Friday, March 29, 2024

ទំនាក់ទំនង : 0716140005

Address : #16 (Borey New World) St. 6A sk . Phnom Penh Thmey kh. Sen Sok ct., Phnom Penh 120913 Office: +85523232725 Tel: 017 93 61 91

ក្រុម​មេដឹកនាំ​រុស្ស៊ី កំពុង​ត្រូវបាន​ហ្វឹកហ្វឺន ដូចជា​… យុទ្ធជន​ពិតៗ​

spot_img

​ប្រសិនបើ​អ្នក​ចង់​ក្លាយជា​អភិបាលរដ្ឋ​មួយ នៅ​រុស្ស៊ី នោះ​ប្រហែលជា​អ្នកនឹង​ត្រូវ​លោត​ពីលើ​ជញ្ជាំង​ភ្នំ​កម្ពស់​រាប់​ម៉ែត្រ ដើម្បី​បញ្ជាក់​ពី​ទឹកចិត្ត​ក្លាហាន​របស់ខ្លួន​។​

​តាម RT បណ្តា​អភិបាល​អនាគត​របស់​រុស្ស៊ី អាច​នឹងត្រូវ​ឲ្យ​បង្ហាញ​ភាពរឹងមាំ​របស់ខ្លួន​ដោយ​លោត​ចេញពី​ជញ្ជាំង​ភ្នំ​កម្ពស់​៧​ម៉ែត្រ នៅ Sochi នា​ដើមខែ​តុលា ឆ្នាំ​២០១៧​នេះ​។ នាយខុទ្ទកាល័យ​រង​ទី​១ របស់​វិមាន​ក្រែ​ម​ឡាំង Sergey Kiriyenko បាន​ប្រាប់​គេហទំព័រ Gazeta ថា ៖ “​នេះ​ជា​សកម្មភាព​ដើម្បី​សាង​ស្មារតី​យុទ្ធ​មិត្ត​ល្អ​បំផុត​” ។​

​លោត​ពីលើ​ជញ្ជាំង​ភ្នំ ជា​ផ្នែក​មួយ​នៃ​កម្មវិធី “​ជ្រលង​ភ្នំ​” ស្ថិតក្នុង​គ្រោងការណ៍​បណ្តុះបណ្តាល​៩​ខែ សម្រាប់​មន្ត្រីជាន់ខ្ពស់ ក្នុង​បណ្តា​តំបន់​របស់​រដ្ឋាភិបាល​រុស្ស៊ី​។ “​ជ្រលង​ភ្នំ​” ជា​កម្មវិធី​ដ៏​តឹងតែង​១ បង្ខំ​ឲ្យ​អ្នកចូលរួម​ត្រូវ​ឆ្លងកាត់​ជ្រលង​ភ្នំ​ទាំងឡាយ ដោយ​ពុំមាន​ជំនួយ​ពី​ឧបករណ៍​ពិសេសៗ​អ្វី​ទេ​។​

​វិទ្យាស្ថាន​ប្រធានាធិបតី​រុស្ស៊ី ដែលជា​អង្គភាព​រៀបចំ​កម្មវិធី​នេះ​ឡើង បាន​ប្រាប់​ទីភ្នាក់ងារសារព័ត៌មាន RIA Novosti ថា ៖ “​អ្នកចូលរួម​ត្រូវ​លុយ​ទឹកជ្រោះ ឆ្លងកាត់​បណ្តា​ឧបសគ្គ “​រារាំង​ផ្លូវ​” ហើយ​លោត​ចុះ​ពីលើ​ជញ្ជាំង​ភ្នំ​មួយ​…​។ វា​គឺជា​ការត្រួត​ពិនិត្យមើល​ប្រតិកម្ម​របស់​មនុស្ស​ទាំង​នោះ ពេល​មាន​ករណី​តានតឹង​កើតមានឡើង​”​។​

​តាម Gazeta នោះ​ការ​លោត​ចុះ​ពីលើ​ជញ្ជាំង​ភ្នំ​ពុំជា​វិញ្ញាសារ​ចាប់បង្ខំ​ឡើយ ហើយ​មន្ត្រី​មួយចំនួន​ពុំ​អាច​ចូលរួម​ក្នុង​កម្មវិធី​នេះ​បាន​ព្រោះ​…​រវល់​ការងារ ៕​

spot_img
×