កាលពីពេលថ្មីៗនេះ ម្ចាស់ពានរង្វាន់លំដាប់ថ្នាក់ពិភពលោក Cambodia’s Got Talent រដូវកាលទី១ ប្អូនប្រុសពិការភ្នែក យឿន ពិសី បានធ្វើសម្រេចចិត្តចេញវីដេអូ លើកដៃម្រាមដៃ១០ ដើម្បីសុំជំនួយពីពុកម៉ែបងប្អូនសប្បុរសជន មេត្តាជួយដល់ប្អូនស្រីម្នាក់ ដែលបានជួបគ្រោះថ្នាក់ចរាចរណ៍ដ៏រន្ធត់ កាលពីថ្ងៃទី២៧ ខែវិច្ឆិកា ឆ្នាំ២០២០ កន្លងទៅ ដោយបណ្តាលឲ្យប្រេះឆ្អឹងត្រគាគចំនួន៣កន្លែង ភ្នែកខូចម្ខាង និងផ្ទៃមុខគ្របដណ្តប់ដោយថ្នេរម្ជុលដ៏គួរឲ្យអាសូរបំផុត ខណៈគ្រួសាររបស់នាងមានជីវិតខ្វះខាតខ្លាំង និងគ្មានលទ្ធភាពក្នុងការព្យាបាលកូនស្រីទេ។
ក្នុងនោះផងដែរ ប្អូនប្រុស យឿន ពិសី ក៏បានភ្ជាប់សារជាមួយសំណេររៀបរាប់លម្អិតឲ្យដឹងថា៖ «គាត់បានជួបរឿងគ្រោះថ្នាក់ចរាចរណ៍នៅថ្ងៃទី២៧ ខែវិច្ឆិកា ត្រូវប្រះឆ្អឹងត្រគាកបីកន្លែងភ្នែកខូចម្ខាង បាក់ឆ្អឹងមុខក្រោមភ្នែកអស់ម្ខាង ធ្មេញបាក់អស់ទៀតបងប្អូនអើយ បាក់ខ្ទង់ច្រមុះបីកំណាត់ ហើយនៅពេលនេះគាត់បានដឹងខ្លួនខ្លះហើយ តែនិយាយបានតិចៗ តែស្ដាប់គាត់និយាយមិនច្បាស់ទេ គាត់នៅខ្វះខាតថវិកាច្រើនណាស់ សូមបងប្អូនមេត្តាជួយដល់គាត់ផងតាមសទ្ធារបស់បងប្អូនលេខទូរស័ព្ទរបស់ឪពុកជនរងគ្រោះ : 089 82 69 15»៕ រក្សាសិទ្ធិដោយ៖ លឹម ហុង
