ភ្នំពេញ៖ សមត្ថកិច្ចខណ្ឌដូនពេញបានបង្ហាញអំពីអត្តសញ្ញាណជនរងគ្រោះទាំង៤នាក់ដែលស្លាប់ ក្នុងហេតុកាណ៍ឆេះហាងលក់និងជួសជុលកំទ្យូទ័រ STC Computer ដោយក្នុងនោះមានសពម្នាក់ ជាថៅកែហាង។
ជនទាំងអស់នោះ ទី១ ឈ្មោះសន ទិត អាយុ២៩ឆ្នាំ មុខរបរជាថៅកែហាងកំព្យូទ័រ ដែលឆេះនោះ ស្នាក់នៅផ្ទះកើតហេតុ និងមានស្រុកកំណើតនៅភូមិតូងសង្កាត់សួង ក្រុងសួង ខេត្តត្បូងឃ្មុំ ទី២ឈ្មោះអ៊ុត សារៀងភេទប្រុសអាយុ៣២ឆ្នាំ ជាបុគ្គលិក ស្នាក់នៅជាមួយគ្នា និងមានស្រុកកំណើតនៅភូមិតាប៉ូឃុំអូឫស្សីស្រុកក្រចេះខេត្តក្រចេះ ទី៣ ឈ្មោះគា ចន្ថាភេទប្រុសអាយុ២៤ឆ្នាំ ជាបុគ្គលិក ស្នាក់នៅជាមួយគ្នានិងមានស្រុកកំណើតនៅភូមិតូងសង្កាត់សួងក្រុងសួងខេត្តត្បូងឃ្មុំ និងទី៤ ឈ្មោះយ៉េន គន្ធា ភេទប្រុស២៣ឆ្នាំមានស្រុកកំណើតនៅភូមិឃុំខ្សែតស្រុកកំពង់រោរ៍ខេត្តស្វាយរៀង។ អ្នកទាំង៤នាក់នេះសុទ្ធតែនៅកំលោះ។
បច្ចុប្បន្នសពជនរងគ្រោះទាំង៤នាក់បានតម្កល់នៅសាលនៃមន្ទីរពេទ្យកាល់ម៉ែតដើម្បីរង់ចាំក្រោយពេលសមត្ថកិច្ចជំនាញចុះធ្វើកោសល្យវិច័យរួចរាល់ហើយនោះនឹងប្រគល់ទៅឲ្យក្រុមគ្រួសារសាច់ញ្ញាតិមកទទួលយកទៅធ្វើតាមប្រពៃណី។
គួរបញ្ជាក់ថា សោតនាដកម្មដ៏រន្ធត់មួយបណ្តាលឲ្យមនុស្សប្រុស៤នាក់ត្រូវបានរកឃើញស្លាប់ទាំងអស់គ្នានៅក្នងហេតុការណ៍គ្រោះអគ្គីភ័យដែលកើតឡើងកាលពីវេលាម៉ោង២៣យប់ថ្ងៃទី១៦ខែតុលាឆ្នាំ២០១៧នៅផ្ទះលក់និងជួសជុលកំទ្យូទ័រយីហោ(S T C Computer)(អេស ធី ស៊ីកុំទ្យុទ័រ)ដែលមានទីតាំងផ្ទះលេខ៣Bនៅផ្លូវលេខ៧០ក្រុម២៤២Bភូមិ១៩ក្នុងសង្កាត់ស្រះចកខណ្ឌដូនពេញ។
ក្នុងហេតុការគ្រោះអគ្គីភ័យដ៏រន្ធត់នោះដែរគេឃើញវត្តមានលោកឃួង ស្រេង អភិបាលរាជធានីភ្នំពេញនិងលោកសុខ ពេញវុធ ចាអភិបាលខណ្ឌដូនពេញរួមទាំងលោកជួន សុវណ្ណ ស្នងការរាជធានីភ្នំពេញបានចុះទៅដល់កន្លែងកើតហេតុភ្លាមៗដើម្បីជួយអន្តរាគមន៍ពីហេតុការណ៍នោះផងដែរ។
បន្ទាប់ពីអគ្គីភ័យត្រូវបានគ្រប់ទាំងស្រុងដោយបាញ់ទឹកពន្លត់ភ្លើងអស់ហើយនោះអ្វីរកឃើញនៅក្នុងហាងលក់កំទ្យូទ័រនោះគឺមនុស្សប្រុស៤ដែលសង្ស័យជាបុគ្គលិកឬក៏ម្ចាសហាងនោះបានស្លាប់ទាំងអស់រួមទាំងឥវ៉ាន់ក្នុងផ្ទះនោះទាំងស្រុងតែម្តង។
ប្រភពព័ត៌មានពីកន្លែងកើតហេតុបានឲ្យដឹងថានៅវេលាម៉ោង២៣យប់ថ្ងៃកើតហេតុនោះគេឮសម្រែកឲ្យជួយចេញពីហាងលក់និងជួសជុលកុំព្យុទ័រនោះខណៈដែលឃើញភ្លើងផ្សែងយ៉ាងឃ្មួលខ្មាញ់លាយឡំនិងអណ្តាតភ្លើងសន្ធោរសន្ធៅបានឆាបឆេះនៅក្នុងហាងនោះ។ជាមួយនឹងសម្លេងសម្រែកឲ្យជួយនោះដែរអ្នកជិតខាងក៏នាំគ្នាឈូឆរនាំគ្នាចេញពីផ្ទះជិតខាងមកជួយអន្តរាគមន៍ដោយអ្នកខ្លះយកមំពង់ពន្លត់អគ្គីភ័យមកជួយបាញ់ដែរតែអ្វីដែលពិបាកជួយនោះគឺនៅផ្ទះកើតហេតុនោះជាប់សោរពីខាងក្នុងជិតមិនអាចជួយបានឡើយ។
