀវ​។ អ្នក​យកអាសា​ឆ្នាំជូត​៕

​ឆ្នាំខាល ៖ រាសី​ល្អ​មធ្យម​។ ការងារ មានឱកាស​ថ្មីៗ​ច្រើន​ក្នុង​ការងារ ត្រូវ​ចេះ​ចាប់យក​កុំ​ឲ្យ​ខកខាន​។ អាស្រ័យ​ដោយ​ឆន្ទៈ និង​ថ្វីមាត់​របស់​អ្នក​ដែល​អាចជួយ​ឲ្យ​រកបាន​ប្រាក់​យ៉ាងច្រើន​។ មនោសញ្ចេតនា ពិបាក​រីកចម្រើន​ត្រូវ​បន្ត​អត់ធ្មត់​។ ទិស​នាំ​លាភ ទិសពាយ័ព្យ តំណម​ទិសអាគ្នេយ៍​។ ពណ៌​នាំ​សំណាង ពណ៌​លឿង​។ អ្នក​យកអាសា​ឆ្នាំចរ​៕

​ឆ្នាំថោះ ៖ រាសី​ល្អ​មធ្យម​។ ការងារ ត្រូវ​យកចិត្តទុកដាក់​បង្កើន​កិច្ចសហប្រតិបត្តិការ​ជាមួយ​ថ្នាក់លើ និង​អ្នក​រួម​ការងារ ប្រឹងប្រែង​រៀនសូត្រ​លើកកម្ពស់​សមត្ថភាព​។ ហិរញ្ញវត្ថុ ៖ សុវត្ថិភាព តែ​ក៏ត្រូវ​សន្សំសំចៃ​ក្នុងការ​ចំណាយ​។ មនោសញ្ចេតនា អ្នក​នៅ​លីវ​មានឱកាស​បាន​ជួប​មនុស្ស​ដែល​ខ្លួន​លួច​ស្រឡាញ់ នឹករលឹក​, ចូរ​ជឿជាក់​លើ​ខ្លួនឯង ដើម្បី​បង្ក​រូបារម្មណ៍​ល្អ​ចំពោះ​គេ​។ ទិស​នាំ​លាភ ទិសខាងកើត តំណម​ទិស​ខាងជើង​។ ពណ៌​នាំ​សំណាង ពណ៌​ខ្មៅ​។ អ្នក​យកអាសា​ឆ្នាំកុរ​៕

​ឆ្នាំរោង ៖ រាសី​ស្រុតចុះ​។ ការងារ ប្រយ័ត្ន​ជាមួយ​សម្តី​អូសទាញ ដែល​នាំ​អ្នក​ឆ្ពោះទៅ​ផ្លូវ​អំពើអាក្រក់​, គ្រប់យ៉ាង​ត្រូវ​ពិចារណា​ឲ្យ​ល្អិតល្អន់ មុន​ធ្វើការ​សម្រេចចិត្ត​។ ថ្ងៃនេះ​មាន​ប្រាក់​ដើរ​ទិញ​របស់​ក៏​ជា​វិធី​បំបាត់​ស្ត្រេ​ស​មួយ​ដ៏​ប្រសិទ្ធភាព​។ មនោសញ្ចេតនា ហាក់​មាន​ភាពសោះអង្គើយ​ដាក់គ្នា​។ ទិស​នាំ​លាភ​ទិស​ខាងជើង តំណម​ទិស​ខាងត្បូង​។ ពណ៌​នាំ​សំណាង​ពណ៌​ខ្មៅ​, ខៀវ​។ អ្នក​យកអាសា​ឆ្នាំជូត​៕

