ខេត្តស្ទឹងត្រែង ៖ រថយន្តមួយគ្រឿងបុកម៉ូតូពីក្រោយយ៉ាងពេញទំហឹងក្នុងទិសដៅស្របគ្នាកាលពី ព្រឹកទី៧ខែកុម្ភៈឆ្នាំ២០១៨ស្ថិតលើកំណាត់ផ្លូវជាតិលេខ ៧៨ ចំណុចបង្គោលលេខ ៤៧៥- ៤៧៦ស្ថិតនៅក្នុងភូមិច្រប់ ឃុំក្បាលរមាស ស្រុកសេសាន ខេត្តស្ទឹងត្រែង បណ្តាលឲ្យ មន្ត្រីរដ្ឋបាលព្រៃឈើម្នាក់បានស្លាប់ភ្លាមៗ។ ក្រោយកើតហេតុរថយន្តបង្កត្រូវបានសមត្ថកិច្ចឃាត់ទុកទាំងតៃកុងនិងរថយន្ត។
ប្រភពពីសមត្ថកិច្ចបានឲ្យដឹងទៀតថា ជនរងគ្រោះ ឈ្មោះ យាវ វុឌ្ឍី ភេទប្រុស អាយុ៤៣ឆ្នាំ រស់នៅភូមិច្រប់ ឃុំក្បាលរមាសស្រុកសេសាន ជាមន្ត្រីរដ្ឋបាលព្រៃឈើ សង្កាតក្បាលរមាស។
រថយន្តបង្កម៉ាក់ហ៊ីយ៉ានដាយពណ៌ស ពាក់ស្លាក់លេខ ONG77 2-011បើកដោយឈ្មោះ ម៉ុក សុភាពភេទប្រុស អាយុ៣៦ឆ្នាំ ជាបុគ្គលិកអង្ការ រស់នៅស្រុកអង្គជ័យខេត្តកំពត។ បច្ចប្បន្នទាំងរថយន្តនិងតៃកុងត្រូវបានសមត្ថកិច្ចឃាត់ទុកសួរនាំដើម្បីដោះស្រាយទៅតាមច្បាប់ ៕ ដោយ៖បញ្ញាស័ក្តិ
