Wednesday, May 25, 2022

បុរី អិ​ល​អេ​ច​អិ​ល​(LHL) បើក​ការដ្ឋាន​សាងសង់​គម្រោង​ផ្ទះ​អាជីវកម្ម​ថ្មី ជាមួយនឹង​ឱកាស​ចំណេញ​ជាច្រើន​សន្ធឹកសន្ធាប់ លក់​ជូន​អតិថិជន​ដោយមាន​សេវា​បង់​រំលស់​សមរម្យ​

​ភ្នំពេញ​៖​ការចាប់ផ្តើម​ដំណើរការ​សាង​សង់​របស់​បុរី អិ​ល អេ​ច អិ​ល​(LHL)​ធ្វើឡើង កាលពី​ព្រឹក​ថ្ងៃទី​២៥​ខែតុលា​ឆ្នាំ​២០២០ ដោយបាន​រៀបចំ​ប្រារព្ធ​ពិធី សែន​ក្រុង​ពាលី និង​បុក​គ្រឺះ​បើក​ការដ្ឋាន​ថ្មី​ព្រម ទាំង​សម្ពោធ​បើក​ការិយាល័យ លក់​បុរី​ថ្មី​ជា​ផ្លូវ ការ​នូវ​គម្រោង​លំនៅដ្ឋាន​ប្រណិត​បែប​អាជីវកម្ម ក្នុង​រាជធានី​ភ្នំពេញ​ដែលមាន​ទីតាំង នៅ​ផ្លូវ​105K ស្ថិតនៅ​ភូមិ​វិមាន​ទ្រង់ សង្កាត់​ក្រាំងធ្នង់ ខណ្ឌ​សែន​សុខ​រាជធានី​ភ្នំពេញ ដែល​ធ្វើដំណើរ​ចំងាយ​ពីមុខ​ព្រលាន យន្តហោះ​ប្រមាណ ១០​នាទី​។​

​លោក​ឧកញ៉ា លាង ហ៊ី និង លោកជំទាវ ហេង សុក​គៀង អគ្គនាយក​ក្រុមហ៊ុន ឃូ ឌី​វេឡុ​ប​ម៉ិ​ន ឯ.ក ម្ចាស់​បុរី​អិ​ល អេ​ច អិ​ល បាន​ឲ្យ​ដឹងថា​នេះ​គឺជា​គំរោង​ថ្មី​របស់​ក្រុមហ៊ុន បន្ទាប់ពី​មានការ​ជោគជ័យ​យ៉ាងខ្លាំង​ក្នុង វិស័យ សាងសង់​ស​ណ្ឋាគារ​លំដាប់​ផ្កាយ​ប្រាំ របស់​អន្តរជាតិ ដែលមាន​ឈ្មោះ ខ​ត​យ៉ា​ត បាយ ម៉ា​រីត​(Courtyard by Marriott) ស្ថិត​នៅក្រោយ​ព្រះបរមរាជវាំង និង ការិយាល័យ​ជួល​ដ៏​ទំនើប​និង​ទាន់សម័យ ជួល​ដោយ​ក្រុមហ៊ុន ខេ​ម​បូ​ឌា អ៊ែរ​វ៉េ (Cambodia Airways) ដែលជា​ក្រុមហ៊ុន​អាកាសចរ​ណ៏​ដ៏​ល្បីល្បាញ​ក្នុង ព្រះរាជាណាចក្រ​កម្ពុជា និង​ការសាងសង់​ដទៃទៀត​ដែល​ក្រុមហ៊ុន​មាន​ស្នារ​ដៃ​និង​បទពិសោធ​ជាច្រើន​។​

​លោក​ឧកញ៉ា និង លោកជំទាវ បាន​សំឡឹងមើល​ចក្ខុវិស័យ​ដ៏​វែងឆ្ងាយ នៃ​ការលូតលាស់​ក្នុង​វិស័យ​អចលនទ្រព្យ ស្រប​ជាមួយ​ការរីកចម្រើន របស់​ប្រទេស​កម្ពុជា ក្រោម​ការដឹកនាំ​ដ៏​ឆ្លាត​វៃ​របស់​សម្តេច​អគ្គមហាសេនាបតី​តេ​ជោ ហ៊ុន សែន ដែលជា​ប្រមុខ​ដឹកនាំ​រាជរដ្ធាភិបាល នាំមក​នូវ​ភាព​រីកចម្រើន ក្រោម​គោល​កាល​នយោបាយ​ឈ្នះ​ឈ្នះ បានធ្វើ​ឲ្យ​លោក​ឧកញ៉ា និង លោកជំទាវ​មានការ​ជឿរ​ជាក់ ដ៏​មុតមាំ​នឹង​បានសម្រេច​វិនិយោគ​ក្នុង​វិស័យ​បុរី ក្នុង គំ​ម្រោ​ង​បុរី អិ​ល អេ​ច អិ​ល ដែលមាន​ទីតាំង​ស្ថិតនៅ​ផ្លូវ​105K ភូមិ​វិមាន​ទ្រង់ សង្កាត់​ក្រាំងធ្នង់ ខណ្ឌ​សែន​សុខ​រាជធានី​ភ្នំពេញ នៅជាប់​ជុំវិញ​ដោយ​បុរី​ប្រឌិតៗ​ដែលជា​បុរី​សាងសង់​ប្រកបដោយ​គុណភាព​ខ្ពស់ រចនាបទ​បែប​ទំនើប ទាន់សម័យ មាន​ទីតាំង​ស្ថិតនៅក្នុង​តំបន់ ដែលមាន​សក្តានុពល​និង​ការអភិវឌ្ឍន៍​ខ្លាំង ដែល​ផ្តល់នូវ​ភាព​ងាយ ស្រួល​បំផុត​សម្រាប់​ការរស់នៅ​។