​ឆ្នាំម្សាញ់ ៖ រាសី​ឡើង​ខ្ពស់​។ ការងារ អាស្រ័យ​ដោយ​ភាពម្ចាស់ការ និង​អំណត់​ក្នុង​ការងារ ដែល​នាំ​ឲ្យ​គ្រប់យ៉ាង​សុទ្ធ​ត្រូវបាន​អ្នកដោះស្រាយ​ដោយ​ជោគជ័យ​។ ថ្ងៃនេះ​យីអ៊ុន​ឡើង​, មានឱកាស​បង្កើន​ចំណូល​ច្រើន​។ មនោសញ្ចេតនា អ្នក​បាន​រៀបការ​នឹង​មានរឿង​សប្បាយ​ដោយ​ចៃដន្យ​។ ទិស​នាំ​លាភ​ទិស​ខាងលិច តំណម​ទិសឦសាន​។ ពណ៌​នាំ​សំណាង ពណ៌​ស​។ អ្នក​យកអាសា​ឆ្នាំរកា​៕

​ឆ្នាំមមី ៖ រាសី​ស្រុតចុះ​។ ការងារ រវល់​ខ្លាំង តានតឹង អាច​នឹងត្រូវ​បង្កើន​វេន​ជាប្រចាំ​, ត្រូវ​យកចិត្តទុកដាក់​បរិភោគ​ឲ្យ​គ្រប់គ្រាន់​ដើម្បី​ធានា​សុខភាព​។ ថ្ងៃនេះ​មិនល្អ​សម្រាប់​ការវិនិយោគ ព្រោះ​ប្រឈម​នឹង​ការខាតបង់​ច្រើន​។ មនោសញ្ចេតនា ពិបាក​ជឿទុកចិត្ត​គ្នា ហេតុនេះ​តែង​កើតមាន​ការមន្ទិលសង្ស័យ​, ឈ្លោះប្រកែក​។ ទិស​នាំ​លាភ​ទិស និរតី តំណម​ទិស​ខាងជើង​។ ពណ៌​នាំ​សំណាង ពណ៌​លឿង​។ អ្នក​យកអាសា​ឆ្នាំមមែ​។​

​ឆ្នាំមមែ ៖ រាសី​ស្រុតចុះ​។ ការងារ គួរ​លើកកម្ពស់​ការប្រុងប្រយ័ត្ន ក្រែង​ធ្លាក់ចូល​អន្ទាក់​របស់​គូប្រជែង ខំ​ប្រមូល​ស្មារតី​ធ្វើការ​របស់ខ្លួន​ឲ្យ​បានល្អ​។ ថ្ងៃនេះ​មាន​ហានិភ័យ​ក្ស័យធន ដូច្នេះ​ត្រូវ​ប្រយ័ត្ន​ក្នុង​គ្រប់​សេវាកម្ម​លុយកាក់​។ មនោសញ្ចេតនា ជួនកាល​ពាក្យសម្តី​មិន​ស្មើនឹង​អាកប្បកិរិយា​ដ៏​ស្មោះត្រង់​ដែល​អ្នក​បានបង្ហាញ​ចំពោះ​គូស្នេហ៍​។ ទិស​នាំ​លាភ​ទិស​ខាងត្បូង តំណម​ទិស​ខាងជើង​។ ពណ៌​នាំ​សំណាង ពណ៌​ក្រហម​។ អ្នក​យកអាសា​ឆ្នាំមមី​៕

​ឆ្នាំវក ៖ រាសី​ស្រុតចុះ​។ ការងារ គ្រប់​ផែនការ​សុទ្ធតែ​ជួប​ឧបសគ្គ​ធ្វើ​ឲ្យ​អ្នកមាន​អារម្មណ៍​វិលវល់ ខ្វាយខ្វល់ ត្រូវ​នឹងនរ​ឡើងវិញ ដើម្បី​រក​វិធី​ដោះស្រាយ​រឿង​មួយៗ​។ វិនិយោគ​ពិបាក​ទទួលបាន​លទ្ធផល​ដូច​ការរំពឹងទុក ល្អ​បំផុត​គួរ​រង់ចាំ​ឱកាស​ថ្មី​។ មនោសញ្ចេតនា ភាពសោះអង្គើយ​របស់​គូស្នេហ៍​ធ្វើ​ឲ្យ​អ្នកមាន​អារម្មណ៍​រងរបួស​ធ្ងន់​ធ្ង​រ​។ ទិស​នាំ​លាភ​ទិស​ខាងជើង តំណម​ទិស​ខាងត្បូង​។ ពណ៌​នាំ​សំណាង ពណ៌​ខ្មៅ​។ អ្នក​យកអាសា​ឆ្នាំជូត​៕

