ភ្នំពេញ៖ នគរបាលខេត្តបាត់ដំបងបង្ក្រាបករណីគ្រឿងញៀនមួយករណីឃាត់ខ្លួនជនស័ង្សយចំនួន ២ នាក់រឹបអូសបានថ្នាំញៀនទម្ងន់ ១០២៦,៧ ក្រាមនៅក្រុងបាត់ដំបង។
នៅថ្ងៃ ពុធ ថ្ងៃ ៧ ខែ កុម្ភៈឆ្នាំ ២០១៨ អនុវត្តតាមការណែនាំជាប់ជាប្រចាំរបស់ លោកឧត្តមសេ នីយ៍ ទោ អ៊ុច សុខុន ស្នងការនៃស្នងការដ្ឋាននគរបាលខេត្តបាត់ដំបង ក៏ដូចជាអនុវត្តតាមការដឹកនាំរបស់លោកឧត្តមសេនីយ៍ត្រី កុយ ហៀង ស្នងការរងទទូលផែនប្រឆាំងបទល្មើស កម្លាំងការិយាល័យជំនាញនៃស្នងការដ្ឋាននគរបាលខេត្តបាត់ដំបង បានធ្វើការបង្ក្រាបករណីជួញដូរគ្រឿងញៀនមួយករណី ស្ថិតក្នុងនៅចំណុចផ្ទះសំណាក់គានថៃ បន្ទប់លេខ២០២ ភូមិកម្មករ សង្កាត់ស្វាយប៉ោ ក្រុងបាត់ដំបង ខេត្តបាត់ដំបង ដោយធ្វើការឃាត់ខ្លួនជនសង្ស័យចំនួន ២ នាក់៖ ឈ្មោះសាំង សេរី ភេទប្រុស អាយុ ៣៨ ឆ្នាំរស់នៅភូមិចាំយាម ឃុំបាក់ខ្លង ស្រុកមណ្ឌលសីមា ខេត្តកោះកុង និង ឈ្មោះលាង ជឿន ភេទប្រុស អាយុ ៣៨ឆ្នាំ រស់នៅភូមិពោធិ៍ ឃុំភ្នំកុង ស្រុកអង្គរជ័យ ខេត្តកំពត។ ក្នុងនេះ សមត្ថកិច្ចបានដកហូតថ្នាំញៀនម៉ាទឹកក ICE ចំនួន ១កញ្ចប់ធំ ទម្ងន់១០២៦,៧ ក្រាម ទូរស័ព្ទដៃចំនួន ២គ្រឿង រថយន្តម៉ាក Lexus RX300 ចំនួន ១ គ្រឿង ។
ជនស័ង្សយ និងវត្ថុតាងសមត្ថកិច្ចនគរបាលកំពុងកសាងសំណុំរឿងបញ្ជូនទៅសាលាដំបូងខេត្តបាត់ដំប ងដើម្បីចាត់ការតាមផ្លូវច្បាប់៕ ដោយ៖បញ្ញាស័ក្តិ