ប្រភពព័ត៌មានបានបន្តទៀតថាក្នុងគ្រោះអគ្គីភ័យដ៏រន្ធត់នោះបន្ទាប់ពីកើតហេតុភ្លាមៗកម្លាំងអាជ្ញាធរមូលដ្ឋានជាពិសេសក្រុមរងយន្តពន្លត់អគ្គីភ័យជាច្រើនគ្រឿងបានមកជួយអន្តរាគមន៍បាញ់ទឹកពន្លត់ភ្លើងនិងកាត់សោរទ្វារផ្ទះលក់កុំព្យុទ័រនោះរហូតរលត់ជាស្ថាពរវិញប្រហែលជាង១ម៉ោងក្រោមមក។ក្រោយពីគរប់គ្រងបានហើយនោះកម្លាំងសមត្ថកិច្ចនិងអាជ្ញាធរបានសហការគ្នាចូលរុករកនៅក្នុងហាងកើតហេតុនោះឃើញជនរងគ្រោះភេទប្រុសទាំង០៤នាក់បានឆេះរោលស្លាប់ទាំងអស់គ្នាទៅហើយ។
សមត្ថកិច្ចបានបន្តទៀតថាអគ្គីភ័យកើតឡើងនៅផ្ទះលេខ៣Bស្ថិតនៅតាមបណ្តោយផ្លូវលេខ៧០ក្រុម២៤២B ភូមិ១៩សង្កាត់ស្រះចក ខណ្ឌដូនពេញ រាជធានីភ្នំពេញនោះម្ចាស់ផ្ទះដើមឈ្មោះព្រហ្ម ស្រ៊ុន ភេទប្រុស អាយុ ៦៧ឆ្នាំបានជួលផ្ទះមួយជង់នោះទៅឲ្យជនរងគ្រោះសន ទិត ភេទប្រុសអាយុ២៩ឆ្នាំរកស៊ីលក់និងជួសជុលកុំព្យុទ័រយីហើ(អេស ធី ស៊ី កុំព្យុទ័រ)(S T C computer)នេះជាប្រភេទសំណង់ផ្ទះល្វែង ទំហំ 5mx16mនិងខូចខាត ឆេះល្វែង ទំហំ5mx16m អស់ទាំងស្រុងបណ្តាលឲ្យស្លាប់ទាំងថៅកែនិងកូនចៅទាំងអស់០៤នាក់តែម្តង ដែលសពទី១ត្រូវរកឃើញនៅបន្ទប់ជាន់ក្រោមផ្ទាល់ដីម្នាក់និងសព០៣នាក់ទៀត ត្រូវរកឃើញស្លាប់នៅក្បែរគ្នាត្រង់ជាន់ទី១។
សមត្ថកិច្ចបញ្ជាក់ទៀតថាចំណែកការជួយអន្តរាគមន៍ពីរថយន្តពន្លត់អគ្គិភ័យវិញមានរថយន្តការិយាល័យបង្ការនិងពន្លត់អគ្គិភ័យ ចំនួន១២គ្រឿងប្រើប្រាស់ទឹក អស់២០ឡាន ស្មើនឹង៨០ម៉ែត្រគូប ។ក្នុងនោះរថយន្តជំនួយ ក្រុមហ៊ុន OCIC កោះពេជ្រ ចំនួន៤គ្រឿង មិនបានប្រើប្រាស់ទឹកទេ អគ្គិភ័យបានគ្រប់គ្រងទាំងស្រុងនៅម៉ោង១២និង៣០ នាទីយប់ឈានចូលថ្ងៃទី១៧ខែតុលាឆ្នាំ២០១៧នេះ។ចំណែកមូលហេតុនៃការឆេះនោះសមត្ថកិច្ចជំនាញគ្រាន់សន្និដ្ឋានជំហានដំបូងថាអាចមកពីទុស្សេឆ្លងចរន្តអគ្គិសនីឆាបឆេះគ្រឿងជ័រកំព្យូទ័រនោះក៏ផ្សេងហប់សន្ធប់ផ្សែងគ្មានអុកស៊ីស៊ែនទើបធ្វើឲ្យជនរងគ្រោះទាំង៤នាក់ជាបុគ្គលិកនិងថៅកែត្រូវស្លាប់ទាំងអស់គ្នាតែម្តងព្រោះតែស្លន់ស្លោរកកូនសោរទ្វារចាក់បើកទ្វារចេញមិនទាន់នោះ។ចំណែកសម្ភារៈខូចខាតក្នុងផ្ទះនោះរួមមាន កំព្យូទ័រមួយចំនួនធំ អស់ទាំងស្រុង និង បន្សល់ទុកនូវម៉ូតូចំនួន២គ្រឿង៕ ដោយ៖កូឡាប