​ឆ្នាំរកា ៖ រាសី​ល្អ​មធ្យម​។ មានឱកាស​ច្រើន តែ​ល្អ​អាក្រក់​ពិបាក​ស្មាន ត្រូវ​ត្រិះរិះ​ឲ្យ​ម៉ត់ចត់ មុនពេល​សម្រេចចិត្ត ដើម្បី​បញ្ចៀស​ត្រូវ​ស្តាយក្រោយ​។ វិនិយោគ​មិន​អំណោយផល​ល្អ មិនគួរ​ប្រថុយ​។ មនោសញ្ចេតនា ត្រូវ​ចេះ​ជ្រើសរើស​ពាក្យសម្តី កុំ​ធ្វើ​ឲ្យ​របួស​ផ្លូវចិត្ត​គូស្នេហ៍​។ ទិស​នាំ​លាភ​ទិសអាគ្នេយ៍ តំណម​ទិសពាយ័ព្យ​។ ពណ៌​នាំ​សំណាង ពណ៌​ក្រហម​។ អ្នក​យកអាសា​ឆ្នាំម្សាញ់​៕

​ឆ្នាំចរ ៖ រាសី​ស្រុតចុះ​។ រាល់​ទំនាក់ទំនង​សហប្រតិបត្តិ​ការជួប​ឧបសគ្គ ត្រូវ​ព្យាយាម​ដោះស្រាយ​កុំ​រួញរា​។ ចំណូល​មិនល្អ ចាយវាយ​ត្រូវ​សន្សំសំចៃ ដើម្បី​បញ្ចៀស​ត្រូវ​ខ្ចីបុល​គេ​។ មនោសញ្ចេតនា ដោយសារតែ​ពាក្យសម្តី​របស់​អ្នកដទៃ​ងាយ​ធ្វើ​ឲ្យ​អ្នក​សង្ស័យ​គូស្នេហ៍ នាំ​ឲ្យ​ទំនាក់ទំនង​ស្ថិតនៅលើ​មាត់ជ្រោះ​នៃ​ការបែកបាក់​។ ទិស​នាំ​លាភ​ទិស​ខាងត្បូង តំណម​ទិសឦសាន​។ ពណ៌​នាំ​សំណាង ពណ៌​ក្រហម​។ អ្នក​យកអាសា​ឆ្នាំមមី​។​

​ឆ្នាំកុរ ៖ រាសី​ស្រុតចុះ​។ ការងារ ប្រឈមមុខ​នឹង​ការស្តីបន្ទោស​ពី​គ្រប់​មជ្ឈដ្ឋាន ធ្វើ​ឲ្យ​អ្នក​ធុញទ្រាន់ ចូរ​ចាំ​ថា ជោគជ័យ​នឹង​កើត​មានតែ​ចំពោះ​អ្នកចេះ​អត់ធ្មត់ ប្រឹងប្រែង​។ រាល់​ខ្ទង់​វិនិយោគ​មុននេះ នៅ​ពុំទាន់​មាន​ចំណេញ​ធ្វើ​ឲ្យ​អ្នក​អន្ទះសា និង​បារម្ភ​។ មនោសញ្ចេតនា ប្រសិន​បាន​ជួប​មនុស្ស​ដែល​ខ្លួន​ពេញចិត្ត នោះ​កុំ​រអែង​ធ្វើ​ឲ្យ​បាត់បង់​ឱកាស​ត្រូវ​ម្ចាស់​ការរក្សា​ទំនាក់ទំនង​ឲ្យ​ជាប់​។ ទិស​នាំ​លាភ​ទិស​ខាងជើង តំណម​ទិសនិរតី​។ ពណ៌​នាំ​សំណាង ពណ៌​ខៀវ​។ អ្នក​យកអាសា​ឆ្នាំជូត​៕

spot_img
×