ក្រុមហ៊ុនអាកាសចរណ៍ United Airlines កាលពីថ្ងៃពុធ (៩ កញ្ញា) បានព្យាករពីការធ្លាក់ចុះប្រាក់ចំណូលរបស់អ្នកដំណើរនៅត្រីមាសទីបី ច្រើនជាងការរំពឹងទុករបស់ខ្លួន ហើយបាននិយាយថាខ្លួននឹងស្វែងរកការលុបចោលជើងហោះហើរបន្ថែមទៀត រហូតចាំមើលការស្ទុះងើបឡើងវិញនៃការធ្វើដំណើរតាមផ្លូវអាកាស។
ក្រុមហ៊ុនអាកាសចរណ៍ United Airlines បានឲ្យដឹងទៀតថាឥឡូវនេះប្រាក់ចំណូលពីអ្នកដំណើរធ្លាក់ចុះ ៨៥ ភាគរយ។ ក្រុមហ៊ុនកំពុងឃ្លាំមើលយ៉ាងដិតដល់នៅក្នុងឧស្សាហកម្មអាកាសចរណ៍មួយនេះ ក្រោយពី ធ្លាក់ចុះជាងការប៉ាន់ស្មានកាលពីលើកមុនដែលមានត្រឹម ៨៣ ភាគរយ ពីមួយឆ្នាំទៅមួយឆ្នាំ។
ក្រុមហ៊ុនអាកាសចរណ៍អាមេរិកលេខ ៣មួយនេះ ក៏រំពឹងថាសមត្ថភាពនៅត្រីមាសទី ៣ នឹងថយចុះប្រហែល ៧០ ភាគរយពីមួយឆ្នាំទៅមួយឆ្នាំ បើប្រៀបធៀបទៅនឹងការព្យាករណ៍របស់ខ្លួនពីមុនមានតែ ៦៥ ភាគរយទោះបីជាមានការរីកចម្រើនតិចតួចក្នុងការកក់សំបុត្រសម្រាប់ការធ្វើដំណើរកម្សាន្តនៅសហរដ្ឋអាមេរិកនិងរយៈពេលខ្លី និង ទិសដៅនៅអាមេរិកឡាទីននិងការ៉ាបៀន។
ក្រុមហ៊ុនអាកាសចរណ៍អាមេរិកបានបាត់បង់ប្រាក់ចំណូល ៥ ពាន់លានដុល្លារក្នុងមួយខែខណៈដែលយន្តហោះប្រមាណ ៣០ ភាគរយនៅទំនេរដោយមិនហោះហើរ ក្នុងអំឡុងពេលមានការឆ្លងរាលដាលនៃវីរុសឆ្លងដែលបានជំរុញឱ្យអ្នកដំណើរលុបចោលជើងហោះហើររបស់ពួកគេនិងស្វែងរកការសងប្រាក់ជាជាងការកក់ការធ្វើដំណើរថ្មី៕
ប្រភព៖ Reuters
ដោយ៖CEN