​លោក​ឧកញ៉ា​និង​លោកជំទាវ​បាន​សង្កត់ធ្ងន់ថា ៖​ក្រុមហ៊ុន​បាន​ខិតខំ រៀបចំឡើង​ដោយ​ជ្រើស​រើសយក​ទីតាំង បុរី​សម្រាប់​លក់ ដែលមាន​ភូមិសាស្ត្រ​ល្អ​នៅក្នុង​តំបន់​ដែលមាន​ការអភិវឌ្ឍ​យ៉ាង​ឆាប់រហ័ស​នាពេល​បច្ចុប្បន្ន​នេះ ដែល​បាន​ចូលរួម​មួយចំណែក​ក្នុងការ​អភិឌ្ឍន៍​សង្គម និង​ជួយ​លើកស្ទួយ​ដល់​វិស័យសេដ្ឋកិច្ច និង​អចលនទ្រព្យ​នៅ​ព្រះរាជាណាចក្រ​កម្ពុជា ។

​លោក​ឧកញ៉ា​និង​លោកជំទាវ​បាន​បញ្ជាក់ថា ជាមួយគ្នានេះ​ដើម្បី​បង្កលក្ខណៈ​ងាយស្រួល ដល់​អតិថិជន​ក្រុមហ៊ុន​បានរៀបចំ​តាម​មាត្រដ្ឋាន​លំនៅដ្ឋាន​រស់នៅ ដ៏​ស្រស់ស្រាយ​សម្រាប់ ក្រុមគ្រួសារ​និង​អាជីវករ តាមរយៈ​ការរួមបញ្ចូល ភាពទំនើប នៅក្នុង​លំនៅដ្ឋាន​ដែល សាងសង់ឡើង យ៉ាង​យកចិត្តទុកដាក់ ដោយ​វិស្វករ​ជំនាញ និង​ត្រឹមត្រូវ​តាម​ស្តង់ដារ​ស្ថាបត្យកម្ម​សំណង់ ព្រមទាំង​ចាក់​ផ្លូវ​បេតុង​ធំ​ទូលាយ ត​ភ្ជាប់​ប្រព័ន្ធ​ទឹក ប្រព័ន្ធ​ភ្លើង ប្រព័ន្ធ​លូ និង​ហេដ្ឋារចនាសម្ព័ន្ធ​ធំ​ទូលាយ​។​

​លោក​ឧកញ៉ា អគ្គនាយក បានបញ្ជាក់​បន្ថែម ពី​គោលដៅ​ចម្បង​របស់​បុរី អិ​ល អេ​ច អិ​ល ថា “​យើង​ចង់​ឲ្យ ប្រជាជន​ទូទៅ ទទួលបាន​លំនៅដ្ឋាន​មួយ ដែលមាន​ភាព​ប្រណិត រឹង​ម៉ាំ និង​មានតម្លៃ​សមរម្យ​សម្រាប់​រស់នៅ និង អាច​ប្រកប​អាជីវ​កម្មបាន​”​។​

​គួរបញ្ជាក់​ផងដែរ​ថា សម្រាប់​អតិថិជន ដែល​ធ្វើ​ការទិញ​ផ្ទះ​ក្នុងឱកាស​ពិធី​ក្រុង​ពាលី និង​បើក​ការដ្ឋាន​សាងសង់​គម្រោង របស់​បុរី អិ​ល អេ​ច អិ​ល អតិថិជន​ទទួលបាន​នូវ​ការ​បញ្ចុះតម្លៃ 5% ប្រ​ម៉ូ​សិន​ភ្លាមៗ សម្រាប់​ការបង់​ផ្តាច់ ទៅលើ​ប្រភេទ​ផ្ទះ​អាជីវកម្ម (Shop House) និង​ការបញ្ចុះ​បន្ថែមទៀត​រហូតដល់ 5,000 ដុល្លា​អាមេរិក ក្នុង​រយៈពេល​នេះ​រហូត​ដល់​៣១​តុលា ឆ្នាំ​២០២០ និង​ការបង់​រំ​លោះ​ឥត​ការប្រាក់​រហូតដល់​២០​ខែ​៕​ដោយ​៖​ឡេង បញ្ញា​ឬ​ទ្ធិ​